ဖွံ့ဖြိုးတိုးတက်လာသော မြိတ်ဒေသ၏ ကကတစ်ငါး မွေးမြူရေးလုပ်ငန်း

ဖွံ့ဖြိုးတိုးတက်လာသော မြိတ်ဒေသ၏ ကကတစ်ငါး မွေးမြူရေးလုပ်ငန်း

မြိတ်ဒေသသည် ကပ္ပလီပင်လယ်ပြင်နှင့် ထိစပ်လျက် ရှိသည့် အားလျော်စွာ အဓိက စီးပွားရေး လုပ်ငန်း အဖြစ် ရေငန်ငါးဖမ်းလုပ်ငန်း (ကမ်းနီး / ကမ်းဝေး)ကိုသာ အစဉ်အဆက် လုပ်ကိုင် လာခဲ့ပါသည်။ ယခုအခါတွင် ပင်လယ်ပြင် အတွင်း ငါးဖမ်းခြင်း လုပ်ငန်းအပြင် ငါးမွေးမြူရေး လုပ်ငန်း အဖြစ် မြိတ်ဒေသ ရေမြေသဘာဝနှင့် အထူးကိုက်ညီမှု ရှိသော ရေချို - ရေငန် ငါး ဖြစ်သည့် ကကတစ်ငါး ( Seabass )ကို စီးပွားဖြစ် မွေးမြူ လုပ်ကိုင် အောင်မြင်လျက် ရှိပါသည်။

ကကတစ်ငါး ( Seabass )

ကကတစ် ငါးကို သာမန် အင်္ဂလိပ် အခေါ်အဝေါ်အားဖြင့် Giant Sea perch (or) Seabass ဟု ခေါ်ကြပါသည်။ ၄င်း၏ သိပ္ပံအခေါ်အဝေါ်မှာ lates Calcarifer ဖြစ်ပြီး ငယ်ရွယ်ချိန်တွင် အစုံစားငါး ဖြစ်ပြီး ကြီးလာသော အခါ အသားစားငါး ဖြစ်ပါသည်။

ကကတစ်ငါး ( Seabass )မွေးမြူမှု စနစ်

မြိတ်ဒေသ အတွင်း ကကတစ်ငါး ( Seabass )ကို လှောင်အိမ်များနှင့် လည်းကောင်း၊ ဂဏန်းပျော့ မွေးမြူရေးလုပ်ငန်းနှင့် တွဲဖက်၍ လည်းကောင်း မွေးမြူလျက် ရှိပါသည်။ အစာရရှိ နိုင်မှုသည် ကကတစ်ငါး မွေးမြူရာတွင် အရေးကြီးဆုံးသော အချက် ဖြစ်ပါသည်။ လတ်ဆတ် သော ငါးသေး၊ ငါးဖွဲများကို အနေတော် ခုတ်ထစ်၍ ကျွေးရပါသည်။ မြိတ်ဒေသတွင် အလွန် ပေါများသော ပေါင်းကျေး၊ ဂေါရပ် အစရှိသည့် ငါးများမှာ ကကတစ်ငါး ၏ အစာ အဖြစ် အသုံးပြုရန် အလွန်သင့်တော်ပါသည်။

ငါးသားပေါက် မွေးမြူထားသည့်နေရာ

ဂဏန်းပျော့မွေးမြူရေးလုပ်ငန်းနှင့် တွဲဖက် မွေးမြူရာတွင် ဂဏန်းကန် တစ်ကန်လျှင် အကောင်ရေ ၆၀၀၀ ခန့် ထည့်၍ မွေးမြူနိုင်သည်။ လှောင်အိမ်စနစ်နှင့် မွေးမြူရာတွင် ( ၅မီတာ x ၅မီတာ x ၂မီတာ ) လျှင် အကောင် ၁၀၀၀ နှုန်းခန့် ထည့်၍ မွေးမြူနိုင်ပါသည်။ မွေးမြူသည့် အချိန်ကာလမှလည်း ရှစ်လမှ ဆယ်လ ခန့် ကြာမြင့်ပါသည်။ လှောင်အိမ်နှင့် မွေးမြူသည့် နည်းမှာ လှောင်အိမ်အတွင်း ရေဖြတ်စီးဆင်းနိုင်ခြင်း ကြောင့် ငါးကလေးများ ပိုမို ကျန်းမာ သန်စွမ်းပြီး ကြီးထွားနှုန်း ကောင်းမွန်၍ ထိန်းသိမ်း စောင့်ရှောက်ရန် လွယ်ကူသော ကြောင့် ရင်းနှီးမြှုပ်နှံမှု နည်းပါးသော နည်းကောင်း တစ်ခု ဖြစ်ပါသည်။

လှောင်အိမ်ဖြင့် မွေးမြူသည့် စနစ်

နိုင်ငံတကာ ဈေးကွက်

နိုင်ငံတကာ ဈေးကွက်တွင် အရောင်းရ တွင်ကျယ်သော ငါးဖြစ်ပြီး ထိုင်း၊ မလေးရှား၊ ဟောင်ကောင်၊ စင်ကာပူ၊ အင်ဒိုနိရှား၊ ထိုင်ဝမ်နိုင်ငံများတွင် စီးပွားဖြစ် မွေးမြူနေကြပြီး ဖြစ်ပါသည်။ အိမ်နီးချင်း နိုင်ငံများတွင် သဘာဝမှ သားပေါက်များကို စုဆောင်း မွေးမြူခြင်းနှင့် ငါးသားပေါက်များကို သားပေါက်စခန်း များတွင် ဖောက်၍ မွေးမြူခြင်းကို နှိုင်းယှဉ်ကြည့်ရာ ကြီးထွားမှုနှုန်း ကွာခြားမှု မရှိ၍ သားပေါက် လုံလုံ လောက်လောက်နှင့် စဉ်ဆက်မပြတ် ရရှိနိုင်သော သားပေါက်စခန်းများမှ ငါးများကိုသာ မွေးမြူနေကြပြီ ဖြစ်ပါသည်။ မြိတ်မြို့တွင် ကကတစ် ငါးသားပေါက်များကို မင်းဇာနည် ကုမ္ပဏီမှ လုံလုံလောက်လောက် ရောင်းချပေးလျက် ရှိပါသည်။

ဖွံ့ဖြိုးတိုးတက်လာသော ကကတစ်ငါး မွေးမြူရေး

ယခုအခါ ကကတစ်မွေးမြူခြင်းမှာ မြိတ်ဒေသနှင့် အထူးသင့်လျော်မှုရှိ၍ KMK ကုမ္ပဏီ၊ မင်းဇာနည်ကုမ္ပဏီ၊ ပြည့်ဖြိုးထွန်း စသော ကုမ္ပဏီများမှ ရင်းနှီးမြှုပ်နှံ၍ စီးပွားဖြစ် မွေးမြူ အောင်မြင်လျက် ရှိပါသည်။ သို့ဖြစ်၍ လာမည့် နှစ်အနည်းငယ်အတွင်း မြိတ်ဒေသတွင် ရေငန်ငါး ဖမ်းဆီးခြင်း လုပ်ငန်း သာမက ရေငန်ငါး မွေးမြူရေးလုပ်ငန်းပါ အောင်မြင်နေပြီ ဖြစ်သော ကြောင့် စီးပွားရေး ပိုမို ဖွံ့ဖြိုးတိုးတက်လာမည် ဖြစ်ပါသည်။

CDMA တယ်လီဖုန်းလျှောက်လွှာ မြိတ်မြို့တွင် လက်ခံပြီ

CDMA တယ်လီဖုန်းလျှောက်လွှာ မြိတ်မြို့တွင် လက်ခံပြီ

်

ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနမှ တနင်္သာရီတိုင်းအတွင်း အကောင်အထည်ဖော် ဆောင်ရွက်လျက်ရှိသော ပင်လယ်ပြင် ကမ်းနီးကမ်းဝေး ဆက်သွယ်ရေး စနစ် တည်ဆောက်ရေး စီမံကိန်း အရ ခွင့်ပြု တပ်ဆင်ပေးသွားမည့် CDMA 450 MHz တယ်လီဖုန်းများအား သတ်မှတ်ထားသော စည်းကမ်းချက်များ နှင့် အညီ ငှားရမ်း တပ်ဆင် အသုံးပြုခွင့် မကြာမီ ပေးမည် ဖြစ်၍ တယ်လီဖုန်းလျှောက်လွှာများကို သတ်မှတ် ထားသော ပုံစံများအတိုင်း တနင်္သာရီတိုင်း အေးချမ်းသာယာရေးနှင့် ဖွံ့ဖြိုးရေး ကောင်စီနှင့် တိုင်းဆက်သွယ်ရေး လုပ်ငန်းသို့ လျှောက်ထားနိုင်ပြီ ဖြစ်ကြောင်း သိရှိရသည်။

အဆိုပါ CDMA 450 MHz တယ်လီဖုန်းကို မြိတ်ခရိုင်အတွင်း အလုံး ၃၀၀၀ ကျော်ခန့် ခွင့်ပြု ငှားရမ်း ပေးမည် ဖြစ်ကြောင်း နှင့် ဖုန်းလျှောက်လွှာများကို မြိတ်ခရိုင် အေးချမ်းသာယာရေးနှင့် ဖွံ့ဖြိုးရေး ကောင်စီရုံး တွင် တစ်စုံလျှင် ကျပ် (၁၀၀၀)ဖြင့် ၀ယ်ယူနိုင်ကြောင်း သိရှိရသည်။

အဆိုပါ CDMA တယ်လီဖုန်းနှင့် ပတ်သက်၍ ခေတ်လူငယ်တွင် မြန်မာနိုင်ငံတွင် များမကြာမီကာလ အတွင်း အင်တာနက်နှင့် တယ်လီဖုန်း နှစ်မျိုးစလုံး အသုံးပြုနိုင်မည့် CDMAမိုဘိုင်းလ် ဆက်သွယ်ရေး စနစ်တရပ် အသုံးပြုနိုင်တော့မည်ဖြစ်ကြောင်း နည်းပညာကူညီမည့် သက်ဆိုင်ရာနိုင်ငံနှင့် မြန်မာ့ဆက်သွယ်ရေး လုပ်ငန်းတို့၏ သဘောတူညီချက် တစ်ရပ်အရ သိရသည်။ ရန်ကုန်မြို့တော်အပါအ၀င် မြန်မာနိုင်ငံ ကမ်းရိုးတန်းဒေသများနှင့် ကမ်းနီး ပင်လယ်ပြင်တစ်လျှောက် ဆက်သွယ်ရေးစနစ် ထူထောင်ရေးဆိုင်ရာ လုပ်ငန်းဆောင်ရွက်ရေး သဘောတူညီမှု တရပ်က်ိုဆက်သွယ်ရေး စာတိုက်နှင့်ကြေးနန်းဝန်ကြီးဌာနမြန်မာ့ ဆက်သွယ်ရေး လုပ်ငန်းနှင့် တရုတ်ပြည်သူသမ္မတနိုင်ငံ Huawei Technology Ltd.၏ ကိုယ်စားလှယ် Asia Gro Pacific Ltd. တို့သည်ပြီးခဲ့သည့်ဇွန်၂၇ရက်နေ့တွင် သဘောတူညီ စာချုပ်တစ်ရပ်ကို လက်မှတ်ရေး ထိုးခဲ့ကြသည်။ အဆိုပါသဘောတူမှုတွင်ပါရှိသောCDMA 20001x အမျိုးအစား မိုဘိုင်းလ်ဖုန်းများ သည် အသံနှင့် အချက်အလက် အသုံးပြုနိုင်သော အင်တာနက် စနစ်ပါရှိသည့် အမြန်နှုန်း 2.5G ပမာဏအဆင့်ရှိဖုန်း အမျိုးအစားတစ်ခုဖြစ်ကြောင်း ယင်းဖုန်း အမျိုးအစား တစ်သောင်းခန့်ကို ယခင်70 CDMAခြင်းဖုန်း အမျိုးအစားတွင် အစားထိုး အသုံးပြုသွားမည်ဖြစ်ကြောင်း အဆိုပါကုမ္မဏီနှင့် နီးစပ်သူတစ်ဦးဆိုသည်။ အဆိုပါ သဘောတူညီချက် အရ CDMA ဖုန်းလိုင်း ငါးသောင်းခွဲ ချထား ပေးသွားမည်ဖြစ်ပြီး ရခိုင်၊ တနင်္သာရီ မွန်ပြည်နယ်နှင့် ဧရာ-၀တီတိုင်း အပါအ၀င် ကမ်းရိုးတန်း ဒေသမြို့နယ် ၄၀ကို ဦးစားပေး ချထားပေးမည် ဖြစ်ကြောင်း တရားဝင် ထုတ်ပြန်ချက် အရ သိရသည်။ ဟု ဖော်ပြထား ပါသည်။

ပုလဲရတနာ

ပုလဲရတနာ

(စာရေးသူ - ခင်အောင်သန်း၊ မြန်မာ့ပုလဲ၊ မြိတ်မြို့)

ပုလဲရတနာ

ပုလဲကို မြန်မာလူမျိုးတို့က န၀ရတ်ကိုးပါးတွင် ပါဝင်သော ရတနာတစ်ပါး အဖြစ် အမြတ်တနိုး တန်ဖိုးထား ၀တ်ဆင်ကြ ပါသည်။ န၀ရတ် ကိုးပါးစလုံးတွင် တစ်ခုခြင်း၌ ထူးခြားသည့် တန်ခိုး အာနိသင် ရှိကြ သည့်အနက် ပုလဲ၏ အာနိသင်မှာ ကျက်သရေရှိခြင်းပင် ဖြစ်သည်။ ပုလဲ၏ အားသာချက်မှာ ကျောက်မျက်များ ကဲ့သို့ ခွဲဖြတ်ခြင်း၊ သွေးယူခြင်းတို့ ဆောင်ရွက်ရန် မလိုပဲ ပုလဲ ဖော်ယူ ပြီးလျှင် ပြီးခြင်းပင် လှပနှစ်လို ဖွယ်ရာ တွေ့မြင်ရခြင်းပင် ဖြစ်ပါသည်။

ပုလဲအမျိုးအစားများ

ပုလဲသည် ခရုကမာကောင် Mollusks မျိုးနွယ်များမှ ထွက်ရှိ ထုတ်လုပ်ပါသည်။ အခွံနှစ်ခုပါသော ခရုကမာ ကောင် အမျိုးပေါင်း ၈၀၀၀ ခန့်ရှိသည့် အနက် အမျိုး (၂၀)ခန့်သာ ပုလဲထွက်ရှိပါသည်။ ရေချိုတွင် ရှင်သန်ပြီး ပုလဲ ထုတ်လုပ်နိုင်သည့် ခရုကမာမျိုးကို ဂုံးကောင် Mussel ဟု ခေါ်ပါသည်။ ရေငန်တွင် ရှင်သန် ပေါက်ဖွားပြီး ပုလဲ ထုတ်လုပ် နိုင်သည့် ခရုကမာ ကောင်မျိုးကိုမူ မုတ်ကောင် Oyster ဟု ခေါ်ပါသည်။

ဂုံးကောင် ( Mussel )

မုတ်ကောင် ( Oyster )

ရေငန်ပုလဲ (၃)မျိုးရှိသည့် အနက် ဂျပန်ပုလဲဟု ခေါ်သည့် အကိုယာပုလဲ Akoya Pearl များကို Pinctada Fucata မုတ်ကောင်မှ မွေးမြူထုတ်လုပ်ပြီး ဂျပန်တွင် အများဆုံး ထုတ်လုပ်ကာ ပုလဲနက်ဟု လူသိများသော Tahitian Pearl များကို Pinctada Margaritafera မုတ်ကောင်မှ ထုတ်လုပ်ပြီး တဟေတီ နိုင်ငံတွင် အများဆုံး ထုတ်လုပ်ပါသည်။

ရေငန်ပုလဲ အမျိုးအစားများ ဖြစ်သည့် တောင်ပင်လယ်ပုလဲ South Sea Pearl များကို Pinctada Maxima မုတ်ကောင်များမှ မွေးမြူထုတ်လုပ်ပြီး သြစတေးလျ နိုင်ငံတွင် အများဆုံး ထုတ်လုပ်ပါသည်။ ယင်းမုတ်ကောင် မျိုးသည် တောင်ပင်လယ်ဟု ခေါ်သည့် အရှေ့တောင် အာရှ၏ တောင်ဘက် ကမ်းခြေနှင့် သြစတြေးလျ တိုက်၏ မြောက်ဘက် ကမ်းခြေ အကြား ရေပြင်တွင်သာ ရှင်သန် ပေါက်ဖွားပါသည်။ ထို့ကြောင့် တောင်ပင်လယ် ပုလဲကို သြစတေးလျ နိုင်ငံ၊ အင်ဒိုနီးရှားနိုင်ငံ၊ ဖိလစ်ပိုင်နိုင်ငံနှင့် မြန်မာနိုင်ငံ တို့တွင်သာ မွေးမြူ ထုတ်လုပ် ထွက်ရှိပါသည်။

ပုလဲဖြစ်ပေါ်ပုံ

ပုလဲသည့် မုတ်ကောင်၏ ခန္ဓာကိုယ်အတွင်းတွင် ဖြစ်ပေါ်ပြီး ပုလဲသားအလွှာ layers of Nacre များဖြင့် ဖွဲ့စည်း ထားပါသည်။ ပုလဲသားမှာ ကယ်လ်စီယမ် ကာဘွန်နိတ် ၉၃% နှင့် ကျန် ၇% မှာ သြော်ဂဲနစ် ဒြပ်ပေါင်းနှင့် ရေများ ပါဝင်ဖွဲ့စည်း ထားခြင်း ဖြစ်ပါသည်။ ပုလဲသား တစ်လွှာလျှင် ၀.၀၀၀၀၅ မီလီမီတာ အထူ ရှိပါသည်။ မွေးပုလဲတစ်လုံးတွင် ပုလဲသား အလွှာပေါင်း (၁၀၀၀) ထက်မနည်း ရှိပါသည်။ မုတ်ကောင်များသည် တစ်ရက်လျှင် ပုလဲသား အလွှာ (၃)လွှာမှ (၇)လွှာအထိ ဖုံးအုပ်လေ့ရှိပါသည်။

မွေးပုလဲ

မွေးပုလဲဆိုသည်မှာ သဘာဝပုလဲ ဖြစ်ပေါ်မှု ဖြစ်စဉ်ကို လူတို့က ပြုပြင် ဖန်တီးထားခြင်း ဖြစ်ပါသည်။ ပုလဲသား၏ သိပ်သည်းခြင်းနှင့် တူညီသော ၀တ်ဆံလုံး ( Nucleus ) ကို ဆက်သားစ ( Mantle ) နှင့် အတူ မုတ်ကောင်၏ ခန္ဓာကိုယ် အတွင်းသို့ ထည့်သွင်းပေးခြင်း ဖြစ်ပါသည်။ ထိုသို့ ထည့်သွင်းရာတွင် ၀တ်ဆုံလုံး အလွယ်တကူ ပြန်ထွက် မသွားစေရန်နှင့် လုံးဝန်းကြီးမှားသော ပုလဲ ရရှိစေရန် အတွက် မုတ်ကောင်၏ ခန္ဓာ ကိုယ်အား ခွဲစိတ်၍ သတ်မှတ်နေရာသို့ ရောက်ရှိအောင် ကျွမ်းကျင်သူများမှ ၀တ်ဆံ သွင်းယူရခြင်း ဖြစ်သည်။ မွေးပုလဲ တစ်လုံးတွင် ပုလဲသား၏ အထူမှာ (၀.၄) မီလီမီတာမှ (၄.၀) မီလီမီတာ အထိ ရှိနိုင်ပါသည်။ ပုလဲ၏ သိပ်သည်းခြင်း Density မှာ (၂.၆ မှ ၃.၀ ) အတွင်း ရှိပြီး မာကြောမှု Hardness မှာ Mohs Scale အရ (၃.၅) ရှိပါသည်။

ပထမဆုံးသော မွေးပုလဲကို ဂျပန်လူမျိုး မီကီမိုတို ဆိုသူက ၁၈၉၈ ခုနှစ်တွင် စတင် ဖော်ယူနိုင်ခဲ့ပြီး ဂျပန်ဘုရင် အား ဆက်သနိုင်ခဲ့ပါသည်။ မြန်မာနိုင်ငံ မြိတ်ကျွန်းစုတွင် မွေးပုလဲ ထုတ်လုပ်မှု လုပ်ငန်းကို ဂျပန်ကုမ္ပဏီ တစ်ခု ဖြစ်သော South Sea Pearl Company နှင့် မြန်မာနိုင်ငံမှ ကော့သောင်း ကုန်သွယ်မှု အသင်းတို့ ပူးပေါင်းကာ ၁၉၅၄ ခုနှစ်တွင် မြန်မာနိုင်ငံမှ ပထမဆုံး မွေးပုလဲများ ထွက်ရှိခဲ့ ပါသည်။

ပုလဲထိန်းသိမ်းရန်

န၀ရတ်ကိုးပါးတွင် ပါဝင်သော ရတနာများ၌ စိန်၏ မာကြောမှုမှာ(၁၀) ဖြစ်၍ အမြင့်ဆုံးဖြစ်ပြီး ပုလဲ၏ မာကြောမှုမှာ အနိမ့်ဆုံး ဖြစ်ခြင်း တို့ကြောင့် စနစ်တကျ ထိန်းသိမ်း သုံးစွဲရန် လိုအပ်ပါသည်။ ပုလဲအား အခြား သော လက်ဝတ်ရတနာ များနှင့်အတူ သိမ်းဆည်းခြင်းမှ ရှောင်ကြဉ်သင့်ပါသည်။ ရေနွေးဖြင့် ဆေးကြောခြင် မပြုလုပ်ရပါ။ နူးညံ့ပြီး စိုစွတ်သော အ၀တ်ဖြင့် အသာအယာ ပွတ်၍ သန့်ရှင်းရေးကို ပုံမှန် ပြုလုပ် ပေးသင့် ပါသည်။

(ဆက်လက်ဖော်ပြပါမည်။)

မြတ်ဆရာပူဇော်ပွဲ ဖိတ်ကြားလွှာ

ပင်လယ်ရေခူ

ပင်လယ်ရေခူ

မြိတ်ဒေသမှ ထွက်ရှိသော ပင်လယ် ရေခူသည် မြန်မာ့ ဈေးကွက်တွင် သာမက နိုင်ငံခြား ဈေးကွက် တွင်လည်း မျက်နှာပန်း လှလျက် ရှိသော ရေထွက်ပစ္စည်း တစ်မျိုး ဖြစ်သည်။ ရေခူဖမ်းရာတွင် ချိတ် တစ်ချောင်း၊ လှေတစ်စင်း ရှိရုံဖြင့် ဖမ်းဆီး နိုင်သည် ဖြစ်ရာ အရင်းအနှီး နည်းပြီး အကျိုးအမြတ် များသော ကြောင့် ရေခူ ဖမ်းဆီးမှုကို ရေလုပ်သားများ အလွန် သဘောကျ ကြသည်။

ရေခူအမျိုးအစားများ

မြိတ်ကျွန်းစု တစ်ဝိုက်တွင် တွေ့ရှိရသော ရေခူ အမျိုးအစားမှာ များပြားလှသည်။ ရေနွေးဖျောရုံနှင့် တို့စရာအဖြစ် စားသုံးရသော စိမ်းစားခူခေါ် ခူဖန်ခွက်၊ တရုတ်ကာကွေးမုန့်နှင့် အလွန်တူသော ခူကာကွေး၊ အညိုရောင်ခေါင်းတွင် ရောင်စုံ အစက်အပြောက်များ ပါရှိသော ခူညို၊ ၄င်းကဲ့သို့ အနီရောင်ခေါင်းနှင့် ခူနီ၊ မုန့်ဖလောင်း (မုန့်လက်ဆောင်း) ကောင်လေးများနှင့် အလွန်တူသော ခူဖလောင်း၊ ခူမျှော့၊ ခေါင်းပိုင်း ပျော့တွဲတွဲနှင့် အမြီးရှည်လျား စေးပျစ်ပြီး ပိုက်တန်းများကို ၀င်တိုးမိလျှင် ရှင်းထုတ်၍ မကုန်နိုင်လောက်အောင် စေးကပ်လှ သောကြောင့် ရေလုပ်သားများ အလွန် စိတ်ညစ်ကြ ရသည့် ခူထမင်းပြုတ် စသည်ဖြင့် အမျိုးအမည် များပြား လှသည်။

အန္တရာယ် ပေးနိုင်သော ခူများ

အမျိုးအမည်များပြားလှသော ရေခူများထဲတွင် ရေလုပ်သားများအား အန္တရာယ်ပေးနိုင်သော အဆိပ်အတောက် ပြင်းသည့် ရေခူနှစ်မျိုးမှာ ခူထောင်း နှင့် ခူမီး ခေါ် ခူမီးတောက် တို့ဖြစ်သည်။ ခူထောင်း ၏ ခေါင်းပိုင်းသည် ပန်ကန်းလုံးကဲ့သို့ ပုံသဏ္ဍာန်ရှိပြီး ရှည်လျားသည့် အမြီးတန်း ပါရှိသည်။ အကြီးဆုံး အရွယ်အစားမှာ လက်သီးဆုပ်ခန့်ရှိ၍ အမြီးမှာ နှစ်တောင်မှ သုံးတောင်ခန့် အထိ ရှိသည်။ ထိုခူထောင်း၏ ခေါင်းပိုင်းနှင့် ထိ၍ မည်သို့မျှ မဖြစ်သော်လည်း အဆိပ်ရှိသည့် အပြီးပိုင်းနှင့် ထိလျှင်မူ မခံမရပ်နိုင်လောက်အောင် ဆိုးဝါးသော ယားယံမှုကို ခံစားရသည်။

အချိန်မီ မကုသလျှင် သုံးနာရီမှ ခြောက်နာရီလောက် အထိ ယားယံနေတတ်ပြီး နှစ်ရက်အကြာ ထိုနေရာမှ အနာများ ပေါက်လာတတ်သည်။ ထိုအနာများအား ကုသရန် ခက်ခဲ၍ ပျောက်ကင်းသွား သည့်တိုင် အမာရွတ်နေရာများသည် မူလ အရေပြားအတိုင်း ပြန်လည် မချောမွေ့တော့ပါ။

ခူထောင်း၏ အမြီး၊ သို့မဟုတ် အမြီးမျှ ထွက်သော အရည်သည် မျက်လုံးထဲသို့ ၀င်ပါက အလွန်ဆိုးဝါးသည့် ဝေဒနာကို ခံစားရမည် ဖြစ်ပြီး မိနစ်သုံးဆယ်အတွင် ကြံရည်ဖြင့် မျက်လုံးကို မဆေးကြောလျှင် မျက်လုံးကန်မည် ဖြစ်သည်။

ခူထောင်းထက် ပိုအန္တရာယ်ကြီးသည်မှာ ခူမီး ခေါ် ခူမီးတောက် ဖြစ်သည်။ ခူမီး၏ ဦးခေါင်းသည် ရှစ်မြောက် ဖန်ခွက်ပုံသဏ္ဍန် ရှိတတ်သလို ဘောလုံးကဲ့သို့ လုံးဝန်သော ပုံသဏ္ဍာန်လည်း ရှိသည်။ အရွယ်အစားမှာ အထက် ဖော်ပြပါ ခူထောင်းခန့်သာ ရှိသော်လည်း အမြီးတန်းမှာ တစ်လံကျော်သည်အထိ ရှည်လျား တတ်သည်။ ခူမီးသည် ရှစ်မြောက်ခွက်ပုံ ကြည်လင်သော ဦးခေါင်း၊ ငါးမြီးခွပုံခြေနှင့် ထိုမှထွက်သော ပန်းနုရောင် အမြီးတန်း ရှစ်ပင်ဖြင့် လွန်စွာလှပပေသည်။ ထိုကဲ့သို့ လှပသလောက် အန္တရာယ်လည်း အလွန်များ သည်။

ခူမီး၏ အပြီးတန်းနှင့် ရစ်ပတ်ခြင်း ခံရပါက ယားယံခြင်း အပြင် ဆိုးဝါးသော ပူလောင်မှုကိုပါ ခံစားရမည် ဖြစ်သည်။ ထိုနောက် မီးလောင်သကဲ့သို့ အဖုအပိန့်များ ပေါက်၍ ထိုမှ တဆင့် အနာဖြစ်ကာ ယင်းအနာမှ တဆင့် ကြွက်သားများ ပျက်စီးခြင်း၊ အကြောများ ရှုံတွ၍ လက်ချောင်း ခြေချောင်းများ ကွေးကောက်ခြင်း စသည်ဖြင့် ခံစားရမည် ဖြစ်သည်။

သို့ဖြစ်၍ မြိတ်ကျွန်းစု အတွင်းရှိ ရေလုပ်သားများ၏ ပင်လယ်ခူဖမ်းခြင်း လုပ်ငန်းသည် ငွေကြေး အရင်းအနှီး နည်းပြီး အကျိုးအမြတ်များသည့် လုပ်ငန်း ဆိုသော်လည်း အချိန်မရွေး အန္တရာယ်နှင့် ကြုံတွေ့နိုင်သည့် လုပ်ငန်း တစ်ခု ဖြစ်ကြောင်း ရေးသား ဖော်ပြအပ်ပါသည်။

(မောင်မင်းဆွေ)

တံငါအိမ်ခြေ(၂၀)မှသည် ကမ်းရိုးတန်းတိုင်း မြို့တော်ဆီသို့ (၂)

တံငါအိမ်ခြေ (၂၀)မှသည် ကမ်းရိုးတန်းတိုင်း မြို့တော်ဆီသို့ (၂)

( စာရေးသူ - ဘိတ်သား )

မြန်မာမင်းတည်သည့် မြိတ်မြို့

ဆိပ်ခံမြို့ငယ် မာရိတ်မှာ ကြွယ်ဝ တိုးတက်နေခဲ့သည်။ အလောင်းဘုရားဦးအောင်ဇေယျ၏ ရွှေဘိုသည် မာရိတ်မြို့မှ မိုင် ၅၅၀ခန့် ကွာဝေးသည်။ နယ်ချဲ့ကိုလိုနီများကလည်း အချက်အခြာကျသော မြိတ်မြို့ကို မျက်စိ ကျနေခဲ့သည်။ ကုန်စည် ကူးသန်းရောင်းဝယ်ရာတွင် အရှေ့တိုင်း၊ အနောက်တိုင်းသားများ ၀င်ထွက်သွားလာ နေခဲ့ကြပြီး စီးပွားရေးလုပ်ကိုင်နိုင်ရန်အတွက် အကွက်အကွင်းကောင်း ဖြစ်ခဲ့သည်။ ဆင်ဖြူရှင် နန်းစိုက်သည့် အင်းဝမြို့မှ ၅၁၅ မိုင်ဝေးသည့် မြိတ်မြို့ကို ၁၇၇၀ ပြည်နှစ်ရောက်မှ အပြီးသတ် တည်ဆောက် ပြီးစီးခဲ့သည်။ ခေမရာစာ မြို့ဝန်မင်းအဖြစ် ထမ်းရွက်စဉ် ကာလများအတွင်းမှ တရားဝင် မြိတ်မြို့ဟု တွင်သည်။ ၁၈၂၄ ခုနှစ် ရောက်သည့်အခါ ပထမ အင်္ဂလိပ် - မြန်မာ စစ်ပွဲ၌ ကိုလိုနီပိုင်နက်အတွင်းသို့ သွတ်သွင်းခံရသည်။ ထိုနောက်တွင် မြိတ်မြို့မှာ ကမ္ဘာရပ်ခြား စီးပွားရှာသမားများနှင့် ပင်လယ် ခရီးသည်တို့အတွက် မားဂွီး(Mergui) အမည်ဖြင့် ထင်ရှား လူသိများလာခဲ့သည်။ မားဂွီးအမည် မရမီကပင် ““ ဘိတ်မြို့နှင့် မြိတ်မြို့ ““ နှစ်မည် ရှိနှင့် ပြီးဖြစ်သည်။ မားဂွီး ဆိုသည့် အသုံးအနှုန်းကို အာရပ်၊ ပေါ်တူဂီနှင့် ဒတ်ခ်ျ ဘာသာစကားတို့မှ ရှာဖွေ တွေ့ရှိ နိုင်ကြောင်း သုတေသီတို့ မှန်းဆထားသည်။ ကမ်းရိုးတန်းဒေသများဖြစ်သည့် ရခိုင်နှင့် တနင်္သာရီ ဒေသများသည် ပင်လယ်ရေကြောင်းမှ အလွယ်တကူ ၀င်ထွက်ခဲ့၍ ကိုလိုနီနယ်ချဲ့တို့၏ ဒဏ်ကို အစောဆုံး ခံစားခံရသည်။ နှစ် (၁၀၀)ကျော်တိုင်အောင် ကျွန်သက်ရှည်ခဲ့ပြီးမှ ပြည်ထောင်စုကြီးနှင့်အတူ လွတ်လပ်ရေး ရခဲ့သည်။ ကျွန်သက်ရှည်သော်လည်း မြိတ်မြို့သူ မြို့သားများ မျိုးချစ်စိတ်ဓာတ် ထက်သန်ခဲ့သည့် သာဓက များစွာရှိသည်။

ခေတ်သစ် စီးပွားရေး မြို့တော် မြိတ်

သည်ဘက်ခေတ်မှာတော့ မြိတ်အရှေ့ (မြိတ်)နှင့် မြိတ်အနောက် (ကျွန်းစု) ဟူ၍ အပိုင်းလိုက် တွင်ခဲ့ သေးသည်။ နောက်ပိုင်းတွင် မြိတ်နှင့် ကျွန်းစု ဟူ၍ အမည် သီးသန့် ဖြစ်လာခဲ့သည်။ မြိတ်မြို့မှာ မြိတ်ကျွန်းစု အပါအ၀င် ကျွန်းပေါင်း ၈၀၀ ကျော်နှင့် ဖွဲ့စည်းထား၍ ပင်လယ်ပြင် စွန့်စား ခရီးသွားတို့အတွက် စိတ်ဝင်စား သဖွယ် ဖြစ်သလို မဖော်ထုတ်ရသေးသော လှပသည့် ကမ်းခြေများ၊ လူမနေသော ကျွန်းများ၊ ရေပေါ်နေ ဆလုံး တိုင်းရင်းသားတို့၏ လူနေမှု ဘ၀ ဟန်ပန်များမှ ခရီးသွားများကို လက်ယပ်ခေါ်နေသကဲ့သို့ အနောက်ဘက် အက်ဒမန် ပင်လယ်ပြင်ကို မျက်နှာမူ မှေးတင် တည်ဆောက်ထားပြီး အရှေ့ဘက်တွင် ထိုင်းနိုင်ငံနှင့် နယ်ချင်း ထိစပ်နေသည့်အတွက် စီးပွားရေး အခွင့်အရေးအရ မြန်မာ - ထိုင်း နယ်စပ်တွင် ဆက်သွယ်ကူးလူးနိုင်သော မောတောင်ကြား ကားလမ်းကို အဆင့်မီ ဖောက်လုပ်စရာ အကြောင်း ရှိပေသည်။ မြိတ်မှ မိုင် ၁၂၀ အကွာ အဝေးရှိ မောတောင်ကြားသို့ ဖောက်လုပ်ထားသော အဆိုပါ လမ်းမကြီး အဆင့်မီ ပြီးစီးပါက မော်တော် ကားလမ်းဖြင့် မြိတ်မှ မောတောင် နယ်စပ်သို့ သုံးနာရီကျော်ခရီး ၊ မောတောင်မှ ဘန်ကောက် သို့ သုံးနာရီကျော်၊ မောတောင်မှ မလေးရှားသို့ (၁၀)နာရီကျော် ခရီးသာ ရှိလာနိုင်ကြောင်း ကျွမ်းကျင်သူအချို့မှ သုံးသပ် ပြထားပါသည်။ ကမ်းရိုးတန်းတိုင်း မြို့တော်မှာ ပင်လယ် ဆိပ်ကမ်းမြို့ ဖြစ်လာသည့်အတွက် အာရှနှင့် အနောက်နိုင်ငံများ၏ စီးပွားရေး အချက်အခြာ ဖြစ်သလို အဆိုပါ လမ်းမကြီးအား အရှေ့တောင် အာရှ လမ်းမကြီးအဖြစ် အသုံးပြု နိုင်ပြီး ထုတ်ကုန် အရည်အသွေးမြင့် ပို့ကုန်များအား စရိတ်၊ ၀န်ဆောင်မှု နည်းပါးစွာ အချိန်တိုတောင်းစွာ ကူးသန်း နိုင်မှု၊ ဒေသဖွံ့ဖြိုးမှု၊ ခရီးသွားလုပ်ငန်း ကျယ်ပြန့်လာမှု စသည်ဖြင့် နိုင်ငံတော်နှင့် လုပ်ငန်းရှင်များ၊ ဒေသခံများအတွက် အကျိုးနိုင်ပါသဖြင့် အဆိုပါ လမ်းကို စဉ်းစား သင့်ပေသည်။

မြန်မာနိုင်ငံ၏ ပထ၀ီဝင် အနေအထားအရ Transit Trade Center အဖြစ် တည်ရှိနေမှုက အားသာချက် တစ်ရပ်ပင်။ ၁၉၉၇ ခုနှစ်က မြိတ်ကျွန်းစုတွင် ကမ္ဘာလှည့် ခရီးသွား လည်ပတ်မှု တရားဝင် စတင်ခဲ့ပြီး ပင်လယ် အခြေခံ ခရီးသွားလုပ်ငန်း ဖွံ့ဖြိုးနေခဲ့သည်။ နယ်စပ်ကုန်သွယ်မှု စခန်းကို ၁၉၉၉ခုနှစ်၌ မြိတ်ကျွန်းစုတွင် ကမ္ဘာလှည့် ခရီးသွား လည်ပတ်မှု တရားဝင် စတင်နိုင်ခဲ့ပြီး ကမ်းရိုးတန်း တိုင်းမြို့တော်မှာလည်း ရေလုပ်ငန်း အဓိက မြို့ကြီး တစ်ခုအဖြစ် အရှိန်အဟုန်မြှင့် တိုးတက်လာခဲ့ကာ တလေးတစား ရှိကြသော မြို့ပြကြီး အဖြစ် ရပ်တည် နိုင်ခဲ့သည်။ ဘဏ်လုပ်ငန်းများ ။ ၀န်ဆောင်မှု လုပ်ငန်းများ ဒရဟော ၀င်လာခဲ့ကြသည်။ ဒေသခံများ အတွက် အလုပ်အကိုင် အခွင့်အလမ်းများ ပေးထားခဲ့ကြသော ရေလုပ်ငန်း ကုမ္ပဏီများ ၊ ပုလဲကုမ္ပဏီများ စသည်ဖြင့် အများအပြား ပေါ်ထွက်လာခဲ့သည်။ မြိတ်မြို့မှာ တကယ်တော့ ရေလုပ်ငန်းတစ်ခုတည်းကို တည်မီ နေသည်မဟုတ်၊ ရေထွက်ကုန်များနှင့် ပတ်သက်၍ အလျှံပယ်ရှိသလို ကမ်းလွန်ရေနံနှင့် သဘာဝ ဓာတ်ငွေ့များ၊ ကျောက်မီးသွေး၊ ပုလဲ၊ သစ်၊ ငှက်သိုက်၊ စိုက်ပျိုးရေးမှာလည်း အခြားတိုင်းမြို့တော်များထက် မညံ့လှ၊ ဆီအုန်း စိုက်ပျိုးမှုမှာ တစ်နိုင်ငံလုံး၌ နံပတ်(၁)၊ ရော်ဘာက နံပတ်(၂)၊ ပို့ဆောင်ရေး ကဏ္ဍမှာလည်း ကုန်းကြောင်း၊ ရေကြောင်း၊ လေကြောင်းအားလုံး ပြည့်စုံနေပြီ။ တောင်ပေါ်ဒေသမှာလို တောင်မြင့်မြင့် ရှုမျှော် ခင်းများကို ကမ်းရိုးတန်း တိုင်းမှာလည်း ခံစား၍ ရသည်။

ဤသို့ဆိုလျှင် တံငါအိမ်ခြေကလေး (၂၀)မှ စတင်ခဲ့သော မြင်းချည်တိုင် ရွာကလေးမှာ အခက်အခဲ ပေါင်းစုံ ကျော်လွှားခဲ့ပြီး ဒုန်းစိုင်းလာခဲ့ရာ ၂၀၀၀ ပြည်နှစ် ၀န်းကျင်၌ ကမ်းရိုးတန်းတိုင်း မြို့တော်အဖြစ် သတ်မှတ် ခံခဲ့ ရသလို အေဒီ ၁၇၃၁ တွင် ခယ်တောင်ခြေ (ချည်တောင်၌ တည်ရှိသော မာရိတ်မြို့မှာ မာရိတ်- မြိတ်-မားဂွီး-မြိတ်အရှေ့- ကမ်းရိုးတန်းတိုင်း မြို့တော် စသည်ဖြင့် သက်တမ်းရေတွက်သော် ၂၇၆ နှစ် တိုင်ပေပြီ ။

(၁၂-၁၂-၂၀၀၇)ရက်နေ့ထုတ် Weekly Eleven ဂျာနယ်နယ်တွင် ထည့်သွင်းဖော်ပြထားပါသည်။

တံငါအိမ်ခြေ (၂၀)မှသည် ကမ်းရိုးတန်းတိုင်း မြို့တော်ဆီသို့ (၁)

တံငါအိမ်ခြေ (၂၀)မှသည် ကမ်းရိုးတန်းတိုင်း မြို့တော်ဆီသို့ (၁)
( စာရေးသူ = ဘိတ်သား )

ကမ်းရိုးတန်းတိုင်းမြို့တော်

၂၀၀ရ ခုနှစ်၊ မေလအတွင်း၌ ဖြစ်သည်။ မြိတ်မြို့ ပုလဲရတနာခန်းမအတွင်း၌ အခမ်းအနား တစ်ခု ကျင်းပနေသည်။ ၂၀၀၇-၂၀၀၈ ရေထွက်ပစ္စည်း ပို့ကုန် တိုးမြှင့်ရေး တာဝန်ပေးအပ်ပွဲ အခမ်းအနားနှင့် တနင်္သာရီတိုင်း ငါးလုပ်ငန်း အဖွဲ့ချုပ် လုပ်ငန်းညှိနှိုင်းအစည်းအဝေး၌ မြန်မာနိုင်ငံရှိ ရေလုပ်ငန်းတာဝန်ရှိ လူကြီးများ၊ လုပ်ငန်းရှင်များ၊ ကုမ္ပဏီများ၊ တာဝန်ရှိသူများ၊ ပြည်ပပို့ကုန်နှင့် ပတ်သက်၍ ဆွေးနွေးနေကြသည်။ ထိုအခမ်းအနားတွင် သတင်းယူရန် တက်ရောက်နေခဲ့ပြီး ဤကဲ့သို့ ရေလုပ်ငန်း အထင်ကရ မြို့ကြီး၏ ဖြစ်တည် ခဲ့မှုကို စဉ်းစားမိသည်။ ထိုအခမ်းအနား၌ တာဝန်ပေးအပ်လိုက်သည်က ယခုနှစ်အတွက် ရေထွက် ပစ္စည်း ပြည်ပပို့ကုန်မှ အမေရိကန်ဒေါ်လာ သန်း ၇၅၀ ရရှိရေးပင်။

မိုးမျှော်အဆောက်အအုံများ အစီအရီထိုးထွက်လာနေသော မြိတ်ကမ်းခြေ တစ်လျှောက်မှာတော့ ပင်လယ်ပြင် ငါးဖမ်းလှေများ ဥဒဟို ၀င်ထွက်သွားလာနေကြပြီး ရေလုပ်ငန်းကုမ္ပဏီများ၊ ငါးမှုန့်စက်ရုံများမှ မီးခိုး တစ်လူလူနှင့် စီးပွားရေး မြို့တော်ကြီးမှန်း အဝေးမှပင် သိသာနိုင်ပေသည်။ ကမ်းရိုးတန်းတိုင်းမြို့တော်မှာ ရေလုပ်ငန်း အဓိကဖြင့် ကျောရိုးတည်ဆောက်ထားပြီး စိုက်ပျိုးမွေးမြူရေးလုပ်ငန်းမှာလည်း မသေးလှ။ အရှိန်အဟုန်ဖြင့် ထိုးထွက်လာမည့် ခရီးသွား လုပ်ငန်းမှာလည်း အားယူနေပြီ။

ကမ်းရိုးတန်းတိုင်း၏ လက်ရှိ လူဦးရေမှာ ၀.၉ သန်းမှ ၁.၄ သန်းဝန်းကျင်ရှိသည်။ ခရိုင်စတုရန်း အကျယ်က ၁၁၃၂၈ ဒသမ ၄၆၇ မိုင်ရှိပြီး အီကွေတာနှင့် ၁၂ ဒီဂရီအကွာမှာ ရှိသည်။ သန်းချီရှိသော လူဦးရေ၊ သန်းရာထောင်ချီရှိသော ဒေါ်လာများကို ရှာဖွေပေးနေသော ကမ်းရိုးတန်းဒေသ တိုင်းမြို့တော်မှာ တကယ်တော့ တံငါအိမ်ခြေ ၂၀ သာရှိသော ရွာသာသာဘ၀မှ တက်လှမ်းလာခဲ့ကြသည် ဆိုသော် ယုံကြမလားပင်။ မြောက်လတ္တီတွဒ် (၁၂ဒီဂရီ ၁၆မိနစ်)၊ အရှေ့လောင်ဂျီတွဒ် (၉၈ဒီဂရီ၃၆မိနစ်)တွင် ရှိသော ကမ်းရိုးတန်းတိုင်း မြို့တော်သည် အရှိန်အဟုန်ဖြင့် ကြိုးစား ရုန်းကန်လာခဲ့ရာ ယခုမျက်မှောက်၌ စီးပွားရေး မြို့တော်ကြီးအဖြစ် ဂုဏ်သိက္ခာ ရှိစွာဖြင့် ရပ်တည်နိုင်ခဲ့ပေသည်။

မြိတ်သမိုင်း နောက်ခံအဖွင့်

ယိုးဒယား(ထိုင်း)နှင့် နယ်ချင်းဆက်စပ်နေသောကြောင့် မြိတ်မြို့မှာ မြန်မာဘုရင်နှင့် ယိုးဒယား ဘုရင် တို့၏ လက်အောက်သို့ အပြန်အလှန်ကြရောက်ခဲ့ပြီး မြိတ်ဒေသမှာလည်း စစ်တလင်း ဖြစ်ခဲ့ရသည်။ မြိတ်ရာဇ၀င်ကို ရေးသားပြုစုခဲ့သူ ဆရာကြီး ဦးကြီးစိန်က မြိတ်ရာဇ၀င်ကို ပြုစုရသည်မှာ အလွန်ခဲယဉ်းသည်ဟု ဆိုသည်။ အေဒီ ၇၂၃ ခုနှစ်၌ ထိုင်းနိုင်ငံ မြောက်ပိုင်းရှိ ကျမိုင်း၊ ယခုအခေါ် ဇင်းမယ် (ချင်းမိုင်) မင်းဆက်မှာ တနင်္သာရီတိုင်း အထိ တန်ခိုးထွားခဲ့ပြီး ၄င်းကျမိုင်းအနွယ်ဝင်က ရမ္မာဝတီ (ပျော်ဖွယ်ရာပေါသောမြို့)ကို အေဒီ ၇၅၅၌ ကော့ဘိန်းအရပ်၌ တည်ခဲ့သည်ဟု သိရသည်။ မြို့သက်တမ်း (၂၈)နှစ်ကြာလျှင် ကြက္ကလင်းမြို့ (ကံမော်)ကို ပြောင်းခဲ့၍ မြို့သက်တမ်း ၁၁၈ နှစ်ရှိခဲ့သည်။ ထို့နောက် အေဒီ ၉၀၁ ခုနှစ်၌ ထောင့်ကွာ (မြို့သက်တမ်း ၂၂၀) သို့ ရွှေ့ခဲ့သည်။ ထိုအချိန်များမှာ အလောင်းစည်သူမင်းကြီး စိုးစံအုပ်ချုပ်နေသည့် (၁၁၁၂-၁၁၆၇) ကာလများအတွင်း ရှိနေပြီး အေဒီ ၁၁၅၂ ခုနှစ်က အောင်သာဝရမြို့ကို စိုးစံခဲ့သည့် ပရမရစာ မင်းလက်ထက်တွင် ကျမိုင်း (ချင်းမိုင်)မင်းဆက် သုဉ်းသွားခဲ့သည်ဟု သိရသည်။ ပုဂံ၌ နရပတိစည်သူမင်း (၁၁၇၃ - ၁၂၁၀) စိုးစံဆဲ အဆိုပါ အဖြစ်အပျက်မှာ အေဒီ ၁၂၇၆ တွင် အောင်သာဝရမင်း (ဧကဒယ်ရာဇာ)က ခရင်းသေ အရပ်တွင် တနင်္သာရီမြို့ကို တည်ခဲ့သည်။ တနင်္သာရီမြို့၌ မြို့ရံ (၁၄)မြို့ ရှိခဲ့၍ သမုဒ္ဒရာကင်းမြို့ အဖြစ် သန်ထုပ်( သန္တုတ် - ယခု တောနောက်လယ်ကျေးရွာ)မြို့ကို အေဒီ ၁၂၇၇ တွင် စတင် တည်ဆောက် ခဲ့သည်။ အေဒီ ၁၂၇၆ မှ ၁၇၃၁ အထိ နှစ်ပေါင်း ၄၅၄ သည် တနင်္သာရီ ခေတ်ဖြစ်ပြီး မာရိတ်(မြိတ်)၏ ဖြစ်စဉ် မှာတော့ မှေးမှိန်သွားခဲ့ပါသည်။ မာရိတ်မှာ ပရမရစာ မင်းသားငယ်၏ မြင်းခယ်တိုင် (မြင်းချည်တိုင်) အစွဲပြု၍ မာရိတ်ကျွန်းဟု ခေါ်သည်။ မာ = မြင်း ၊ ရိတ် = ခယ်တိုင်၊ မြင်းခယ်တိုင် (မြင်းချည်တိုင်) ဟု အဓိပ္ပါယ်ရသည်။ ရှမ်းအခေါ် (ယိုးဒယား ) စကား ဖြစ်သည်။ ကာလရွေ့လျောလာသဖြင့် မာရိတ်ကို မြန်မာအခေါ် မြိတ်မြို့ဟု ခေါ်တွင် ကြသည်။

မြိတ်မြို့ တည်ခြင်း အကြောင်း

အေဒီ ၁၅၃၁ ၌ ဆင်တစ်သန်းရှင် (ယခု - လာအိုနိုင်ငံ၏ မြို့တော် ဗီယက်ချန်း) ၏ သားတော် ဗြိရာမသွန်တိဿ မင်းသားက တနင်္သာရီမြို့ကို သိမ်း၍ နှစ် ၂၀၀ ကြာသော် သန်းထုပ် (သန္တုတ်) မြို့ဆိပ်ကမ်းမှာ ရေတိမ်လာ၍ အေဒီ ၁၇၃၁ တွင် ခယ်တောင်ခြေ ( ယခု သိမ်တော်ကြီး တောင်ခြေ)သို့ ပြောင်းရွေ့ပြီး မာရိတ်မြို့ကို တည်ခဲ့သည်။ ရှေးကတည်းက ခယ်တောင်ခြေရင်း၌ တံငါလုပ်ကိုင် နေထိုင် ကြသော အိမ်ခြေ ၂၀ ခန့်သာ ရှိခဲ့သည်။ တနင်္သာရီမြို့ကြီးကား ဆိပ်ကမ်းကင်းမြို့သာ ဖြစ်လာခဲ့ပြီး မြိတ်မြို့တွင် သင်္ဘောဆိပ်မြို့တည်ရန် ဒေသအသီးသီးမှ လူများခေါ်၍ နေရာချထားခဲ့ကာ မြစ်မရပ်၊ မြစ်ငယ်ရပ်၊ ထားဝယ်စု၊ တလိုင်းစု၊ ဈေးတန်း၊ ဈေးခေါင်း၊ ကန်ဖျား၊ ကန်ခေါင်း၊ ကန်ကြီး၊ အလယ်ကျွန်း၊ နောက်လယ်၊ သံဖို(သန်းဖို)၊ လှည်းထိန်စု၊ ဆိပ်ငယ်၊ စတိန်ရပ်(ဆိပ်ငယ်) စသည်ဖြင့် အစွဲပြု ဖြစ်လာခဲ့ ကြသည်။ မြိတ်ဒေသမှာ မြန်မာဘုရင်နှင့် ယိုးဒယား ဘုရင်တို့၏ အကြိမ်ကြိမ် အုပ်ချုပ်ခြင်းကို ခံခဲ့ရသည်။ တပင်ရွှေထီး၊ ဘုရင့်နောင်မင်းတို့က ပြန်သိမ်းယူရသည်။ အေဒီ ၁၇၅၉ တွင် အလောင်းမင်းတရားကြီး ဦးအောင်ဇေယျ ပြန်သိမ်းမှ မြန်မာနိုင်ငံအတွင်း ရောက်ရှိခဲ့သည်။ ( ဆက်လက် ဖော်ပြပါမည်။ )
(၁၂-၁၂-၂၀၀၇)ရက်နေ့ထုတ် Weekly Eleven ဂျာနယ်နယ်တွင် ထည့်သွင်းဖော်ပြထားပါသည်။

ဆီအုန်းစိုက်ပျိုးမှုနှင့် ဆီထုတ်လုပ်မှု အောင်မြင်

နိုင်ငံတော်အတွင်း ပြည်တွင်း စားသုံးဆီ ဖူလုံရန်နှင့် ပြည်ပပို့ကုန်အတွက် ရည်ရွယ်၍ ယုဇန စိုက်ပျိုးရေး အဖွဲ့က တနင်္သာရီတိုင်း ကော့သောင်းခရိုင်နှင့် ဘုတ်ပြင်းခရိုင်တို့တွင် ၁၉၉၉ ခုနှစ်က စတင်၍ ဆီအုန်းပင်များ စိုက်ပျိုးခဲ့ရာ စီမံကိန်း လျာထားချက် ဧက ၁၀၄၀၀၀ အနက် ၁၀၂၂၉၇ ဧက စိုက်ပျိုးပြီးစီး အောင်မြင်လျက် ရှိပြီး ကျန်ဧကများတွင်လည်း စီမံကိန်း ပြည့်မီအောင် ဆက်လက် စိုက်ပျိုးလျက် ရှိကြောင်း သိရသည်။ ၂၀၀၇ခုနှစ်တွင် ဆီအုန်းစက်ပျိုးရန် လျာထားဧက ၁၄၀၀၀ ထက် ကျော်လွန်ပြီး ၁၅၅၉ ဧက စိုက်ပျိုးနိုင်ခဲ့သည်။ လာမည့် ၂၀၀၈ မိုးရာသီတွင် ဧက ၁၀၀၀၀ တိုးတက်စိုက်ပျိုးရန် လျာထားစီစဉ် ဆောင်ရွက်လျက်ရှိကြောင်း သိရသည်။

ယုဇန ကုမ္ပဏီလီမိတက်၏ ယုဇန ဆီချောသန့် စက်ရုံကို ရန်ကုန်တိုင်း သာကေတ မြို့နယ် ရှုခင်းသာလမ်း၌ တည်ဆောက်ခဲ့ရာ ၂၀၀၆ ခုနှစ်၊ ဇွန်လ ၂၅ ရက်နေ့တွင် ဖွင့်လှစ်နိုင်ခဲ့ပြီး တစ်ရက်လျှင် စားအုန်းဆီသန့် တန် ၃၀၀ သန့်စင် ထုတ်လုပ်လျက် ရှိပြီး စက်တင်ဘာလအတွင်း ဆီကြမ်းတန်ချိန် ၂၀၀၀ ကျော် သန့်စင် ထုတ်လုပ်ခဲ့ကြောင်း သိရသည်။

အဆိုပါ စက်ရုံမှ ထုတ်လုပ်ရာတွင် ဆီကြမ်း၊ ဆီချော(စားအုန်းဆီ)၊ ဆီခဲ (မုန့်လုပ်ဆီ)၊ ဆပ်ပြာဆီ (PFAD) တို့ ထုတ်လုပ် ဖြန့်ချိလျက် ရှိကြောင်း သိရသည်။ ထိုစက်ရုံတွင် ပညာရှင် မလေးရှား နိုင်ငံသား Mr.Ho နှင့် အဖွဲ့က ကြီးကြပ် ဆောင်ရွက်လျက် ရှိသည်။ ပြည်တွင်း စားသုံးဆီ ဖူလုံရေး သာမက ပြည်ပသို့ပါ စားအုန်းဆီ တင်ပို့ နိုင်ရေးအတွက် တနင်္သာရီတိုင်းကို နိုင်ငံတော်၏ ဆီအိုးကြီး အဖြစ် ရည်မှန်းအကောင်အထည်ဖော်လျက် ရှိရာ ယုဇန ကုမ္ပဏီ၏ ဆီအုန်းစိုက်ပျိုး ထုတ်လုပ်ရေးနှင့် ဆီထုတ်လုပ်ရေး လုပ်ငန်းမှာ အားတက်ဖွယ် ဖြစ်ကြောင်း သိရသည်။

မြိတ်ဒေသအား နွားမွေးမြူရေးလုပ်ငန်းရှင်များ စိတ်ဝင်စား

မြန်မာနိုင်ငံ၏ တောင်ဘက်ဒေသဖြစ်သော တနင်္သာရီတိုင်း မြိတ်ဒေသကို နွား၊ ဆိတ်၊ ကျွဲများ ပြည်ပသို့ တင်ပို့သည့် အဓိက နေရာအဖြစ် သတ်မှတ်ကာ မွေးမြူရေး လုပ်ငန်းများ လုပ်ကိုင်ရန် စီးပွားရေး လုပ်ငန်းရှင်များ စိတ်ဝင်စားလျက် ရှိကြောင်း သိရသည်။
ဒေသခံ စီးပွားရေး လုပ်ငန်းရှင် တစ်ဦးမှ ““ မြိတ်ကို စိတ်ဝင်စားတာက ဒီဒေသက နွားတွေမှာ အဓိက ဖြစ်တဲ့ ခွာနာ၊ လျှာနာရောဂါတွေ မဖြစ်ပါဘူး၊ နွားမွေးမြူရေးအတွက် အန္တရာယ်ကင်း နယ်မြေလို့တောင် သတ်မှတ် နိုင်တယ် ”” ဟု သူ၏ ယူဆချက် အချို့ကို ပြောပြသည်။ မြိတ်ဒေသအား နွားမွေးမြူရေးအတွက် ပြည်တွင်းက လုပ်ငန်းရှင်များ သာမက မလေးရှားကဲ့သို့ ပြည်ပက လုပ်ငန်းရှင်တွေပါ လာရောက် ကြည့်ရှုကြကြောင်း သိရှိရသည်။

အထက(၁)မြိတ် မြတ်ဆရာ ပူဇော်ပွဲ

တနင်္သာရီတိုင်း ၊ မြိတ်မြို့ အမှတ်(၁) အခြေခံပညာ အထက်တန်း ကျောင်းတွင် တာဝန် ထမ်းဆောင် ခဲ့သော အငြိမ်းစား ဆရာ/ ဆရာမ များအား ကျောင်းသား/ ကျောင်းသူဟောင်း များမှ မြတ်ဆရာ ပူဇော်ပွဲကို ၂၀၀၈ခုနှစ် ဇန်န၀ါရီလ ပထမပတ်တွင် ပြုလုပ်ရန် စီစဉ် ထားပါသဖြင့် ကျောင်းသား/ ကျောင်းသူ ဟောင်းများ အောက်ပါ လိပ်စာ များတွင် ဆက်သွယ် လှူဒါန်း နိုင်ပါကြောင်း အသိပေး နိုးဆော်အပ် ပါသည်။

ဆက်သွယ်ရန်

မြိတ်မြို့

(၁) ဦးမြင့်ခိုင် (အိမ်တော်ဖြူ) ဖုန်း - ၄၁၁၆၀၊ ၄၁၈၃၈
(၂) ကိုဇော်ဝင်းအောင် (အောင်ပုံနှိပ်တိုက်)
(၃) ကိုတင်ဝင်း (ဟိုင်ဖိုင်) ဖုန်း - ၄၁၀၃၀
(၄) ဦးတင်ဝဏ္ဏ (အောင်လံ) ဖုန်း - ၄၂၀၀၉
(၅) ကိုကိုလွင် (ရေဦးစားသောက်ဆိုင်) ဖုန်း- ၄၂၁၂၂
(၆) ကိုညိုထွန်း(ခ) မောင်ညို ဖုန်း- ၄၁၇၃၇
(ဆရာစော-အောင်သိဒ္ဓိဆေးတိုက်)
(၇) ဒေါ်အင်ပို (Fortune Express) - ဖုန်း - ၄၁၅၇၉
(၈) ကိုမျိုးထွန်း (ရွှေနန်းတော်) ဖုန်း - ၄၁၃၉၀
(၉) ကိုဇော်ဇော်မျိုး(ခ) ကိုတီးတီ (ဖိုးလမင်းကုမ္ပဏီ) ဖုန်း - ၄၁၉၈၉
(၁၀)ကိုဇော်မင်းဦး(ခ) ကိုကုလား (Sakura)
(၁၁)ဒေါက်တာစိုးမင်းဦး+မမိုးမိုးခိုင် (စကားဝါဆေးဆိုင်) ဖုန်း - ၄၁၄၂၅
(၁၂)ကိုဟွေးမိတ် (ဘီလမ်း-ကားဂိတ်လဘက်ရည်ဆိုင်)
(၁၃)ကိုနိုင်ဝင်ထွန်း (Kinter)

ရန်ကုန်မြို့
(၁) ကိုသိန်းနိုင် + မအေးအေးချို ဖုန်း - ၂၂၄၀၇၉
(၂) ကိုဇော်မြတ် ဖုန်း - ၃၉၃၃၃၄ ၊ ၀၉၅- ၁၀၃၉၅၆

ကော့သောင်းမြို့
- ကိုယုလွင် (ဂုဏ်အခွေဆိုင်) ဖုန်း - ၅၁၇၃၇

ပုလောမြို့
(၁) ကိုထွန်းထွန်း ဖုန်း - ၃၀၀၂၉
(၂)ကိုဒေါန (အလူမီနီယံ) ဖုန်း - ၃၀၂၅၀

ပေးဆပ်ကြစို့

ဆရာ့ကျေးဇူး မမေ့ကောင်းဘူး
လိမ္မာသူတွေက စိတ်ကူးရ
ပူဇော်ပွဲကြီး ဖြစ်မြောက်ဖို့
တက်တက်ကြွကြွ လှုပ်ရှားစို့
ကြုံခဲ၊ ဆုံခဲ၊ ကုသိုလ်ပွဲ
တို့တတွေအားလုံး လက်ချင်းတွဲ

(ဖိုးသိမ်းလွင်)

MYEIK ISLANDS TOWN

http://kawthoung.blogspot.com/ မှ ရယူပါသည်။

ငှက်သိုက် (သို့ ) ဇီဝစိုးငှက်၏ အန်ဖတ်

ငှက်သိုက်ဟူသည်

ငှက်သိုက်သည် ပျံလွှားငှက် တစ်မျိုးတွင် ပါဝင်သည့် ငှက်များက လုပ်သော အသိုက် ဖြစ်ပါသည်။ မိုးစာငှက်၊ ပြီးလဲငှက်၊ ဇီဝစိုးးငှက်များမှ ငှက်သိုက်ကို ထုတ်ယူရရှိနိုင်၏။ မြန်မာ နိုင်ငံတွင် ငှက်သိုက်ကို ဇီဝစိုးငှက်မှသာ ရရှိပါသည်။ ဇီဝစိုးငှက်သည် လေထဲတွင် ပျံသန်းရင်း ပိုးမွှားကောင်များကို ဖမ်းစားတတ်သောကြောင့် ``လေစားငှက်´´ ဟုလည်းခေါ်သည်။ ဇီဝစိုး ငှက်မှ အမဲရောင်ငှက်သိုက်နှင့် အဖြူရောင် ငှက်သိုက် (၂)မျိုးရရှိပါသည်။ အမဲရောင်ငှက်သိုက် ကို Collocalia innominata ဆိုသည့် ဇီဝစိုးငှက်မှ ရရှိပြီး အဖြူရောင်ငှက်သိုက်ကို Collocalia fuciphaga ဆိုသည့် ငှက်သိုက်မှ ရရှိသည်။

ငှက်သိုက်ထွက်ရှိရာဒေသ

မြန်မာနိုင်ငံတွင် ငှက်သိုက်များကို ထားဝယ်ကမ်းခြေအနီးရှိ ကျွန်းများ၊ မြိတ်ကျွန်းစု၊ ပုသိမ်မြို့ အနောက်တောင်ဘက်ရှိ ကျွန်းများတွင် တွေ့ရ၏။ တနင်္သာရီတိုင်းအတွင်းရှိ ငှက်သိုက် ကျွန်းပေါင်း (၃၂)ကျွန်းမှ အဖိုးတန်းငှက်သိုက်များ ထွက်ရှိပါသည်။ မြိတ်ကျွန်းစုရှိ ငှက်သိုက်များကို ပုလောမြို့နယ်ရှိ မလိကျွန်း၊ ကျွန်းစုမြို့နယ်ရှိ ရေအေးကျွန်းစု၊ ဘုတ်ပြင်း မြို့နယ်ရှိ ပုလုတိကျွန်းစု၊ ကော့သောင်းမြို့နယ်ရှိ ကဆိုင်းလှနှင့် ကော့ငန်းကျွန်းစု များမှ ရရှိ၏။ ယင်းကျွန်းစုများ အနက် မလိကျွန်းမှ ငှက်သိုက်အများဆုံး ရရှိသည်။

ဇီဝစိုးငှက် ပုံသဏ္ဍန်

မြန်မာနိုင်ငံတွင် ငှက်သိုက်အများဆုံး ထုတ်လုပ်ပေးသော ဇီဝစိုးငှက်သည် စာကလေး အရွယ်ခန့်သာ ရှိပြီး မီလီမီတာ ၁၀၀ မှ ၄၀၀ အတွင်းရှိသည်။ ကျောဘက် ငှက်မွေးမှာ အမဲရောင် ရှိပြီး ၀မ်းဘက် ငှက်မွေးမှာ မီးခိုးရောင် ဖြစ်နေ၏။ ဦးခေါင်းမှာ သေးလုံးနေပြီး ကတော့ပုံရှိ မာသော နှုတ်သီးနှင့် ကျယ်သော ပါးစပ်ပေါက် ရှိသည်။ တောင်ပံသည် ချွန်ပြီး အမြီးတိုသောကြောင့် ပျံသန်းမှုကို လျင်မြန်စေသည့် အပြင် ညအိပ်သည့် အချိန်မှ လွဲ၍ တစ်နေ့လုံး ပျံနိုင်သည်။ တိုပြီးကောက်နေသော ခြေသည်းပါသည့် ခြေချောင်း(၄)ချောင်းရှိ၏။ ခြေချောင်း(၄)ချောင်းအနက် (၃)ချောင်းသည် အရှေ့ဘက်သို့ ကား၍ ညွှန်းနေသောကြောင့် ကျောက်ဆောင် အစွန်းနှင့် အဆောက်အဦး များတွင် ခိုင်မြဲစွာ ကုတ်တွယ်ထားနိုင်သည်။

ဇီဝစိုးငှက်၏ သဘာဝ

ဇီဝစိုးငှက်သည် လူနှင့်ဝေးသည့် ပင်လယ်တွင်း ကျွန်းအချို့၌ ကျောက်ဆောင် လှိုဏ်ဂူများ အကြားတွင် နေထိုင်လေ့ရှိသည်။ အုပ်စုဖွဲ့နေတတ်၍ တစ်အုပ်စုလျှင် ထောင်ပေါင်း များစွာ ပါဝင်၏ ။ မြေပြင်တွင် ကျက်စားလေ့မရှိပေ။ ဝေဟင်နှင့် ပင်လယ် ရေပြင် ထက်တွင် လျင်မြန်စွာ ပျံသန်းစဉ် တောင်ပံပါ အင်းဆက်များကို ဖမ်းယူ စားသောက် ပေသည်။ တိမ်ရှိသည့် နေရာအထိ မြင့်မားစွာ ပျံသန်း နိုင်၍ အမြင်အာရုံ စူးရှပြီး လျင်မြန် ဖြတ်လတ်၏။ တပေါင်း၊ တန်ခူးလမှ စ၍ ငှက်သိုက်ပြုလုပ်တတ်သည်။ ၄င်းတို့၏ ငှက်သိုက်များသည် အခြား ငှက်များကဲ့သို့ သစ်ရွက်၊ သစ်ကိုင်းများဖြင့် မပြုလုပ်ကြပဲ ထူးဆန်းစွာ အာခေါင်မှ အာစေး တစ်မျိုးကို အန်ထုတ်၍ အသိုက်ပြုလုပ်ကြသည်။ ယင်းအသိုက်များတွင် ငှက်မများ ၀င်ဥ ကြသည်။ တစ်နှစ်လျင် နှစ်ကြိမ်ဥပြီး တစ်မြုံလျှင် ဥ နှစ်လုံးရှိသည်။ အများအားဖြင့် အထီး တစ်ကောင်၊ အမ တစ်ကောင် ပေါက်သည်။ ငှက်မသည် ငှက်ကလေးများကို နှစ်လ ကြာမျှ ကျွေးမွေး ပြုစုပြီး နောက် အသိုက်မှ ဆင်းသွားကြသည်။

အသိုက်ပြုလုပ်ပုံ

ဇီဝစိုးငှက်များသည် မျိုးပွားရာသီဖြစ်သော ဇန်န၀ါရီလ ၊ ဧပြီလနှင့် သြဂုတ်လများတွင် ဥများဥရန် အသိုက်ဆောက်လေ့ရှိသည်။ အသိုက်ဆောက်မည့် ကျောက်လှိုဏ်ဂူအမိုးမှာ ပေ ၄၅၀ ကျော်ခန့်အထိ မြင့်မားလှ၏။ ဇိဝစိုးငှက်အထီးကသာ အိမ်ဖွဲ့ပေးလေ့ရှိသည်။ အသိုက် ဆောက်လုပ်ရာတွင် ငှက်၏ တံတွေးဂလင်းမှ စစ်ထုတ်လိုက်သော တံတွေးရည်များနှင့် ချေဖျက်ပြီး အစာရည်အချို့ပါဝင်၏။ အသိုက်ပြုလုပ်မည့် နေရာကို စိတ်ကြိုက်ရွေးချယ်ပြီး တံတွေးများကို အံထုတ်လုိုက်သည်။ ယင်းတံတွေးများသည် လေနှင့် ထိတွေ့သည့်အခါ မာကြောသွား၏။ ယင်းအံဖတ်များကို ထပ်ခါထပ်ခါ အံပြီး နှုတ်သီးဖြင့် ခွက်ပုံသဏ္ဍာန်ဖော်ပေး သည်။ တစ်ခါတစ်ရံတွင် ငှက်သိုက်၏ သွေးစများ ပါလာတတ်သည်ကို တွေရ၏။ ငှက်သိုက်မှာ အရွယ်ရောက် ငှက်တစ်ကောင်နှင့် ငှက်ပေါက်စ နှစ်ကောင် နေရန် လုံလောက်သည်။ အဖြူရောင် ငှက်သိုက်တွင် အဖြူရောင် ငှက်မွေးနုများ ပါဝင်သည်။ အမဲရောင်ငှက်သိုက်တွင် အမဲရောင် ငှက်မွေးနုများ ပါဝင်သည်။ အရွယ်အစားအားဖြင့် အမဲရောင် ငှက်သိုက်သည် အဖြူရောင် ငှက်သိုက်ထက် (၂)ဆကြီး၏။ စီးပွားရေး ဈေးကွက်တွင် အဖြူရောင် ငှက်သိုက်ကို လူကြိုက်များ သောကြောင့် (၁၀)ဆမျှ ဈေးပိုကြီးသည်။

ငှက်သိုက်များ ထုတ်လုပ်ပုံ

ငှက်သိုက်များကို ပင်လယ် သမုဒ္ဒရာတို့အလယ်မှ လူသူမနီးသော ကျွန်းများပေါ်တွင် အလွန်မြင့်မားသော ကျောက်ဆောင် လှိုဏ်ဂူစောင်းများ၏ အထက်မျက်နှာကျက်တွင် ငှက်သိုက် ဖွဲ့လေ့ရှိကြသည်။ ထို့ကြောင့် ငှက်သိုက် စုဆောင်းချိန်တွင် ငှက်သိုက်များ ရရှိနိုင်သည့် ကျောက်ဆောင် လှိုဏ်ခေါင်းအတွင်း ၀င်ရောက်၍ အတွင်းနံရံကို ခဲယဉ်းစွာ တက်ရောက် ဆွတ်ယူကြရ၏။ ထိုကဲ့သို့ ဆွတ်ယူနိုင်ရန် ကျောက်ဆောင်များကို ငြမ်းဆင်၍ သက်စွန့်ဆံဖျား တက်ရောက်ကာ ခဲယဉ်းစွာ လိုက်လံ စုဆောင်း ကြရသည်။

မြန်မာနိုင်ငံတွင် ငှက်သိုက်ရသော ကျွန်းများကို သစ်တော ဦးစီးဌာနမှ အုပ်ချုပ်၍ နှစ်စဉ် ငှက်သိုက် သိမ်းယူခွင့် လိုင်စင် ထုတ်ပေးပြီး ဥပဒေများကို လိုအပ်သလို ထုတ်ပြန်၍ ငှက်မျိုးစိတ်မပြုန်းစေရန် စောင့်ရှောက်ပေးထား၏။ ၂၀၀၅ ခုနှစ်တွင် ငှက်သိုက် စုဆောင်းချိန် ကို မတ်လ ပထမပတ်မှ ဒုတိယပတ်၊ ဧပြီလ ပထမပတ်မှ ဒုတိယပတ်၊ ဇူလိုင်လ ပထမပတ်မှ ဒုတိယပတ်၊ နိုဝင်ဘာ (၂၁)မှ လကုန်အထိ (၄)ကြိမ် ခွဲ၍ စုဆောင်းရန် သတ်မှတ်ပေးထား သည်။ စုဆောင်းခွင့်ရရှိသော ငှက်သိုက်များကို သစ်တောဦးစီးဌာနမှ စစ်ဆေး၏။ သွေးပါသော ငှက်သိုက်များကို တွေ့ရှိပါက လိုင်စင်ရရှိထားသူကို ဒဏ်ရိုက်သည်။ လိုင်စင်ထုတ်ပေးရာတွင် ထိုကျွန်းများကို နှစ်စဉ် တစ်လှည့်စီ ပိတ်ပေးထားရ၏။ ပိတ်ထားသော ကျွန်းများပေါ်၌ ငှက်ကလေး များသည် အနှောင့်အယှက် မရှိဘဲ အသိုက် ပြုလုပ် ပေါက်ဖွား နိုင်ကြသည်။

ငှက်သိုက် အသုံးဝင်ပုံ

မြန်မာနိုင်ငံတွင် ငှက်သိုက်ကို နာတာရှည် ရောဂါရှိသူများ၊ သက်ကြီးရွယ်အိုများ၊ အင်အားကုန်ခမ်းနေသူများကို ငှက်သိုက်ပေါင်း ကျွေးလေ့ရှိသည်။ ငှက်သိုက်သည် ပရိုတင်း ဓာတ်ကြွယ်ဝပြီး အာဟာရဓာတ် များစွာ ပါဝင်သည်။ သဘာဝ ငှက်သိုက်ကို ခေတ်မီနည်းဖြင့် သန့်စင်ထားသော ငှက်သိုက်ရည်ကို ဆေးဖက်ဝင် အခြား ပစ္စည်းများနှင့် ပေါင်းစပ်ဖော်ထား သဖြင့် အဆုတ်ကို အားကောင်း စေပြီး ချောင်းဆိုး၊ အအေးမိနှင့် တုပ်ကွေး ရောဂါများကို သက်သာ ပျောက်ကင်းစေနိုင်ကြောင်း သိရပါသည်။ ဆေးဖက်ဝင် ပစ္စည်း တစ်မျိုး ဖြစ်သောကြောင့် အလွန် အဖိုးအနဂ္ဃ ထိုက်သဖြင့် ရွှေနှင့် စက်၍ပင် ၀ယ်ယူကြသည်။ ငှက်သိုက် များကို ပြည်တွင်းတွင် အသုံးပြုရုံသာမက ပြည်ပသို့ပါ တင်ပို့ရောင်းချသည်။

နိုင်ငံခြားဝင်ငွေရရှိသော ငှက်သိုက်သည် တနင်္သာရီတိုင်းမှ ရရှိသောကြောင့် တနင်္သာရီတိုင်းသည် ပြည်ထောင်စုမြန်မာနိုင်ငံတော်ကြီး၏ စီးပွားရေး ဖွံ့ဖြိုးတိုးတက်မှုတွင် တစ်ဖက်တစ်လမ်းမှ ပါဝင် နေကြောင်း တင်ပြအပ်ပါသည်။

ရည်ညွှန်း......

- မြိတ်တက္ကသိုလ် ၂၀၀၄-၂၀၀၅ နှစ်လည်မဂ္ဂဇင်းတွင် ထည့်သွင်းဖော်ပြထားသော
သတ္တဗေဒဌာန(ဌာနမှူး)ပါမောက္ခ ဒေါ်မြင့်မြင့်သန်း၏ `` ငှက်သိုက် `` ဆောင်းပါး

- ဦးသန်းမြင့် (၂၀၀၁) ၊ ´´ မြန်မာပြည်တောင်ဘက် ပင်လယ်တွင်းက`` စာအုပ်

မြိတ်ပင်လယ်ပြင် လာစေချင်

ပင်လယ်ပြင် နံနက်ခင်းအလှ


ပင်လယ်နှင့် တိမ်တိုက်


ပင်လယ်နှင့် တောင်တန်း


ခက်ထန်သော ပင်လယ်


တည်ငြိမ်သော ပင်လယ်


လှုပ်ရှားသော ပင်လယ်


ပင်လယ်တံငါရွာ


ပင်လယ်ဒီရေရောက်တော


ပင်လယ်နှင့် ၀မ်းစာ


ကြည်နှုးစရာ့ပင်လယ်

ဖိတ်ခေါ်လို့နေ ပုလဲမြေ

ဖိတ်ခေါ်လို့နေ ပုလဲမြေ

လှမ်းခဲ့ပါကွယ်

ပင်လယ်နှင့် တောင်တန်း။

ပထောက်ပထက် တောင်ညီနောင်နဲ့

ရွှေဝါရောင် သိမ်တော်ကြီးရယ်က

ဆည်းဆာချိန် လှပုံထူးပါလို့

ကူးလို့သာလှမ်း။

ပင်လယ်ရေပြာဝိုင်း

တောင်ပိုင်းရဲ့မြို့တော်။

သယံဇာတပေါကြွယ်ဝလို့

ပြည်မြန်မာကို ထောက်မဖို့

ကြိုးစားလျက်နော်။

နိုးကြားလို့ပျော်

ပညာကျန်းမာနှင့်

သွားလာဆက်သွယ်ရေး။

ရေလုပ်ငန်းတွေ

တိုးတက်လို့ဖြာဝေ

ဒေသဆန်ဖူလုံရေးအတွက်

ရွှေဇွဲမာန်အားအင်အပြည့်နဲ့

ကြိုးစားလို့ ဆောင်ရွက်ပုံကို

မြင်ရမယ်လေး။

ဒို့ညီနောင် ဖော်တသင်းနဲ့

မြိတ်ရောက်လာသော်

ဒို့မှာနော်

အပျော်နဲ့အပြုံး။

ခင်မင်တဲ့ စိတ်နှလုံးနဲ့

ဖော်ရွေတဲ့ ဒို့အပြုံးနဲ့

မပြန်ချင်အောင် ဧည့်ခံကျွေးပါ့မယ်

အရောက်လာခဲ့အုံး။

ဆေးစွမ်းထက် ကန်းဇော်ဆီ

ဆေးစွမ်းထက်သည့် ကန်းဇော်ဆီ

တနင်္သာရီ ကမ်းရိုးတန်းဒေသရှိ တနင်္သာရီရိုးမ တောင်စဉ်တောင်တန်း တို့နှင့် ယှဉ်တွဲဖြစ်ပေါ် နေသည့် မြေနိမ့်ချိုမ့်ဝှမ်း များ၌ ပေါက်ရောက် သည့် သဘာဝ ပေါက်ပင်များ အနက် ကန်းဇော်ပင် ဟု ခေါ်သည့် အပင်မှ အသီး၊ ထိုအသီးမှ ထုတ်လုပ်ရရှိသည့် ကန်းဇော်ဆီ အကြောင်းအရာ တို့ကို လေ့လာ ဖော်ပြလို ပါသည်။

ပေါက်ရောက်ရာဒေသ

ကန်းဇော်ပင် သည် မြိတ်ခရိုင်အတွင်းရှိ မြိတ်မြို့နယ်၊ ကျွန်းစုမြို့နယ်၊ တနင်္သာရီမြို့နယ်၊ ပုလောမြို့နယ် များ၌ မြေနိမ့်ချိုမ့်ဝှမ်း၊ ရွှံ့နွံပေါ၍ ရေရရှိသော ဒေသများတွင် အများအားဖြင့် ပေါက်ရောက်ပါသည်။ အပင်အရွယ် အစားမှာ အပင်ကြီး မျိုးစုဖြစ်ပြီး အမြင့်ပေ ၁၀၀ ကျော်အထိ ရှိသည်။ ရုက္ခဗေဒအမည်မှာ Bacourea Sapida ဟု ခေါ်ပါသည်။ အရွက်၏ အလျားမှာ ရှစ်လက်မခန့်ရှိ၍ အနံ နှစ်လက်မခန့် ရှိပြီး ငှက်မွှေးပုံသဏ္ဍန် ဖြစ်ပါသည်။ ဆောင်းနှောင်း တပို့တွဲနှင့် နွေဦးပေါက် တစ်ပေါင်းလတို့တွင် ဒူးရင်း၊ မင်းဂွတ်တို့ ပွင့်ချိန်နှင့်အတူ ပွင့်သီးကြ ပါသည်။ အသီးသီးချိန်မှ ရင့်မှည့်ချိန် အထိ အစိမ်းရောင် အတိုင်းသာ ရှိပြီး ကဆုန်၊ နယုန်လများတွင် ကြွေကျ၍ ကောက်ယူရရှိ နိုင်ပါသည်။

ကန်းဇော်စေ့ ပုံသဏ္ဍာန်

ကန်းဇော်အစေ့၏ ပုံသဏ္ဍာန်မှာ ခရုဖတ်ပုံရှိပြီး ခရေစေ့နှင့်လည်း အပေါ်ယံအားဖြင့် ဆင်တူပါသည်။ အစေ့မှာ ပြောင်ချော၍ နီညိုရောင်၊ ကြက်သွေးရောင် ရှိပါသည်။ ကန်းဇော် စေ့များကို ရှာဖွေကောက်ယူ၍ သုံးရက်ခန့် နေပူ လှမ်းပြီး အစေ့ခွံ ကြွပ်လာသည့်အခါ လက်ဖြင့်ခွာ၍ အတွင်းသား အစေ့များကို ထုတ်ယူရပါသည်။ ယင်း အစေ့များကို လက်ထောင်းဆုံတွင် ညက်အောင်ထောင်းပြီး ရရှိလာသော အမှု့န်များကို လေလုံအောင် ထားရပါသည်။

ကန်းဇော်ဆီ ထုတ်ယူပုံအဆင့်ဆင့်

ကန်းဇော်အစေ့ခွံကို လက်ထောင်းဆုံဖြင့် ထောင်း၍ ရလာသည့် အမှုန့်များကို ယူပြီး မူလက ခွာပြီးထားသည့် အစေ့များဖြင့် ရောနှောကာ ပေါင်းအိုးတွင် ထည့်ရပါသည်။ ရေမပြည့်တပြည့် ထည့်ထားသော ဒန်အိုးကို မီးဖိုပေါ် တင်၍ ကန်းဇော်အမှု့န်များ ထည့်ထားသည့် ပေါင်းအိုးကို အပေါ်မှ တင်ရသည်။ ပေါင်းအိုး၏ အဖုံးလှုံစေရန် ပေါင်းအိုးဝတွင် ငှက်ပျောဖက်အစိမ်းခံ၍ အပေါ်မှ ပန်းကန်ပြားဖြင့် အုပ်ပေးရသည်။ နာရီဝက်မျှ ကြာလျှင် ပေါင်းအိုး အဖုံးကို ဖွင့်၍ ၀ါးချွန်ငယ်ဖြင့် ပေါင်းအိုးအ၀ ရှိသလောက် ထိုးဖောက်ပြီး ဖွပေးရသည်။ နောက်ထပ် ဆယ့်ငါးမိနစ်ကြာလျှင် တစ်ကြိမ် သုံးလေးခါလုပ်ပြီးမှ ကန်းဇော်မှုန့်များ ကျက်မကျက်ကို လက်ဖြင့် ပွတ်၍ စမ်းကြည့် ရသည်။ ဆီများ ထွက်လာလျှင် ကန်းဇော်မှု့န်မှာ ကျက်လောက်ပီဖြစ်၍ အဆီညှစ်ယူရန် ပြင်ဆင် ရသည်။

ပေါင်းအိုးထဲမှ ကန်းဇော်ဆီမှုန့် များကို ကရွတ်ဟု ခေါ်သည့် ၀ါးနှီးဖြင့် ရက်လုပ်ထားသော အိတ်ထဲသို့ တစ်ဇွန်းချင်း ခပ်ထည့်ရသည်။ အိတ်ထဲသို့ သုံးပုံနှစ်ပုံခန့် ထည့်ပီးသော် အိတ်အ၀ကို အစသပ်လိပ်ပီး သစ်သား ညစ်ရသည်။ ထွက်လာသော ကန်းဇော်ဆီများကို ဇလုံတစ်ခုတွင် ခံယူ၍ တစ်နေခန့် နေလှမ်းသည့် အခါ ရေများ အငွေ့ပျံသဖြင့် ကန်းဇော်ဆီစစ်စစ် ရရှိပါသည်။ အမှုန့်ကြိတ်စက်ဖြင့် ထုတ်လုပ်ရယူသည့် ကန်းဇော်ဆီမှာ လက်ထောင်းဆုံဖြင့် အမှုန့်ထောင်း ယူထားသည့် ကန်းဇော်ဆီနှင့် ဆေးဖက်ဝင် အာနိသင် ကွာခြားသည်။

ကန်းဇော်ဆီများကို ဖန်ပုလင်းများတွင် ထည့်ရင်း ရင်ကန်းအဆို့ဖြင့် ပိတ်ဆို့ထားကြသည်။ ကန်းဇော်ဆီမှာ ပုလင်း များထဲတွင် တစ်ဖြည်းဖြည်း အနည်ထိုင်လာရာ ငါးဆယ်ကျပ်သားဝင် ပုလင်းတစ်လုံးလျှင် တစ်လက်မမျှ ရရှိတတ် ကြသည်။ ၄င်းအနည်များကို ကန်းဇော်ချေးဟု ခေါ်ကြသည်။ ထိုကန်းဇော်ဆီချေး များကို ပြည်စု၊ ပြည်တည်၊ အနာဟောင်း၊ အနာဆွေး၊ အနာဆိုး အနာများတွင် ထည့်ပေးကြသည်။ ကန်းဇော်ဆီကို နှစ်ကာလ ရှည်ကြာစွာ ထားလည်း အရောင်၊ အနံ့၊ အရသာနှင့် ဂုဏ်သတ္တိ အာနိသင်များ မပြောင်းလဲပေ... ကန်းဇော်ဆီ၏ အရောင်မှာ ဆီအုန်းဆီကြမ်း အရောင်နှင့် ဆင်တူပါသည်။ ထုတ်လုပ်ထားစတွင် အနယ်၊ အမှုန့်များ ရှိနေ၍ ၀ါဖျော့ဖျော့ ဖြစ်နေ ပါသည်။ အနံ့မှာ ကြမ်းပိုးကောင် ပွတ်ချေပီး ထွက်လာသည့် အနံမျိုးဖြစ်၍ ဆူးကြမ်းပိုး ရွက် အနံ့နှင့် ပိုတူ ပါသည်။ အရသာမှာ ချို၊ ဆိမ့်၊ ခါး နှောနေပါသည်။

အသုံးဝင်ပုံ

ကန်းဇော်ဆီသည် ၀မ်းဗိုက်အတွင်းရှိ အူများနှင့် အစာအိမ်တို့တွင် ဖြစ်တတ်သည့် အနာရောဂါများ၊ သားအိမ် ကင်ဆာ၊ ပန်းနာရင်ကြပ်၊ လေထိုး၊ လေအောင့် ဝေဒနာများကို သက်သာ ပျောက်ကင်းပါသည်။ ၀မ်းတွင်းရှိ အလုံး အကြိတ်များကို ကန်းဇော်ဆီ သောက်ပေးခြင်းဖြင့် ပျောက်ကင်းပါသည်။ ထိခိုက်၊ ရှနာ၊ ပြည်စုနာ၊ အိုင်းအနာ၊ အနာ ပချုပ်၊ အသားတွင်း သွေးပုတ်၊ ပြည်ပုတ် အနာများကို ဂွမ်း၊ ပတ်တီးစ များဖြင့် ထည့်အုံးပေးလျှင် ပျောက်ကင်း ပါသည်။ ဂရင်ဂျီနာ၊ လိပ်ခေါင်း၊ ဒူလာ၊ စအိုပြန်၊ မီးယပ်၊ အသားအရည် ခမ်းခြောက်၊ ထုံကျင် ကိုက်ခဲသည့် ရောဂါများကို လိမ်းပေးခြင်း၊ သောက်ပေးခြင်း တို့ဖြင့် ပျောက်ကင်းပါသည်။ ပူစပ်၊ နာကျင်မှု မရှိဘဲ၊ အနာကောင်းသည့် အခါ အနာရွတ်။ အမဲကွက်များ ထင်ကျန်ခြင်း မရှိဘဲ နဂိုအသားအရည် အတိုင်းပင် ဖြစ်နေပါသည်။

ရည်ညွှန်း- ရွှေသာရီမဂ္ဂဇင်း(၂၀၀၂)

ပညာပန်းခင်း စာကြည့်တိုက်

ပညာပန်းခင်း

မွေးနံ့သင်းက

ရင်တွင်းချမ်းမြ

နှလုံးလှလိမ့်။

`ပညာပန်းခင်းစာကြည့်တိုက်သည် မြိတ်မြို့ ကလွင်ကျေးရွာတွင် တည်ရှိပါသည်။ မျိုးဆက်သစ်များ အကြားအမြင် ဗဟုသုတ ရရှိနိင်ရန် ရည်ရွယ်ချက်ဖြင့် ထိုစာကြည့်တိုက်ကို E library ဖြစ်ရန်အတွက် စာကြည့်တိုက် တာဝန်ရှိသူများက စီမံဆောင်ရွက်နေကြပါကြောင်း........

မြိတ်ရာဇ၀င်တော်ကြီး

ဆရာကြီး ဦးကြီးစိန်ရေးတဲ့ မြိတ်သမိုင်း မြိတ်ရာဇ၀င်တော်ကြီး ဖြစ်ပါတယ်။

အောက်က link မှာ ရယူနိုင်ပါတယ်။

မြိတ်ရာဇ၀င်တော်ကြီး

မြိတ်ဒေသနှင့်ပတ်သက်သမျှ

ကျွန်တော်တို့ မြိတ်မြို့ရဲ့ နေ့စဉ်သတင်းလေးတွေနဲ့ မှတ်တမ်းလေးတွေကို ရေးသားထားတဲ့ နေရာလေး ဖြစ်ပါတယ်