မြိတ်ပုလဲမြေ

ကျွန်းစုမြို့နယ် NLD ဥက္ကဋ္ဌ ဦးဖိုးကြည် ၉၀ ပြည့်နှစ်က ရန်ပုံငွေလိမ်လည်မှု

2012-01-30T13:40:00.004+06:30

ကြားဖြတ်ရွေးကောက်ပွဲပြုလုပ်မည် NLD ပါတီ ကျွန်းစုမြို့နယ် ပြည်သူ့လွှတ်တော် ကိုယ်စားလှယ်လောင်း ဒေါ်တင်တင်ရီ၏ ရွေးကောက်ပွဲ ကိုယ်စားလှယ်အဖြစ် ကျွန်းစုမြို့နယ်NLD ဥက္ကဋ္ဌ ဦးဖိုးကြည်အား ကျွန်းစုမြို့နယ် ပါတီဝင် များက ငွေရေးကြေးရေးနှင့် ပတ်သက်ပြီး ယုံကြည်မှု မရှိကြောင်း သိရှိရသည်။

ဦးဖိုးကြည်သည် (၉၀) ပြည့်နှစ် ရွေးကောက်ပွဲ ကာလတွင် NLD ကိုယ်စားလှယ်လောင်း ဦးခင်မောင်ဦးအတွက် မဲအောင်နိုင်ရေး အတွက် ကျေးရွာပြည်သူများထံမှ အလှူငွေများ ကောက်ခံပြီး အလှူငွေအားလုံးအား စာရင်းမပြပဲ ကိုယ်ကျိုး အတွက် သုံးစွဲဖူးကြောင်း၊ ယခုလည်း ဒေါ်တင်တင်ရီအတွက် ရွေးကောက်ပွဲ ကိုယ်စားလှယ် အဖြစ် ဆောင်ရွက်နေရာ ရန်ပုံငွေများ ကိုယ်ကျိုးရှာ သုံးစွဲမည်မှာ သေချာကြောင်း ယခင် မြို့နယ် စည်း ကော်မတီအဖြစ် ဆောင်ရွက်ဖူးသူ မောင်းလှော်ကျေးရွာနေ ဦးကိုကိုလေးက ပြောကြားသည်။ ဦးကိုကိုလေး ကပင် အမေစု ကို ၄င်းတို့ အနေဖြင့် ချစ်ခင်မြတ်နိုးလေးစားကြောင်း ၊ သို့သော်လည်း ဗဟိုမှ ချထားပေး သော ဒေါ်တင်တင်ရီ နှင့် ဥက္ကဋ္ဌ ဦးဖိုးကြည်တို့အား ၄င်းအနေဖြင့် ကြည်ညိုလို့ မရကြောင်း၊ ထို့ကြောင့် ကြားဖြတ်ရွေးကောက်ပွဲတွင် ၄င်းအနေဖြင့် ဘာမှကူညီဆောင်ရွက်ပေးမည် မဟုတ်ကြောင်း၊ NLD ပါတီ ကိုတော့ မဲပေးသွားမည် ဖြစ်ကြောင်း ပြောကြားသည်။

ကျွန်းစုမြို့နယ် NLD ဥက္ကဋ္ဌ ဦးဖိုးကြည်သည် ယခုလက်ရှိတွင် မည်သည့် စီးပွားရေးလုပ်ငန်းမှ လုပ်ကိုင်ခြင်း မရှိပဲ သားသမီးများထံ မှီခိုနေကြောင်း သိရှိရသည်။

ဦးဖိုးကြည်အား ယုံကြည်ပြီး ငွေလှူဒါန်းခြင်း မပြုရန်
အကြောင်းကြားစာ

ကျွန်းစုမြို့နယ် ဥက္ကဋ္ဌ ဦးဖိုးကြည်

NLD ပါတီမှ ဒေါ်တင်တင်ရီ ကိုယ်စားလှယ်လောင်း အမည်စာရင်းတင်သွင်း

2012-01-27T17:09:00.001+06:30

ကြားဖြတ်ရွေးကောက်ပွဲတွင် မြိတ်ခရိုင် ကျွန်းစုမြို့နယ် ပြည်သူ့လွှတ်တော် ရွေးကောက်ပွဲတွင် ၀င်ရောက် အရွေးချယ်ခံရန် အတွက် အမျိုးသားဒီမိုကရေစီအဖွဲ့ချုပ် ကိုယ်စားလောင်းအဖြစ် ဗဟိုမှလျာထားသည့် ဒေါ်တင်တင်ရီသည် မြိတ်ခရိုင် ကော်မရှင် ဥက္ကဌ ဦးဝင်းမြင့် နှင့် ကော်မရှင် အဖွဲ့ဝင်များ ရှေ့မှောက်တွင် ပြည်သူ့ လွှတ်တော် ရွေးကောက်ပွဲ နည်းဥပဒေ ပုဒ်မ - ၁၈(ဂ)နှင့်အညီ ၂၀၁၂ ခုနှစ်၊ ဇန်န၀ါရီလ (၂၆)ရက်နေ့ ညနေ (၃)နာရီအချိန် အမည်စာရင်း တင်သွင်းကြောင်း နှင့် ၄င်း၏ ရွေးကောက်ပွဲ ကိုယ်စားလှယ်အဖြစ် ကျွန်းစုမြို့နယ်အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဦးဖိုးကြည်က ဆောင်ရွက်မည် ဖြစ်ကြောင်း သတင်း ရရှိသည်။

မြိတ် NLD ကိုယ်စားလှယ်လောင်း ကန့်ကွက်မှုဖြင့်ကြုံ

2012-01-27T16:27:00.001+06:30

မြိတ် NLD ကိုယ်စားလှယ်လောင်း ကန့်ကွက်မှုဖြင့်ကြုံ

ကျော်ခ | အင်္ဂါနေ့၊ ဇန်နဝါရီလ ၂၄ ရက် ၂၀၁၂ ခုနှစ် ၂၀ နာရီ ၃၉ မိနစ်

ချင်းမိုင် (မဇ္ဈိမ) ။ ။ တနင်္သာရီတိုင်း၊ မြိတ်မြို့ အမျိုးသားဒီမိုကရေစီအဖွဲ့ချုပ် NLD ကိုယ်စားလှယ် လောင်း ဒေါ်တင်တင်ရီ အား အဖွဲ့ချုပ်ဝင် လူငယ်တဦးက မြိတ်မြို့ NLD ရုံးရှေ့တွင် အဖွဲ့ချုပ် တံဆိပ်ပါ အင်္ကျီအား မီးရှို့ကန့်ကွက်မှု တခု တနင်္လာနေ့ ညပိုင်းက ဖြစ်ပွားခဲ့သည်။

ဒေါ်တင်တင်ရီမှာ မြိတ် NLD အကြပ်အတည်းများနှင့် ရင်ဆိုင်နေရချိန်တွင် ပါတီကို လစ်လျူရှုပြီး ရွေးကောက်ပွဲ ဝင်ချိန်ကျမှသာ အဆင်သင့် ဝင်ရောက် အရွေးခံသဖြင့် NLD ပါတီနှင့် မထိုက်တန် ကြောင်း ပြောဆိုကာ မြိတ် အမျိုးသား ဒီမိုကရေစီ အဖွဲ့ချုပ် စာတမ်းနှင့် ပါတီတံဆိပ်ပါ အင်္ကျီအား မီးရှို့ကန့်ကွက်ခဲ့ခြင်းကို တွေ့မြင်ရသူ NLD အဖွဲ့ဝင်များက ပြောသည်။

“အနှစ် ၂ဝ လုံးလုံး ဒုက္ခ ဆင်းရဲခံ ပါတီမှာ လစ်လျူရှုရှောင်ဖယ်နေပြီး ပါတီ ရွေးကောက်ပွဲ ဝင်မှသာ ဝင်ရောက် လာတာ ဖြစ်တဲ့အတွက် NLD ရဲ့ အရိပ်အာဝါသ အောက်မှာ မရှိသင့်ဘူးလို့ ရုံးရှေ့မှာ လာပြောပြီး အင်္ကျီမီးရှို့ပြီး သူက ကန့်ကွက်တာ” ဟု ကန့်ကွက်မှုကို ညှိနှိုင်းပေးခဲ့သူ လောင်းလုံ မြို့နယ် NLD ကိုယ်စားလှယ်လောင်း ဦးအောင်စိုး က မဇ္ဈိမကို ပြောသည်။

ကန့်ကွက်ခဲ့သူ အဖွဲ့ဝင် လူငယ်အား မြိတ် NLD တာဝန်ရှိသူများနှင့် ဦးအောင်စိုးတို့ က ညှိနှိုင်း ဆွေးနွေးခဲ့ပြီး နောက်ပြေလည်မှု ရရှိသွားပြီ ဖြစ်ကြောင်း သိရသည်။

မြိတ် NLD အဖွဲ့ဝင်တဦးက “ဒေါ်တင်တင်ရီက ငွေကြေး တတ်နိုင်တယ်ဗျာ။ ရှေ့မှာ နှစ်ပေါင်း များစွာ ဒုက္ခခံပြီး လုပ်လာတဲ့လူတွေ ရှိရမယ့်နေရာမှာ ရှိနေတဲ့အတွက် ဒီကလေးက မကျေနပ်တာ။ ဒီနေ့မနက်ပဲ ဆွေးနွေးလိုက်တော့ အားလုံးအဆင်ပြေသွားပါပြီ” ဟု သူက မဇ္ဈိမကို ပြောသည်။

ဧပြီလ ၁ ရက်နေ့တွင် ကျင်းပရန် ရှိသည့် ကြားဖြတ် ရွေးကောက်ပွဲတွင် ဝင်ရောက် ယှဉ်ပြိုင်ရန် အတွက် NLD ၏ လွတ်တော် ကိုယ်စားလှယ်လောင်း ရွေးချယ်မှုတွင် အမျိုးသမီး၊ ဒေသခံ၊ ပညာတတ်နှင့် လုပ်ငန်း အတွေ့အကြုံရှိမှု ပေါ်တွင် မူတည်၍ ရွေးချယ်ခြင်းဖြစ်သည်။

အဆိုပါ ရွေးချယ်မှုတွင် ဒေသခံ ရွေးကောက်ပွဲ အောင်နိုင်ရေး ကော်မတီမှ ရွေးချယ် တင်ပြလာသည့် ကိုယ်စားလှယ်လောင်းများကို NLD ဗဟိုမှ သုံးသပ်၍ ဆုံးဖြတ်ချက်ချကာ ရွေးချယ်ခြင်း ဖြစ်သည်။

“ကျနော်တို့ ဗဟိုရွေးချယ်တဲ့ လူတွေအနေနဲ့ ကလည်း ဒေါ်တင်တင်ရီကို သိလို့မဟုတ်ပါဘူး။ သူတို့ တိုင်းဒေသက တာဝန်ရှိတဲ့ လူတွေက သင့်တော်တယ်ဆိုပြီး တင်တာကို ကျနော်တို့ ရွေးတယ်။ ခုနကန့်ကွက်တဲ့ ကိစ္စတွေဟာ မှန်/မမှန်လည်း ကျနော်တို့ မသိသေးပါဘူး” ဟု NLD အတွင်းရေးမှူး အဖွဲ့ဝင် ဦးဉာဏ်ဝင်း က မဇ္ဈိမကို ပြောသည်။

NLD ၏ ကိုယ်စားလှယ်လောင်း ၄၈ ဦးအနက် အမျိုးသမီး ကိုယ်စားလှယ်လောင်း ၁၃ ဦး ပါဝင်ရာ ဒေါ်တင်တင်ရီ က မြိတ်ခရိုင် ကျွန်းစုမြို့တွင် ပြည်သူ့ လွှတ်တော် ကိုယ်စားလှယ်လောင်း အဖြစ် ဝင်ရောက် ရွေးချယ်ခံရန် တာဝန်ပေးအပ်ခြင်း ခံခဲ့ရသည်။

အဆိုပါ မဲဆန္ဒနယ်မှာ စက်မှုဝန်ကြီး ဦးစိုးသိန်း ၂ဝ၁ဝ ရွေးကောက်ပွဲတွင် အနိုင်ရခဲ့သော နေရာဖြစ်ပြီး ယခုလည်း ဒေါ်တင်တင်ရီ က ကြံ့ခိုင်ရေးပါတီ ယှဉ်ပြိုင်ရမှာဖြစ်သည်။

မီးသတ်ကား ၀ယ်ယူရေး ယုဇန ဦးဌေးမြင့် ငွေ သိန်း (၅၀) ငွေလှူဒါန်း

2012-01-27T09:18:00.002+06:30

မြိတ်မြို့ မြိတ်တောင်ရပ်ကွက် ကိုယ့်အားကိုယ်ကိုး မီးသတ်ယာဉ်နှင့် ရေသယ်ယာဉ် ၀ယ်ယူနိုင်ရေး အတွက် မြိတ်မြို့နယ် ပြည်သူ့လွှတ်တော် ကိုယ်စားလှယ် ဦးဌေးမြင့် (ယုဇန) သည် မီးသတ်ကား ၀ယ်ယူရေး ကော်မတီထံသို့ ငွေကျပ်သိန်း(၅၀)တိတိအား ၂၃ ရက်နေ့ ည (၆)နာရီတွင် မြို့သစ်ရပ် ဦးပေါစိန် အိမ်လမ်းရှိ ““အောင် ””” မင်္ဂလာခန်းမတွင် အခမ်းအနားဖြင့် ပေးအပ်လှူဒါန်းခဲ့ကြောင်း သတင်း ရရှိသည်။ ထပ်မံပြီး မြိတ်မြို့ အတွက် မီးသတ်ကား (၅)စီးအား မှာယူ ထားပြီး ဖြစ်၍ မကြာမီ လှူဒါန်းသွားမည် ဖြစ်ကြောင်း သိရသည်။

ကျွန်းစုမြို့နယ် NLD ရုံးဖွင့်ပွဲ ပြုလုပ်

2012-01-24T13:15:00.004+06:30

မြိတ်ခရိုင် ကျွန်းစုမြို့နယ် NLD ရုံးခန်းနှင့် ဆိုင်းဘုတ်ဖွင့်ပွဲ အခမ်းအနားအား ကျွန်းစုမြို့ အမှတ်(၁) ရပ်ကွက် ဗိုလ်ချုပ်လမ်းရှိ အိမ်အမှတ်(၁/၁၆) ရှိ အမှတ်(၁)ရပ်ကွက် အုပ်ချုပ်ရေးမှူး ဦးအင်စိန် ပိုင်ဆိုင်သော နေအိမ်တွင် ၂၀၁၂ ဇန်န၀ါရီလ ၂၃ ရက်နေ့ နံနက် (၀၈၀၀) နာရီတွင် ကျင်းပပြုလုပ်ခဲ့သည်။ အခမ်းအနားတွင် တိုင်းဥက္ကဦးလှမင်း ၊ လွှတ်တော်ကိုယ်စားလှယ်လောင်း ဒေါ်တင်တင်ရီတို့က ဖဲကြိုးဖြတ်ပြီး နောက် အခမ်းအနား တက်ရောက်လာကြသူများအား အမှာစကား ပြောကြားကြသည်။ ကျွန်းစုမြို့နယ် ရုံးဖွင့်ပွဲ အခမ်းအနားသို့ မြိတ်မြို့နယ် NLD ပါတီမှ (၈၀)ဦး၊ ကျွန်းစုမြို့နယ် ပါတီမှ (၂၀)ဦး၊ ပြည်ခိုင်ဖြိုးပါတီမှ (၄၀)ဦးခန့် စုစုပေါင်း အင်အား (၁၆၀)ဦးခန့် တက်ရောက်ကြောင်း သတင်းရရှိသည်။

တနင်္သာရီတိုင်းဒေသကြီး ဥက္ကဌ ဦးလှမင်း

ဖွင့်ပွဲအခမ်းအနား တက်ရောက်အားပေးသူများ

ကျွန်းစုမြို့နယ်ဥက္ကဋ္ဌဦးဖိုးကြည်နှင့် တိုင်းဥက္ကဋ္ဌ ဦးလှမင်း

လွှတ်တော်ကိုယ်စားလှယ်လောင်း ဒေါ်တင်တင်ရီနှင့် ဦးလှမင်း

ကျွန်းစုရုံးဖွင့်ပွဲကို ဦးစီးဆောင်ရွက်သူ မြို့နယ်ကော်မတီဝင်များ

မြိတ်မြို့ NLD ပါတီရုံးရှေ့တွင် မီးရှို့ဆန္ဒပြ

2012-01-24T11:35:00.001+06:30

မြိတ်မြို့ အထက်မြစ်ငယ်ရပ် စကားဝါလမ်းတွင် ဖွင့်လှစ်ထားသော မြိတ်မြို့နယ် အမျိုးသား ဒီမိုကရေစီ အဖွဲ့ချုပ် ရုံးရှေ့တွင် ၂၀၁၂ ဇန်န၀ါရီလ ၂၃ ရက်နေ့ ည (၁၂) နာရီချိန်ခန့်တွင် အမည်မသိ လူငယ် (၁၀) ဦးခန့်သည် မော်တော်ဆိုင်ကယ်ဖြင့် ရောက်ရှိလာပြီး ၄င်းတို့ ၀တ်ဆင်ထားသော ဒေါ်စု ဓာတ်ပုံပါ တီရှပ်အင်္ကျီများ၊ ခွပ်ဒေါင်းတံဆိပ်ပါ တီရှပ်အင်္ကျီများအား ချွတ်ပြီး စုပုံမီးရှို့ ဆန္ဒ ပြကြသည်။ ဆန္ဒပြခြင်း အကြောင်းရင်းအား မသိရှိရသော်လည်း မြိတ်မြို့နယ် အမျိုးသားဒီမိုကရေစီ အဖွဲ့ချုပ်တွင် အစ္စလာမ် ဘာသာဝင်များကသာ ဥက္ကဋ္ဌ ၊ ဒုတိယဥက္ကဋ္ဌ နေရာများရယူထားပြီး ၄င်းတို့ ဘာသာဝင်များကိုသာ ပွဲထုတ်နေသဖြင့် မကျေနပ်သည့် ဗုဒ္ဓဘာသာ ပါတီဝင်များက အင်္ကျီများ စုပုံ မီးရှို့ ဆန္ဒပြခြင်း ဖြစ်နိုင်ကြောင်း ဝေဖန်နေကြသည်။
မြိတ်မြို့နယ် အမျိုးသားဒီမိုကရေစီ အဖွဲ့ချုပ်တွင် ဦးစိုးလွင် ဦးဆောင်သော အစ္စလာမ် ဘာသာဝင် အုပ်စု၊ အတွင်းရေးမှူး ဦးဆန်းဝင်း ဦးဆောင်သော ဗုဒ္ဓဘာသာ အုပ်စုနှင့် ဒေါ်တင်တင်ရီ (လွှတ်တော် ကိုယ်စားလှယ်လောင်းအဖြစ်လျာထားသူ ) ဦးဆောင်သော ခရစ်ယာန် အုပ်စု ၊ ဦးနိုင်ဦး ဦးဆောင်သော လူငယ်အုပ်စု၊ ဦးသန်းထွန်း (ယခင်ဥက္ကဟောင်း) ဦးဆောင်သော ကွန်မြူနစ် အုပ်စု၊ ဦးကျော်ခိုင် ဦးဆောင်သော စီးပွားရေးသမား အုပ်စု စသည်ဖြင့် အုပ်စုဖွဲ့လျက် နေရာလု နေကြကြောင်း သိရသည်။

ပြည်ခိုင်ဖြိုးပါတီမှ ဦးချစ်သန်း ကျွန်းစုမြို့နယ်အတွက် အမည်စာရင်း တင်သွင်း

2012-01-24T11:06:00.002+06:30

ကြားဖြတ်ရွေးကောက်ပွဲတွင် မြိတ်ခရိုင် ကျွန်းစုမြို့နယ် ပြည်သူ့လွှတ်တော် ရွေးကောက်ပွဲတွင် ၀င်ရောက် အရွေးချယ်ခံရန် အတွက် ပြည်ခိုင်ဖြိုးပါတီ ကိုယ်စားလောင်းအဖြစ် ဦးချစ်သန်း (ဗိုလ်မှူးချုပ်- ငြိမ်း)အား ရွေးချယ်ထားပြီး ဇန်န၀ါရီ ၂၃ ရက် နေ့လည် (၁)နာရီအချိန်တွင် ဦးချစ်သန်းကိုယ်တိုင် မြိတ်ခရိုင် ကော်မရှင် ဥက္ကဌ ဦးဝင်းမြင့် နှင့် ကော်မရှင် အဖွဲ့ဝင်များ ရှေ့မှောက်တွင် ပြည်သူ့ လွှတ်တော် ရွေးကောက်ပွဲ နည်းဥပဒေ ပုဒ်မ - ၁၈(ဂ)နှင့်အညီ အမည်စာရင်း တင်သွင်းကြောင်း နှင့် ၄င်း၏ ရွေးကောက်ပွဲ ကိုယ်စားလှယ်အဖြစ် ဦးသက်စိုး(ခ) ဦးစိုးစိုးက ဆောင်ရွက်မည် ဖြစ်ကြောင်း သတင်း ရရှိသည်။

ဦးချစ်သန်း၏ ကိုယ်ရေးရာဇ၀င်

အမည်	ဦးချစ်သန်း(ဗိုလ်မှူးချုပ်-ငြိမ်း)
နိုင်ငံသားစိစစ်ရေးမှတ်	၁၁/တသန (နိုင်)၀၀၀၇၅၃
မွေးသက္ကရာဇ်	၂၃-၄-၁၉၅၃ (၆၁)နှစ်
လူမျိုး/ဘာသာ	ဗမာ / ဗုဒ္ဓ
ပညာအရည်အချင်း	B.A(D.S.A) , H.G.P
အလုပ်အကိုင်	ဒါရိုက်တာ၊ ဂိုလ်းဒင်းဖလားဝါးကုမ္ပဏီ
လက်ရှိနေရပ်လိပ်စာ	အမှတ်(၁/၉)၊ (၁)ရပ်ကွက်၊ ကျွန်းစုမြို့
အဘအမည်	ဦးကျော်စိုး (ဗမာ/ ဗုဒ္ဓ )
အမိအမည်	ဒေါ်စိန်လွင် (ဗမာ / ဗုဒ္ဓ )

မြိတ်မြို့ NLD အဖွဲ့ဝင်များ လမ်းပိတ်၍ ၀ိုင်းဖွဲ့ကခုန်

2012-01-22T10:48:00.006+06:30

မြိတ်မြို့နယ် အမျိုးသားဒီမိုကရေစီ အဖွဲ့ချုပ် ရုံးခန်းနှင့် ဆိုင်းဘုတ်ဖွင့်ပွဲအား ၂၁ ရက်နေ့ တွင် ပြုလုပ်ခဲ့သော်လည်း ဖွင့်ပွဲ အခမ်းအနား ပြီးဆုံးသွားပြီး နောက်တွင် အဖွဲ့ချုပ် အဖွဲ့ဝင်များ သည် နာရီအတန်ကြာ လမ်းပိတ်ပြီး လမ်းပေါ်တွင် ၀ိုင်းဝန်းကခုန်ပျော်ပါး နေသဖြင့် ယာဉ်ကြော ယာဉ်များ သွားလာမှု ခက်ခဲ ခဲ့ပါသည်။

တွေ့ရတဲ့အတိုင်း NLD ပါတီဝင် တစ်ဦးရဲ့ အပေါ်က ပင်နီတိုက်ပုံ၊ အောက်က လုံချည်နဲ့ ပါးမှာကျတော့ သရုပ်ပျက် မလိုက်ဖက်တဲ့ NLD အမှတ်တံဆိပ်ကို ကပ်ထားပါတယ်။ အဲလို နဖူးတွေ ပါးတွေမှာ စတစ်ကာတွေ ကပ်ကြတာ တွေ့ဖူးတာကတော့ ဘောလုံးပွဲတွေနဲ့ ပျော်ပွဲရွှင်ပွဲတွေမှာပါပဲ။ ခုတော့ မဆိုင်တဲ့နေရာတွေမှာပါ ကပ်ပြီး စည်းမရှိကမ်းမရှိတွေ ဖြစ်လာရတာတွေ့နေရပါတယ်။ အမှန်တကယ်ဆို နိုင်ငံတော် ဖွံ့ဖြိုးတိုးတက်မှု လုပ်ငန်းစဉ်တွေမှာ တတပ်တအား ပါဝင်ထမ်းဆောင်မယ့် လူများအနေနဲ့ မိမိတို့ကို အားကျလာအောင်၊ လေးစားလာအောင်၊ ယုံကြည်မှုရှိလာအောင် နေတတ်ထိုင်တတ်ရမယ့် အစား ယခုလိုသရုပ်ပျက်စွာနဲ့ မိမိတို့ ပါတီရဲ့ အဆင့်အတန်းကို ဖော်ပြနေတာပါပဲ။ NLD ပါတီကလည်း ပါတီဝင်တွေ အတွက် အရည်အချင်း မလိုဘူးဆိုပြီး လျှောက်လွှာတွေ ခေါ်ကတည်းက ကြေညာ ထားပြီးသားမို့ ပါတီအထဲကို ဒီလို အဆင့်မရှိ၊ သရုပ်ပျက်ပြုမှုနေထိုင်တတ်သူတွေ ရောက်လာတာ အဆန်းတော့မဟုတ်ပါဘူး။ အရင်တည်းက ပါတီဝင် အင်အား များရင်ပြီးရော ဆိုပြီး စိစစ်မှုမရှိ ၀င်ချင်သလို ၀င်ခွင့်ပေးထားတာက NLD ရဲ့ မူဝါဒကြောင့် ဒီလိုတွေ မြင်တွေ့နေရတာပါပဲ ဟု မြို့မိ မြို့ဖများက ဝေဖန်ပြောကြားလျက် ရှိသည်။

NLD ကို ၀င်ကြတဲ့ လူငယ်တွေကိုလည်း မေးချင်ပါတယ်။ ဗိုလ်ချုပ်သမီးဆိုတဲ့ အရှိန်အ၀ါကြောင့်လား။ NLD ရဲ့ လုပ်ငန်းစဉ်တွေကို ယုံကြည်မှုရှိလို့လား။ ဒါမှမဟုတ် ဈေးရောင်းလိုက် ဂီတပွဲလုပ်လိုက်နဲ့ ပျော်ပွဲရွှင်ပွဲတွေနဲ့ ပျော်စရာကောင်းတဲ့ ပါတီတစ်ခုဖြစ်လို့လား။ ထမင်းအလကားစားရလို့လား။ မိမိကိုယ်တိုင်က အမှန်တကယ် တိုင်းကျိုးပြည်ကျိုးကို ထမ်းဆောင်ချင်တယ်ဆို ဘယ်ပါတီမှ မဟုတ်ပါဘူး။ ၀င်ချင်တဲ့ ပါတီဝင်ခွင့်ရှိပါတယ်။ သို့သော် မိမိဝင်တဲ့ ပါတီက နိုင်ငံတော်အကျိုးကို အမှန်တကယ် ထမ်းဆောင်နိုင်တဲ့ ပါတီတစ်ခုဖြစ်လား မဖြစ်လားဆိုတာကိုတော့ စဉ်းစား သုံးသပ်ဖို့ လိုပါတယ်။ အခုလို သရုပ်ပျက်မှုတွေ ၊ စည်းကမ်းမဲ့ မှုတွေနဲ့ ပြည့်နေတဲ့ ပါတီမျိုးကို ရွေးချယ်မိရင်တော့ မိမိရဲ့ တိုင်းပြည်တိုးတက်မှုမှာ တတပ်တအားပါဝင်ချင်တဲ့ စိတ်တွေ၊ လုပ်အားတွေဟာ အလကားဖြစ်ပြီး ဆုံးရှုံးရပါလိမ့်မယ် ဟု စီးပွားရေးလုပ်ငန်းရှင်တစ်ဦးက ပြောကြားသည်။

ဒါကြောင့်မို့ NLD အနေနဲ့လည်း စည်းရှိကမ်းရှိပါတီ တစ်ခုဖြစ်ချင်တယ်ဆို စည်းမဲ့ကမ်းမဲ့ အပြုအမူမျိုးလုပ်တဲ့ လူတွေကို ပါတီကနေဖယ်ထုတ်ပြီး မိမိပါတီကို စည်းကမ်းတကျဖွဲ့စည်းဖို့ လိုအပ်ပါတယ်။ ဒါ့အပြင် ပျော်ပွဲရွှင်ပွဲတွေ လုပ်ပြီး ပျော်ပါးနေမယ့်အစား မိမိပါတီဝင်တွေကို ဒီမိုကရေစီနဲ့ ထိုက်တန်အောင် ဘယ်လို စည်းကမ်းတကျနေရမယ်ဆိုတာ ပါတီတွင်း သင်တန်းတွေ ပေးပြီး သင်ကြားပြသ သင့်တယ်လို့ နိုင်ငံရေး စိတ်ဝင်စားသူ တစ်ဦးက ပြောကြားသည်။

မြိတ်မြို့ အမျိုးသားဒီမိုကရေစီအဖွဲ့ချုပ် ရုံးဖွင့်ပွဲနှင့် ဆိုင်းဘုတ်တင်ပွဲ ကျင်းပ

2012-01-21T11:08:00.003+06:30

အမျိုးသား ဒီမိုကရေစီအဖွဲ့ချုပ် မြိတ်မြို့နယ် ရုံးဖွင့်ပွဲနှင့် ဆိုင်းဘုတ် တင်ပွဲကို ဇန်န၀ါရီလ (၂၁) ရက်နေ့ နံနက်(၈) နာရီတွင် မြိတ်မြို့ အထက်မြစ်ငယ်ရပ် စကားဝါးလမ်းနှင့် ရွှေကျောင်း လမ်းထောင့်တွင် ပြုလုပ်ခဲ့သည်။ အခမ်းအနားသို့ အမျိုးသား ဒီမိုကရေစီ အဖွဲ့ချုပ် တိုင်းဥက္ကဋ္ဌ ဦးလှမင်း ၊ တိုင်း အတွင်းရေးမှူး ဦးအောင်စိုးနှင့် ကျွန်းစု မြို့နယ်တွင် ၀င်ရောက် အရွေးခံမည့် ပြည်သူ့ လွှတ်တော် ကိုယ်စားလှယ်လောင်း ဒေါ်တင်တင်ရီ တို့ တက်ရောက်ပြီး ဆိုင်းဘုတ်အား ဖဲကြိုးဖြတ်ကာ တက်ရောက် လာကြသူများအား အမှာစကား ပြောကြားသည်။

ထိုအခမ်းအနားသို့ ကန်ခေါင်းရပ်ကွက်အတွင်းရှိ ဒီမိုကရေစီ လိုလားသူ မွတ်ဆလင်ဘာသာဝင် အများစု ပါဝင်သော ပြည်သူ လူထု အင်အား (၁၀၀၀)ကျော်ခန့် တက်ရောက်ခဲ့သည်။ ထိုအခမ်းအနား တစ်ခုလုံးအတွက် မွတ်ဆလင် ဘာသာဝင် အများစု တက်တက်ကြွကြွ ဖြင့် ဆောင်ရွက်ခဲ့သည်။ ဖဲကြိုးကိုင်ခြင်း၊ ကတ်ကြေး ဗန်းကိုင်ခြင်း၊ စသည်တို့အား မွတ်ဆလင်ဘာသာဝင် ချောမောလှပသည့် အမျိုးသမီးငယ်များက တက်ကြွစွာ ဆောင်ရွက်ခဲ့သည်။

ထိုအခမ်းအနား ကျင်းပရာတွင် မြိတ်မြို့ရှိ လူအစည်းကားဆုံး လမ်းမကြီး သုံးလမ်းအား ပိတ်ထားရသည့် အတွက် ယာဉ်ကြော ၂ နာရီခန့် ပိတ်ဆို့ ထားခဲ့ရသည်။ ဗုဒ္ဓဘာသာဝင် အများစုမှာ အမျိုးသားဒီမိုကရေစီ အဖွဲ့ချုပ် တွင် မွတ်ဆလင် ဘာသာဝင်များ အများစု ဦးဆောင်လှုပ်ရှားနေသည့်အတွက် မကျေမနပ် ဖြစ်နေကြောင်းနှင့် NLD ပေါက်ပေါက်လာသည့်အတွက် မွတ်ဆလင်ဘာသာဝင်များ တက်ကြွလာမှုကြောင့် စိုးရိမ်သောက ရောက်နေကြ ကြောင်း သိရှိရသည်။

ဘာအတွက် ငါ.မဲကို ထည့်ရမှာလဲ- ပေးရမှာလဲ၊ (I VOTE FOR WHAT)

2012-01-20T11:32:00.001+06:30

ကျွန်းစုမြို့နယ် မဲဆန္ဒရှင်ပြည်သူတွေအနေဖြင့် ပါတီတွေက အမတ်လောင်းတွေကို မဲ မပေးခင် ဘာအတွက် ငါ.မဲကို ထည့်ရမှာလဲ ဘာအတွက် ငါ့ မဲကို ပေးရမှာလဲ ရှင်းရှင်းလင်းလင် မေးဖို. လိုပါသည်။

ပါတီတခုချင်းစီက ကိုယ်စားလှယ်လောင်း တဦးချင်စီကို ဒီမေးခွန်းတွေကို သေခြာမေးပြီး မဲ ပေးခြင်းက ကိုယ့်ဘ၀ ကိုယ့် ကကြမ္မာ ဖန်တီးရာ ရောက်ပါမည်။

ကိုယ့်အတွက် ကိုယ့်ဒေသ အတွက် ဘာက အဓိက အရေးကြီးလဲ ဘာကို အဓိကဦးစားပေးပြီး ဆောင်ရွက်ပေးမှာလဲ ဘယ်လို လက်တွေ.ကျကျနဲ. တခြားအမတ်လောင်းတွေ ပါတီတွေ နဲ.မတူအောင် လုပ်ပေး မလဲဆိုတာ အသေးစိတ် ရှင်းပြခိုင်းပြီး ကိုယ်ကျေနပ်မှ ကိုယ်စိတ်ချ ယုံကြည်မှသာ သင့် မဲ ကို ပေးပါ။ VOTE WHAT YOU LIKE TO DO လို. ဆိုချင်ပါသည်။

ဒီမိုကရေစီအရေး လွတ်လပ်ရေး လူ.အခွင့်အရေး တရားဥပဒေ စိုးမိုးရေးနဲ. ဒေသဖွံ.ဖြိုးရေး တွေ လုပ်ပေးမယ်လို. ယေဘူယျနဲ. လာပြီး မဲဆွယ်ခဲ့ရင် အဲဒီ အမတ်တွေကို ပြန်မေးဖို.လိုပါ သည်။ အခု တရားဝင် ရပ်တည်နေတဲ့ ပါတီ ၄၇ ပါတီမှာ အထက်ပါ သီအိုရီသဘောတရား တွေကို လုပ်မပေးဘူး မထောက်ခံဖူးဆိုတဲ့ ပါတီတွေရော ရှိသေးလို.လား။ အားလုံးကို သွား မေးရင် ဒီဟာတွေကို လုပ်ပေးမယ်လို. ပြောမဲ့ ပြောနေကျတဲ့ သူတွေချီးပဲ မဟုတ်ဖူးလား။ ။ ဒါကြောင့် ယေဘူယျတွေ သီအိုရီတွေ မဟုတ်ပဲ ကိုယ့် မဲဆန္ဒနယ်မြေအတွက် လက်တွေလဲ ကျကျ တိုင်းတာလို.ရတဲ့ Measurable ဖြစ်ပြီး မြင်သာ ထင်သာရှိနိုင်တဲ့ လုပ်ပေးစေချင်တဲ့ ကိစ္စတွေကို ဘယ်လို ဖြစ်အောင် လုပ်ပေးမလဲဆိုတာ ထောက်ပြီး မေးဖို. စစ်ဆေးဖို.လိုပါသည်။

၁၉၉၀ ရွေးကောက်ပွဲ၊ ၂၀၁၀ ရွေးကောက်ပွဲနဲ. မတူတော့ပါ-- ပြောရရင် တပါတီ အာဏာရှင် မဆလပါတီ တဖြစ်လဲ တစညလဲ ဒီမိုကရေစီပါတီဖြစ်လာသလို စစ်အာဏာရှင်စနစ်ကို ကြား ကန်ခဲ့တဲ့ ကြံခိုင်ရေးလဲ ဒီမိုကရေစီပဲ လို. ပြောနေပြီ မဟုတ်လား။ ဒီတော့ ဒီမိုကရေစီတို. လူ.အခွင့်အရေးတို. ဒေသ ဖွံ.ဖြိုးရေးတို.ဆိုတဲ့ ယေဘူယျသဘော ပြောတာလောက်နဲ.တော့ ဘယ်ပါတီ ဘယ်ကိုယ်စားလှယ်လောင်းကိုမှ မေးပေးဖို. မဆုံးဖြတ်သင့်တောပါ။

တကယ် လက်တွေ.ကျကျနဲ. ဘယ်ကိစ္စကို ဘယ် လုပ်ပေးမယ်ဆိုတာ အသေးစိတ် တင်ပြ နိုင် ရှင်းပြနိုင်တဲ့ အမတ်လောင်းတွေကိုပဲ မဲပေးဖို. လိုပါမည်။ အခုရွေးကောက်ပွဲဟာ အာဏာရှင်နဲ. ဒီမိုကရေစီအကြား ခွဲခြားတဲ့ ပွဲမဟုတ်ပဲ ဘယ်ကိုယ်စားလှယ်က ဘယ်လောက် အထိ လက် တွေ.ကျကျ လုပ်ပေးနိုင်မလဲဆိုတဲ့ အရည်အချင်းနဲ. လုပ်ရည်ကိုင်ရည်က အရေးကြီးတဲ့ ပွဲ ဖြစ်လာပါသည်။ သူဖက်က ဘယ်ကိစ္စကို လက်တွေ.ကျကျ ဘာလုပ်ပေးမယ်လို. ရေရေရာရာ မပြောနိုင်ရင်တော့ အဲဒီအမတ်လောင်းဟာ သင့် မဲ နဲ. ထိုက်တန်သူ မဟုတ်ပါ။

ဒါကြောင့် ဘယ်အမတ်လောင်းက ကိုယ့်ဒေသ ကောင်းကျိုးကို လုပ်ပေးမလဲဆိုတဲ့ လက်တွေ. ကျတဲ့ ထောက်ပြမှုတွေနဲ. အမတ်လောင်းတွေဆီက အသေးစိတ် ရှင်းပြနိုင်သူ တကယ် လုပ်ပေးနို်င်တာကိုပဲ တာဝန်ယူ ကတိပေးသူကိုပဲ ရွေးချယ်ခြင်းက ဒေသအတွက် အာမခံချက် အရှိဆုံးပါ။

ကိုယ့်အတွက် အရေးကြီးတာက ရွာမှာ ဆေးခန်းရဖို။ ကျန်းမာရေးအတွက်လာ။ ရွာမှာ စာသင်ကျောင်းရဖို. ပညာရေးအတွက်လား၊ လမ်း တံတားနဲ. သယ်ယူပို.ဆောင်ရေးလား။ ရေရရှိရေးအတွက်။ မီးရရှိဖို. မီး မှန်မှန် လာဖို.လား။ အမှိုက် မှန်မှန် သိမ်းဖို.လာ.။ စီးပွားရေးလား။ အခွန် လျော့ကောက်ရေးလား။ အလုပ်အကိုင်နဲ. အိမ်ယာကိစ္စအတွက်လား သဘာဝ ပတ်ဝန်းကျင်နဲ. မြစ်ချောင်းထိမ်းသိမ်းရေးလား၊ တရားဥပဒေစိုးမိုးရေးနဲ. ရာဇ၀တ်မှု ကျဆင်ရေး ရပ်ကွက်အေးချမ်းလုံခြုံရေးလား။ ဆင်းရဲမှု ပ ပျောက်ရေးလား၊ မြေယာ ပြုပြင် ပြောင်းလဲရေးလား၊ လွတ်လပ်စွာ စိုက်ပျိုး သိုလှောင် ရောင်ချခွင့်လား။ လာဒ်စားမှု တိုက်ဖျက် ရေးလား---- စတဲ့ လူတဦးချင်းစီ နယ်တနယ်ချင်းစီ ရွာတရွာချင်းစီ၏ လိုအပ်ချက် တွေဟာ မတူနိုင်တာမို. ကိုယ့်အတွက်အရေးကြီးတယ် ဦးစားပေးစေချင်တဲ့ လုပ်ငန်းတွေကို အကောင် အထည် ဖော်ပေးနိုင်မည့် အမတ်လောင်းကိုသာ သင့်၏ မဲ ဖြင့် ထောက်ခံလိုက်ပါ။ လုံးဝ မမှာပါ။ ဒါမှ နိုင်ငံတော်တို. ပြည်သူလူထု ဆိုတဲ့တာ တကယ်တော့ မဲ ပေးတဲ့ မဲ ဆန္ဒရှင်တွေကိုပဲ အဓိက ရည်ညွှမ်းရမှာပါ---

မဲမပေးခင်မှာလဲ မင်းကို ရှင့်ကို ကျနော် ကျမက ဘာအတွက် ငါ့ မဲကို ထည့်ရမှာလဲ ပေးရမှာ လဲ ငါ့အတွက် လက်တွေ. အရေးကြီးတဲ့ ကိစ္စကို ဘယ်လို လုပ်ပေးမှာလဲဆိုတာ သေခြာ မေး မြန်း စုံစမ်းပြီးမှသာ သင့်ရဲ့ မဲကို ထည့်ပေးပါ။ မဟုတ်ရင် ဒီမိုကရေစီဆိုတဲ့ စကားလုံးတွေနဲ. လာပြီး ပနာယူနေသူတွေ ဖြစ်တာမို.---- စိတ်ထဲမှာပဲ ကံတော့် ဆွမ်းလို.သား အော်လိုက်ပါ---မဲပေး ထောက်ခံရမည့် ကိုယ်စားလှယ် မဟုတ်ပါ။

ရွေးကောက်ပွဲမှာ မဲပေးတာဟာ ကုမ္ဗဏီတခုက လုပ်တဲ့ Survey တခု ဖြေတာနဲ. မတူပါ။ ရွေးကောက်ပွဲမှာ I VOTE FOR WHAT ဆိုတာ မဲပေးသူတွေက ရှင်းရှင်းလင်းလင်း ဖြစ်လာမှ လက်တွေ. အကျိုးရှိမှာ။ ဒီမိုကရေစီဆိုယုံနဲ.တော့ မဲပေးဖို. မလုံလောက်တော့ပါ။ မဲပေးခွင့်ရှိသူတိုင်း မဲပေးဖြစ်အောင် ပေးပြီး ကိုယ့်အနာဂတ်ကို လက်တွေ. ဖန်တီးပါ။ ။ ။

ရည်ညွှန်း Udp Myanmar

ကျွန်းစုမြို့နယ် NLD ကိုယ်စားလှယ်လောင်းအား ပါတီဝင်များက မနှစ်သက်

2012-01-18T10:24:00.002+06:30

အမျိုးသား ဒီမိုကရေစီအဖွဲ့ချုပ်မှ ဒေါ်တင်တင်ရီအား ၂၀၁၂ ဇန်န၀ါရီလ (၁၇) ရက်နေ့ နေ့စွဲဖြင့် ထုတ်ပြန်လိုက်သည့် ကြေညာချက် အမှတ် - ၅/၁/၂၀၁၂ ဖြင့် မြိတ်ခရိုင် ကျွန်းစုမြို့နယ်တွင် လစ်လပ်လျက် ရှိသော ပြည်သူ့ လွှတ်တော် ကိုယ်စားလှယ်လောင်း နေရာတွင် ဒေါ်တင်တင်ရီအား ၀င်ရောက် အရွေးချယ်ခံရန် တာဝန် ပေးအပ်လိုက်ခြင်း အပေါ် မြိတ်ခရိုင်အတွင်းရှိ မြိတ် ကျွန်းစု ပုလော တနင်္သာရီ မြို့နယ်များရှိ အဖွဲ့ချုပ် အမှုဆောင်အဖွဲ့နှင့် ပါတီဝင်များက မနှက်သက်ကြောင်းနှင့် ဒေါ်တင်တင်ရီ အား မလိုလားကြောင်း သိရှိရသည်။

၎င်းတို့အနေဖြင့် ဒေါ်တင်တင်ရီအား မနှက်သက်ရခြင်းမှာ ဒေါ်တင်တင်ရီသည် ပါတီ အကြပ်အတည်း ဖြစ်နေစဉ် ကာလများတွင်း ၀င်ရောက်ပါဝင် လှုပ်ရှားခြင်း မရှိပဲ ရှောင်ပြေးနေကြောင်း၊ အဆင်းရဲ အပင်ပန်းခံပြီး ဆောင်ရွက်ရာတွင် မိမိတို့သာ ဆောင်ရွက်ခဲ့ရကြောင်း ၊ မိမိတို့ အနေဖြင့် ထောင်မကြောက် တန်းမကြောက် စီးပွားရေး အပျက်ခံပြီး ပါတီရပ်တည်ရေးအတွက် စည်းရုံးလှုပ်ရှား နေချိန်တွင် ဒေါ်တင်တင်ရီမှာ ၄င်း၏ ရုပ်သိမ်း ထားခြင်း ခံရသော ရှေ့နေလိုင်စင် ပြန်လည်ရရှိရေးအတွက် အာဏာပိုင် အဖွဲ့အစည်းများအား ပူးပေါင်းပြီး ပါတီနှင့် မဆိုင်သလို နေခဲ့ကြောင်း ကျွန်းစုမြို့နယ် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဦးဖိုးကြည်က ပြောကြားသည်။

ထို့အပြင် ဒေါ်တင်တင်ရီသည် ဗုဒ္ဓဘာသာ အမည်ခံထား သော်လည်း ၄င်းမှာ ခရစ်ယာန် ဘာသာ ကိုးကွယ်သူ တစ်ဦးဖြစ်ကြောင်း၊ မြိတ်မြို့နယ် အမျိုးသားဒီမိုကရေစီ အဖွဲ့ချုပ် ရှင်သန်ရေးအတွက် မိမိတို့ အစ္စလာမ်ဘာသာဝင် အများစုကသာ ထောင်အကျခံ၍ ဆောင်ရွက်ခဲ့သော်လည်း တကယ့် ပြိုင်ဆိုင်ရမည့် ကိစ္စ ပေါ်ပေါက် လာသည့်အခါ၊ အခွင့်အရေး ရရှိသည့် အခါတွင် ခရစ်ယာန် ဘာသာဝင် ဖြစ်သူကသာ ရရှိသဖြင့် မိမိတို့ အနေဖြင့် မကျေနပ်ကြောင်း မြိတ်မြို့နယ် အမျိုးသားဒီမိုကရေစီအဖွဲ့ချုပ် အစ္စလာမ် ဘာသာဝင်တစ်ဦးက ပြောကြားခဲ့သည်။
ကျွန်းစုမြို့နယ် ပြည်သူ့လွှတ်တော် ကိုယ်စားလှယ်လောင်း ဒေါ်တင်တင်ရီ၏ ကိုယ်ရေးအကျဉ်း
အမည် - ဒေါ်တင်တင်ရီ
အဘအမည် - ဦးလှဖေ
မွေးသက္ကရာဇ် - ၂၃-၁၁-၁၉၄၆
လူမျိုး / ဘာသာ - ဗမာ / ဗုဒ္ဓ (ခရစ်ယာန်ဘာသာကိုးကွယ်)
နိုင်ငံသားစိစစ်ရေးအမှတ် - ၆/မအရ(နိုင်) 079523
ပညာအရည်အချင်း - ဥပဒေဘွဲ့
အလုပ်အကိုင် - အထက်တန်းရှေ့နေ (လိုင်စင်ရုပ်သိမ်းခံထားရ)
ခင်ပွန်းအမည် - ဦးခင်မောင် (ဂျွန်ခင်မောင်) / အင်္ဂလိပ်စကားပြောသင်တန်း
သားသမီးအမည် - (၁) မမာလာခင် (၄၄)နှစ် ၊ ၆/မအရ(နိုင်)079352
(၂) မသူဇာခင် (၄၂)နှစ်၊ ၆/မအရ(နိုင်)080293
(၃) ၀င်းဇော်ခင် (၄၁)နှစ်၊ ၆/မအရ(နိုင်)079326
(၄) သန့်ဇော်ခင် (၄၀)နှစ်၊ ၆/မအရ(နိုင်) 002185

ဗိုလ်ချုပ်ချစ်သန်း(ငြိမ်း) ကျွန်းစုမြို့နယ်မှ ၀င်ပြိုင်မည်

2012-01-15T10:07:00.005+06:30

ကြားဖြတ် ရွေးကောက်ပွဲတွင် လစ်လပ်လျက် ရှိသော တနင်္သာရီတိုင်း ကျွန်းစုမြို့နယ် ပြည်သူ့လွှတ်တော် ကိုယ်စားလောင်း နေရာအတွက် ဗိုလ်မှူးချုပ်ချစ်သန်း(ငြိမ်း)အား ပြည်ခိုင်ဖြိုး ပါတီမှ ကိုယ်စားလှယ်အဖြစ် အမည်စာရင်း တင်သွင်မည် ဖြစ်ကြောင်း ပြည်သူ့လွှတ်တော် စီးပွားရေးနှင့် ကုန်သွယ်မှုဖွံ့ဖြိုးတိုးတက်ရေး ကော်မတီ ဥက္ကဋ္ဌ ဦးမောင်မောင်သိမ်းက (၁၄-၁-၂၀၁၂) ရက်နေ့ မြိတ်မြို့၌ စီးပွားရေး လုပ်ငန်းရှင်များနှင့် တွေ့ဆုံပွဲတွင် တရားဝင် ကြေညာလိုက်သည်။ ဦးမောင်မောင်သိမ်းသည် ပြည်ခိုင်ဖြိုးပါတီ ဗဟိုအလုပ် အမှုဆောင် ကော်မတီဝင် တစ်ဦးဖြစ်ပြီး တနင်္သာရီတိုင်းဒေသကြီး ပါတီ တာဝန်ခံလည်းဖြစ်သည်။

ဗိုလ်ချုပ်ချစ်သန်း (ငြိမ်း) သည် ဘုတ်ပြင်းမြို့ အခြေစိုက် အမှတ်(၁၃) စစ်ဆင်ရေး ကွပ်ကဲမှု ဌာနချုပ် တွင် တပ်မမှူးအဖြစ် တာဝန်ထမ်းဆောင်ခဲ့ပြီး တြိဂံဒေသ တိုင်းစစ်ဌာနချုပ် တိုင်းမှူး အဖြစ်ပါ တာဝန်ထမ်းဆောင်ဖူးသူ ဖြစ်သည်။ ယခု လက်ရှိတွင် ပြည်ထောင်စု အဆင့် ငြိမ်းချမ်းရေး ဖော်ဆောင်မှု အဖွဲ့တွင် ရထားဝန်ကြီး ဦးအောင်မင်းနှင့် အတူ ပါဝင် ဆောင်ရွက်လျက် ရှိပြီး ၄င်းအား ကရင်လူမျိုး အများစု က ယုံကြည် လေးစား ကြကြောင်း သိရှိသည်။

ဗိုလ်ချုပ်ချစ်သန်း(ငြိမ်း) ၀င်ရောက် ယှဉ်ပြိုင်မည့် ကျွန်းစုမြို့နယ် တွင် အမျိုးသားဒီမိုကရေစီ အဖွဲ့ချုပ်မှ ဒေါက်တာတင်မျိုးဝင်း ၀င်ရောက် ယှဉ်ပြိုင်မည်ဟု သတင်း ထွက်လျက် ရှိသည်။ ဒေါက်တာတင်မျိုးဝင်း အနေဖြင့် အနိုင်ရရင် မလွယ်ကူကြောင်း ဝေဖန် ပြောကြားလျက် ရှိသည်။

လစ်လပ်လျက်ရှိသော ကျွန်းစုမြို့နယ် ပြည်သူ့လွှတ်တော် မဲဆန္ဒနယ်သည် ယခု လက်ရှိ စက်မှုဝန်ကြီး ဌာန ပြည်ထောင်စု ၀န်ကြီး ဦးစိုးသိန်း၏ လစ်လပ်နေရာ ဖြစ်ပြီး ၂၀၁၀ ရွေးကောက်ပွဲတွင် ပြိုင်ဖက် မရှိကြောင်း သိရှိ ရသည်။

မြိတ်မြို့ မြိတ်တောင်ရပ်ကွက် မီးသတ်ကားနှင့် ရေသယ်ယာဉ် ၀ယ်ယူရေး နိုးဆော်လွှာ

2012-01-03T21:14:00.003+06:30

မြိတ်မြို့အတွင်းရှိ ရပ်ကွက် များသည် မီးဘေး ကြိုတင် ကာကွယ်ရေးနှင့် မီးလောင်မှု ဖြစ်ပွားလာပါက ကြီးမားစွာ ဆုံးရှုံးမှု မဖြစ်ပေါ် စေရေးအတွက် ရပ်ကွက် အလိုက် ကိုယ့်အား ကိုယ်ကိုး၍ မီးသတ်ကားနှင့် ရေသယ် ယာဉ်များအား ၀ယ်ယူလျက် ရှိရာ မြိတ်မြို့ မြိတ်တောင် နယ်မြေ၌လည်း မီးသတ်ကားနှင့် မီးသတ်ယာဉ်များ ၀ယ်ယူနိုင်ရေး ကော်မတီဖွဲ့၍ ဆောင်ရွက်လျက် ရှိရာ (၂၅-၁၂-၂၀၁၁) ရက်နေ့မှ (၂-၁-၂၀၁၂) ရက်နေ့အထိ ကော်မတီဝင်များနှင့် လုပ်ငန်းရှင်များမှ လှူဒါန်းငွေ (၁၂၂)သိန်းကျော် ရရှိပြီး ဖြစ်သဖြင့် ရေသယ်ယာဉ် တစ်စီးအား ၀ယ်ယူ ထားရှိပြီးဖြစ်ပါသည်။ မီးသတ်ယာဉ် တစ်စီးအား မကြာမီ ကာလအတွင်း ၀ယ်ယူနိုင်တော့မည် ဖြစ်ရာ စေတနာရှင် အလှူရှင်များ အနေဖြင့် အောက်ပါ ပုဂ္ဂိုလ်များ ထံတွင် ဆက်သွယ် လှူဒါန်း နိုင်ကြောင်း နိုးဆော် အပ်ပါသည်။

(က) ဦးစိန်မင်း - ရပ်ကွက်အုပ်ချုပ်ရေးမှူး (ဖုန်း 059-41631 / 098770025 )

(ခ) ဦးထွန်းမြင့် - သစ်စက်လုပ်ငန်းရှင် ( ဖုန်း 098761851)

(ဂ) ဦးစံသိန်း - သင်းပေါင်းရောင်း/၀ယ် ( ဖုန်း 098761647 )

(ဃ) ဦးဘစိုး (ခ) ဦးစိုးသိန်း - မြို့သစ်(၁)ရပ်ကွက် ( ဖုန်း - 098760602 )

(င) ဦးထွန်းဥာဏ် (ဂရင်း မင်္ဂလာခန်းမ ) ထားဝယ်ကမ်း(၁) ( ဖုန်း 0949874289 )

(စ) ဦးထွန်းအေး ( မြို့သစ်ဈေးကုန်မျိုးစုံဆိုင်) (ဖုန်း - 098761788 )

(ဆ) ဦးကောက်ရိုက် ( ဌေး-သစ်စက်မိသားစု) (ဖုန်း - 098761547 )

မြိတ် အထက(၂) မြတ်ဆရာပူဇော်ပွဲ

2011-12-30T13:01:00.006+06:30

မြိတ်မြို့ အမှတ်(၂) အခြေခံပညာအထက်တန်းကျောင်း၏ (၁၁) ကြိမ်မြောက် မြတ်ဆရာပူဇော်ပွဲနှင့် မိတ်ဆုံ စားပွဲကို (၈-၁-၂၀၁၁) တနင်္ဂနွေနေ့ ညနေ (၃) နာရီမှ ည (၁၀) နာရီအထိ စည်းကားသိုက်မြိုက်စွာ ကျင်းပပြုလုပ်သွားမှာ ဖြစ်ပါသည်။ ရပ်နီးရပ်ဝေးမှ ကျောင်းသူ / ကျောင်းသား ဟောင်းများ တက်ရောက်ဖို့ ဖိတ်ကြားအပ်ပါတယ်။

လူသားစား မိကျောင်း ဖမ်းဆီရမိ

2009-05-26T21:42:00.006+06:30

လူသားစား မိကျောင်း မြိတ်ခရိုင် ကျွန်းစုမြို့နယ် မိုင်းသွေးရွာတွင် ဖမ်းဆီရမိ

မြိတ်ခရိုင် ကျွန်းစုမြို့နယ် ကော်ဇယာ ကျေးရွာ အုပ်စု အနှိုင်းကျေးရွာ အနီး အနှိုင်းချောင်း အရှေ့ဘက် ကမ်းရှိ ကျွန်းပုတ်ချောင်းတွင် ၀င်းနိုင်ဦး (အသက် -၃၁)နှစ်နှင့် အဖော် တစ်ဦးသည် (၁၇-၅-၂၀၀၉) ရက်နေ့ နံနက် (၇)နာရီတွင် နေ့လည် သစ်ခုတ်နေရာမှ ချောင်းကို ဖြတ်ကူးစဉ် မိကျောင်းတစ်ကောင်သည် ရေထဲမှ ပေါ်ထွက်လာပြီး ၀င်းနိုင်ဦးအား ကိုက်ဆွဲသွားသည်ကို အဖော်ဖြစ်သူမှ မြင်တွေ့ရသဖြင့် ရွာသို့ ပြန်လည် အကြောင်းကြားခဲ့ရာ့ မိုင်းသွေး ကျေးရွာ နှင့် ရှမ်းဘုံကျေးရွာမှ လူအင်အား (၈၀) ဦးခန့်ဖြင့် မိကျောင်း ကိုက်ဆွဲ သွားသော လူကို ကယ်တင်နိုင်ရေး အတွက် မိကျောင်းအား စက်လှေများ ၊ လက်နက် ကိရိယာများဖြင့် လိုက်လံ ဖမ်းဆီးကြသည်။

ထိုသို့ လိုက်လံ ဖမ်းဆီးရာတွင်တွင် မိကျောင်းကိုက်ခံရပြီး (၁)ရက်ကြာပီးနောက် (၁၉-၅-၂၀၀၉) ရက်နေ့ နေ့လည် (၁)နာရီခန့်အချိန်တွင် မိကျောင်းအား ရွာသားများမှ အသေဖမ်းဆီးရမိပြီးနောက် ဖမ်းဆီးရမိသော မိကျောင်းအား စက်လှေဖြင့် တင်လာပြီးနောက် မိုင်းသွေးရွာ ကွက်သစ်တံတားဦးတွင် (၂၀-၅-၂၀၀၉)ရက်နေ့ နံနက်(၁၁)နာရီခန့် အချိန် တာဝန်ရှိသူများ ရှေ့မှောက်တွင် မိကျောင်းဝမ်းဗိုက်ထဲတွင် ရှိသော ၀င်းနိုင်ဦး၏ အလောင်းအား ခွဲထုတ်ယူသည်။

ဝင်းနိုင်ဦးအား စားမျိုခဲ့သော မိကျောင်းမှာ အလျားပေ အရှည် (၁၆)ပေ (၆)လက်မ၊ လုံးပတ် (၆)ပေ ရှိကြောင်း သိရှိရသည်။

မြိတ်ကျွန်းစုလေးတွေကို Vote ပေးကြမလား

2009-03-24T18:19:00.001+06:30

မြိတ်ကျွန်းစုလေးတွေကို Vote ပေးကြမလား

မောင်ရဲခေါင် (စီလီကွန် လွင်ပြင်)

San Francisco Bay Area ရှိ လူငယ် ဗုဒ္ဓဘာသာ သင်တန်း တစ်ခုတွင် ဖြစ်ပါသည်။ လူငယ်သင်တန်း ဆိုပေမယ့် အမေရိကန်ပြည်တွင် ကြီး၍ အင်္ဂလိပ် စကားသာ အဓိကပြောသော အသက် (၁၀) နှစ်မှ (၁၇) နှစ်ခန့် အထိ အရွယ်စုံ ပါဝင်သော မျိုးဆက်သစ် မြန်မာ လူငယ်လေးများ အတွက် ထေရဝါဒ ဗုဒ္ဓဘာသာ နှင့် မြန်မာ့ ယU်ကျေးမှု ရေးရာများကို အဓိက မိတ်ဆက် သင်ကြားပေးသည့် လစဉ်သင်တန်း တစ်ခု ဖြစ်ပါသည်။ ထို တစ်လက မြန်မာ့ ယဉ်ကျေးမှု မိတ်ဆက်ကဏ္ဍ အတွက် ကျွန်တော့် တာဝန်ကျရာ ယဉ်ကျေးမှုများအား အမိ မြန်မာပြည် အကြောင်းကို အရင် မိတ်ဆက်ပြောပြရန် ပြင်ဆင်ထားမိသည်။

သင်တန်း မစမီတွင် သင်တန်းသူ၊ သင်တန်းသားလေး များအား “Burma (သို့) Myanmar ဟုခေါ်သည့် အမိမြေ အကြောင်း မည်မျှ သိသနည်း၊ ဘာတွေသိထား သနည်း” ဟု အရင် မေးကြည့်ရာ ကျွန်တော် ဘာဆက်ပြော ရမှန်း မသိ ဖြစ်သွား၏။ သူတို့၏ ဖြေပုံလေးတွေကို ကြည့်၊ ကြည့်ပါ။ ‘Very Hot’ တဲ့၊ ‘Dirty’ တဲ့၊ ‘Bad Government’ တဲ့၊ ‘Mosquito’ တဲ့၊ ‘Poor People’ တဲ့၊ ကုန်ရော။ “မင်းတို့ ပြောတာတွေလည်း ဟုတ်ပါတယ်၊ ဒါတွေက နောင် အခြေအနေ အရ ကြိုးစားပြီး ပြုပြင်ယူလို့ ရပါတယ်။ နောက် ကောင်းတာ တွေလည်း ပြောပြပါဦး ” ဟု တိုက်တွန်းတော့မှ ‘A Lot of Pagodas’ ၊ ‘Friendly People’ ၊ ‘Good Food’ တဲ့။ ကျွန်တော်လည်း အဲဒီတော့မှ “တခြား ကောင်းတာ တွေလည်း ရှိပါသေးတယ်” ဟု ဆိုပြီး မြန်မာပြည်၌ သယံဇာတ နှင့် သဘာဝ အရင်းအမြစ်များ ကြွယ်ဝပုံ၊ ဇီဝ မျိုးကွဲများ စုံလင်ပုံ၊ ကိုယ်ပိုင် ယဉ်ကျေးမှု နှင့် တိုင်းရင်းသား ပေါင်းစုံ ယှဉ်တွဲ နေထိုင်ကြပြီး ကမ္ဘာ့အဆင့်မီ Civilization များ ထွန်းကားခဲ့ပုံ၊ ဦးသန့် အစရှိသည့် ကမ္ဘာသိ ထူးချွန် ကျော်ကြားသော မြန်မာများ နှင့် ထူးခြား လှပသော နေရာေ ဒသများ အကြောင်း စသည်ဖြင့် သူတို့ သိနိုင်အောင်
ရှင်းပြမိပါသည်။

ဟုတ်ပါသည်။ ကျွန်တော်တို့၏ အမိတိုင်းပြည်တွင် ကမ္ဘာ့ အံ့ဖွယ် ထူးခြားသော ယဉ်ကျေးမှု အမွေအနှစ် နှင့် သဘာဝ နေရာဒေသ များစွာ ရှိပါသည်။ ကျွန်တော်တို့ ကိုယ်တိုင် မသိကြ၍နှင့် သူများသိအောင် ပြန်မပြောတတ်၍သာ တိမ်မြုပ် သလို ဖြစ်နေခြင်း ဖြစ်ပါသည်။ တစ်ချို့တော့ ကြားမိလိုက်ကြမည် ထင်ပါသည်။ 2007 July တုန်းက New 7 Wonders အဖွဲ့  ကြီးမှ ကြီးမှူး၍ ကမ္ဘာ့ အံ့ဖွယ် (၇) သွယ်စာရင်းသစ်ကို ကမ္ဘာ့ လူသား သန်းပေါင်း ရာကျော်၏ Internet ဆန္ဒမဲများဖြင့် ရွေးချယ် သတ်မှတ်ခဲ့ကြရာတွင် မြန်မာပြည်မှ ပုဂံ နှင့် ရွှေတိဂုံ စေတီတော် တို့မှာ Nominate လုပ်မည့်လူပင် မရှိ၍ ဆန်ခါတင် စာရင်း မပြော နှင့် Nominee စာရင်းတွင်ပင် မပါခဲ့ရပါ။

ကျွန်တော်လည်း Yahoo News ထဲတွင် ကမ္ဘာ့ အံ့ဖွယ် နောက်ဆုံး ဆန်ခါတင် (၂၁) နေရာစာရင်း ကိုရွေးချယ် ပြီးကြောင်း သတင်းပါလာတော့မှသာ နောက်ကျစွာ သိခဲ့ရခြင်း ဖြစ်ပါသည်။ တကယ်တော့ မြန်မာတို့၏ အံ့ဖွယ် ဖြစ်သော ပုဂံမြေသည် World’s Man-made Travel Wonders များ စာရင်းတွင် နံပါတ် (၆) နေရာ၌ ရှိနေရာ၊ အခွင့်အရေးသာ ရခဲ့ပါက ကမ္ဘာ့ Aံ့ဖွယ် (၇) သွယ် စာရင်း၌ ထိုက်ထိုက် တန်တန် တစ်နေရာ ရခဲ့လိမ့်မည် ဟု ကျွန်တော် ယုံကြည်မိပါသည်။ မြန်မာတို့၏ ဦးစွန်း ရွှေတိဂုံ စေတီတော်ကြီးသည်လည်း Seven Forgotten Wonders စာရင်းတငွ် ပါဝင်နေကြောင်း Internet Search လုပ်ကြည့်လျှင် ဂုဏ်ယူဖွယ်ရာ တွေ့ရပါလိမ့်မည်။
ဒါတွေထားပါတော့၊ အသိ နောက်ကျသည့် ကျွန်တော်တို့ ဘာသာပင် အပြစ်တင်ရပါမည်။ ဒါ့အပြင် ယခုအခါတွင် ကျွန်တော်တို့ မြန်မာများ အတွက် နောက်ထပ် အခွင့်အရေး တစ်ခု ရလာပါပြီ။ ဒါကတော့ New 7 Wonders Aဖွဲ့ သည် နောက်ထပ် ကမ္ဘာ့ အံ့ဖွယ် (၇) သွယ်စာရင်းကို ထပ်မံ ရွေးချယ် သတ်မှတ်ဖို့ Internet မှ ဆန္ဒမဲများ တောင်းခံနေရာ မြန်မာပြည်မှ သဘာဝ ရတနာဖြစ်သော မြိတ်ကျွန်းစု - Mergui Archipelago” သည် Final Nominees (၂၆၁) နေရာ စာရင်းတွင် ပါဝင်လာခဲ့ခြင်း ဖြစ်ပါသည်။ ကမ္ဘာ့ လူသားများသည် ထို (၂၆၁) ခု စာရင်းဝင် နေရာများကို ၂၀၀၉ ခုနှစ်၊ ဇူလိုင်လ (၇)ရက်နေ့ အထိ မဲပေးခွင့် ရမည်ဖြစ်ပြီး မဲ အများဆုံးရသော ထိပ်ဆုံး (၇၇) နေရာ သည်သာ နောက်ဆုံး အံ့ဖွယ် (၇) သွယ်နေရာ အတွက် ထပ်မံ ရွေးချယ်ခံခွင့် ရရှိမည် ဖြစ်ပါသည်။

မြန်မာပြည်၌ စိတ်ဝင်စားဖွယ် သဘာဝနေရာ များစွာရှိသည့် အနက် မြိတ်ကျွန်းစု ကိုမှ သူတို့ ဘာကြောင့် ရွေးချယ်ထား သနည်း ဟု Internet များထဲတွင် လေ့လာကြည့်မိသည်။ အဲဒီတော့မှ လား…၊ လား…၊ အဲဒီတော့မှ
ကျွန်တော် မသိခဲ့ဖူးသော မြိတ်ကျွန်းစု၏ အလှနှင့် ထူးခြားချက်များကို အခြား လူမျိုးတို့ ရေးထားတော့မှ သွားသိရသည်။ မြိတ်ကျွန်းစုသည် လူသားတို့ မနှောင့်ယှက်သေးဘဲ သဘာဝအရင်း မူလအတိုင်း ကျန်နေသည့် ကမ္ဘာ့ နောက်ဆုံး ကျွန်းစု (World’s Last Archipelago) တဲ့၊ မြိတ်ကျွန်းစု၌ အခြားနေရာတွေမှာ မတွေ့နိုင်တဲ့ ရေသတ္တဝါ မျိုးစိတ်တွေကို စုံလင်အောင် တွေ့ နိုင်တယ်တဲ့၊ ယခင်က ယိုးဒယား နိုင်ငံမှ Similar ကျွန်းများကို ကမ္ဘာ့ ရေငုပ်ရန် အကောင်းဆုံး အဖြစ် သတ်မှတ်ထားရာမှ ယခုအခါ မြိတ်ကျွန်းစုသည် ကမ္ဘာ့ အကောင်းဆုံး Diving Site ဖြစ်သွားပြီတဲ့၊ မြိတ်ကျွန်းစု ငါးမန်း မျိုးစုံ တို့သည် ယဉ်ကျေးပျူငှာစွာဖြင့် လူကို မကိုက် တတ်သောကြောင့် ကမ္ဘာ့ ရေငုပ်သမား တို့၏ အမြင့်ဆုံး အိပ်မက်ဖြစ်သော ငါးမန်းများ နှင့် မျက်နှာ ချင်းဆိုင် တွေ့ ဆုံ ဓာတ်ပုံ ရိုက်ယူခြင်း (Shark Encounter) ကို မြိတ်ကျွန်းစုမှာ ပြုလုပ်နိုင်ပြီတဲ့၊ ယခုအခါ ကမ္ဘာလှည့် ခရီးသွားများသည် ထိုင်းနိုင်ငံမှ တဆင့် မြိတ်ကျွန်းစုသို့ ဝင်ရောက်နိုင်ရန် အတွက် မျက်စောင်း တခဲခဲ နှင့် စိုင်းပြင်းနေကြရာ Sea Gypsies ခေါ် ဆလုံ တိုင်းရင်းသား တို့၏ သဘာဝနေAိမ် ဖြစ်သော မြိတ်ကျွန်းစု၏ သဘာဝ ပတ်ဝန်းကျင်များကို မူရင်းအတိုင်း ထိန်းသိမ်းထားနိုင်ရန် အရေးကြီးပြီ စသည်ဖြင့် သိရပါသည်။ အံ့ဖွယ် မြိတ်ကျွန်းစု တွက်၊ အမိမြေ၏ သဘာဝ အလှအပများ အတွက် ကျွန်တော် ဂုဏ်ယူမိပါသည်။ အကယ်၍ မြိတ်ကျွန်းစုသာ ထိပ်ဆုံး ဆန်ခါတင် (၇၇) နေရာ စာရင်းတွင်သာ အရွေးချယ်ခံရပါက မည်မျှအားရဖွယ် ကောင်းလိမ့်မည်နည်း ဟုလည်း တွေးတော အိပ်မက် မက်မိပါသည်။

သိပ်တော့ မလွယ်လှပါ။ New 7 Wonders of Nature ရွေးချယ်ပွဲအား လေ့လာကြည့်မိရာ မိမိတို့ နိုင်ငံမှ နေရာများကို Aဓိက Vote ကြသည့် ကမ္ဘာ့ နိုင်ငံစုံ မျိုးချစ်စိတ်ဓာတ် ပြိုင်ပွဲသဖွယ် ဖြစ်နေသည်ကို တွေ့ ရပါသည်။ ကျွန်တော်တို့ မြန်မာတွေရော မျိုးချစ်စိတ် မည်မျှ ရှိကြမည် မသိပါ။ လူဦးရေ များပြားလှသည့် အိန္ဒိယ၊ ဘင်္ဂလားဒေ့ရှ် စသည့် နိုင်ငံများတွင်ပင် သူတို့၏ နိုင်ငံ ကိုယ်စားပြု သဘာဝ အံ့ဖွယ်များကို မဲပေးကြရန် အတွက် အမျိုးသားရေး လှုပ်ရှားမှု တစ်ရပ် အဖြစ် နိုင်ငံပိုင် Media များမှပင် လှုံ့ဆော်နေကြပါပြီ။ ကျွန်တော်တို့၏ နိုင်ငံပိုင် Media များကတော့ တခြားအရေးကြီးသည့် ကိစ္စများနှင့် အလုပ်ရှုပ်နေကြတုန်း ရှိပါဦးမည်။ မကြာသေးမီက တောင်အမေရိကမှ အလည်ပြန်လာခဲ့သော မြန်မာ မိတ်ဆွေ တစ်ဦးကလည်း ပြောပါသည်။ ဘရာဇီး နှင့် အာဂျင်တီးနားမှ လူများသည်လည်း သူတို့၏ နာမည်ကျော် Iguazu ရေတံခွန်ကြီးအား ကမ္ဘာ့ အံ့ဖွယ်အဖြစ် မဲပေးကြရန် ခရီးသွား ဧည့်သည်များကို တိုက်တွန်းသည့် Campaign များ ပြုလုပ် နေကြပြီတဲ့။ဒီလိုဆို ကျွန်တော်တို့ နိုင်ငံကရော။ ချစ်လှစွာသော အမိမြေ၏ လူဦးရေ (၉၀) ရာခိုင်နှုန်းကျော်မှာ Email နှင့် Internet သုံးရန် မဆိုထားဘိ၊ Computer ပင် ကောင်းကောင်း မကိုင်ဖူးကြရာ မြိတ်ကျွန်းစု အတွက် လိုအပ်သော မဲများရရန် အားလျော့မိပါသည်။ သို့သော် မြန်မာပြည် ပြင်ပ၌ ရောက်နေကြသော မြန်မာ လူမျိုးများ သန်းပေါင်းများစွာ ရှိပါသည်။ အမေရိကား၊ ကနေဒါ၊ သြစတြေးလျ၊ အင်္ဂလန်၊ စင်္ကာပူ၊ ထိုင်း၊ မလေးရှား၊ ဂျပန်၊ Aိန္ဒိယ၊ ဂျမေကာ၊ အာရပ် နှင့် အာဖရိက စသည့် နိုင်ငံများ အားလုံးတို့မှ မြန်မာများ တက်ညီလက်ညီဖြင့် ဝိုင်းဝန်း မဲပေးကြမည် ဆိုလျှင် ကျွန်တော်တို့၏ အမျိုးသား ရတနာ မြိတ်ကျွန်းစု အတွက် အခွင်အAရေး တစ်ခု ရှိနိုင်ပါသေးသည်။ မိမိတို့၏ အချိန် ၁ မိနစ်ဆို၊ ၁ မိနစ် ကလေးခန့်သာ ကြာပါသည်။ www.new7wonders.com သို့သွား၍ Asia ၊ Mergui Archipelago (Myanmar) ကို ရွေးလိုက် ရုံသာ ဖြစ်ပါသည်။

ယခုအခါလို မြန်မာလူမျိုးတို့၏ နိုင်ငံ နှင့် အခြေအနေ အဘက်ဘက်မှ နိမ့်ကျနေချိန်တွင် မိမိတို့၏ အမျိုးသား ဂုဏ်ကို မည်သည့်နည်းနှင့်ပဲ ဖြစ်ဖြစ် မြှင့်တင်ဖို့ ကျွန်တော်တို့ အားလုံး အားထုတ်သင့်ပါသည်။ မျက်မှောက်ကာလတွင် မြိတ်ကျွန်းစုအား ထိန်းသိမ်း စောင့်ရှောက်ရေးထက် သူဌေးကျွန်း စသည့် နေရာများတွင် ကြယ်ငါးပွင့် ကာဆီနို ရုံကြီးများ ဖွင့်၍ နိုင်ငံခြားငွေ ရရှိရေးကိုသာ အလေးပေးနေရာ သဘာဝ ပတ်ဝန်းကျင် ထိန်းသိမ်းရေး အတွက် ကမ္ဘာ၏ အာရုံစိုက် ပံ့ပိုးမှုကိုသာ စောစောစီးစီး မရခဲ့လျှင် မြိတ်ကျွန်းစု၏ အနာဂတ် Aတွက် ရင်လေးစရာသာ ဖြစ်တော့သည်။

ပြည်တွင်း၊ ပြည်ပ ဘယ်မှာပဲ ရောက်နေနေ မြန်မာတို့ စုစည်း အင်အားပြကြဖို့ အချိန်ကျပါပြီ။ Email Account (၁) ခု ရှိလျှင် (၁) မဲ ပေး၍ ရပါမည်။ ပြည်ပရောက် မြန်မာတိုင်း၌ မရှိဘူး ဆိုလျှင်တောင် Email (၂) ခု၊ (၃) ခု ရှိကြပါသည်။ မြန်မာပြည်၌ Internet မသုံးနိုင်သူပေါင်း သန်း (၅၀) ကျော် ရှိပါသည်။ သူတို့ အားလုံး၏ ကိုယ်စား မိမိတို့၌ ရှိသမျှ Email များဖြင့် Vote ပေးကြပါ။ လူလည်ကျသည် မဟုတ်ပါ။ တခြား လူမျိုးများလည်း ဒီAတိုင်း လုပ်မည် ဖြစ်ပါသည်။

မြိတ်ကျွန်းစုသည် ယခုအခါ (၂၆၁) နေရာ ရှိသည့် အနက် အဆင့် (၁၉၆)၊ ကျွန်းစု အမျိုးအစား အနေနှင့် ဆိုလျှင် အဆင့် (၂၈) ၌သာ ရှိနေပါသည်။ အားလုံး ဝိုင်း Vote ကြလျှင် အဆင့် (၇၇) အတွင်းသို့ အလွယ်တကူ ဝင်နိုင်ပါလိမ့်မည်။ အချိန် (၃) လခန့်သာ ရှိပါတော့သည်။ အချိန်မဆိုင်းဘဲ ချက်ချင်းသွား၍ Vote ကြစေလိုပါသည်။ ကိုယ်တိုင်လည်း Vote ပါ။ မိသားစု နှင့် သူငယ်ချင်းများကိုလည်း တိုက်တွန်းပါ။ ရှိသမျှ နိုင်ငံစုံမှ မိတ်ဆွေများ အားလည်း Email Forward လုပ်ပါ။

ကျွန်တော်တို့ မြန်မာပြည်၏ တိုင်းရင်းသား ပြည်သူများ အတွက်၊ အမိမြေ၏ သဘာဝ အံ့ဖွယ် အလှအပ အတွက်၊ ညှိုးနွမ်းနေခဲ့ရသော ကျွန်တော် တို့၏ အမျိုးသား ဂုဏ်သိက္ခာများ အတွက်၊ တောက်ပဆဲ မြန်မာတို့၏ အနာဂတ် အိပ်မက်များ အတွက် သဘာဝ အတိုင်း လှနေသည့် မြန်မာ့ မြိတ်ကျွန်းစု - Mergui Archipelago - ကို ပိုမို ထွန်းပအောင် Vote ပေးကြပါလို့သာ မေတ္တာရပ်ခံ တိုက်တွန်း ရေးသား လိုက်ရပါသည်။ ခုပဲ မြိတ်ကျွန်းစုလေးတွေကို Vote ပေးကြမလား ခင်ဗျာ။ ။

မောင်ရဲခေါင် (စီလီကွန် လွင်ပြင်)

အိန္ဒိယနိုင်ငံသား မုန်တိုင်းမိ ရေမျောဒုက္ခသည်(၆)ဦးအား မြိတ်မြို့တွင် ကယ်ဆယ်စောင့်ရှောက်ထား

2008-09-27T00:18:00.002+06:30

၂၀၀၈ခုနှစ်၊ စက်တင်ဘာလ ၂၂ ရက်နေ့ ညနေ ၅နာရီခွဲအချိန်တွင် အိန္ဒိယ နိုင်ငံသား ရေမျော ဒုက္ခသည်(၆)ဦးသည် မြိတ်ခရိုင် ကျွန်းစုမြို့နယ် ကံမော်ကျေးရွာ မှတဆင့် တပ်မတော် ရေယာဉ် ဖြင့် မြိတ်မြို့ ဆိပ်ငယ်ရပ် ဘောတံတားသို့ ရောက်ရှိလာရာ မြိတ်ခရိုင်နှင့် မြိတ်မြို့နယ် အေးချမ်း သာယာရေးနှင့် ဖွံ့ဖြိုးရေး ကောင်စီမှ တာဝန်ရှိသူများက လက်ခံ၍ မြိတ်မြို့ အန္ဒရာဟိန္ဒူ ဘုရား ကျောင်းတွင် ပြုစု စောင့်ရှောက် ထားသည်။

အိန္ဒိယ နိုင်ငံသား(၆)ဦးမှာ အန္ဒိယနိုင်ငံ နယူးဒေလီမြို့ အက်ဒမန်မြို့နယ်ခွဲ ပို့ဘလဲယား ကျေးရွာသားများ ဖြစ်ကြပြီး ၂၀၀၈ခုနှစ်၊ စက်တင်ဘာ ၄ ရက်နေ့တွင် ၄င်းတို့ရွာမှ အနောက်ဘက်သို့ စက်လှေခရီး (၁၄)နာရီကြာ သွားရသည့် အတွဲတမန်းကျွန်း ပင်လယ်ပြင်တွင် စက်လှေအစီး(၂၀) ခန့်ဖြင့် ငါးဖမ်းနေစဉ် စက်တင်ဘာ ၅ ရက်နေည ၁၁ နာရီခန့်၌ မုန်တိုင်းကျရောက်ကာ ပင်လယ်ပြင်သို့ မျှောပါသွားသည်။

ထိုသို့ ပင်လယ်ပြင်တွင် ၁၁ ရက်ခန့်ကြာ မျောပါနေပြီး စက်တင်ဘာ ၁၆ ရက်နေ့ နေ့လည် ၁၁ နာရီခန့်တွင် အဆိုပါ ရေမျော ဒုက္ဓသည်(၆)ဦးအား မြိတ်ခရိုင် ကျွန်းစုမြို့နယ် ကံမော် ကျေးရွာနေ ဦးစိုးဝင်း ငါးဖမ်းစက်လှေမှ ကျွန်းစုမြို့နယ် ပြင်စဘုကျွန်းအနီး ရေပြင်တွင် ငါးဖမ်းရန်အတွက် ပိုက်တန်းချနေစဉ် တွေ့ရှိ ကယ်ဆယ်ခဲ့ကာ ကံမော်ကျေးရွာ အေးချမ်း သာယာရေးနှင့် ဖွံ့ဖြိုးရေး ကောင်စီသို့ ခေါ်ဆောင် အပ်နှံပေးခဲ့သည်။

၎င်းအန္ဒိယ နိုင်ငံသား(၆)ဦး၏ ငါးဖမ်းစက်လှေမှာ ဖိုင်ဘာလှေ အမျိုးအစား( အ၀ါရောင် ဆေးသုတ်ထား) ဖြစ်ကာ အလျား(၂၄)ပေ၊ အနံ (၄.၅)ပေ၊ ဇောက် (၄.၅)ပေဖြစ်ပြီး စက်လှေတွင် (World Vision) စာတန်းပါရှိကာ အိန္ဒိယ အင်ဂျင်စက် အမျိုးအစား ၀မ်းထိုင်(၁)လုံး တပ်ဆင်ထားပြီး စက်မှာ ကောင်းမွန်လျက် ရှိသည် သိရသည်။

အိန္ဒိယ နိုင်ငံသား(၆)ဦးမှာ (၁) ဘီနပ်သာချီ (၄၅)နှစ် (ဘ)ဘီယာထရာ၊ (၂) အာဒနာ (၃၉)နှစ် (ဘ) အာဂျန်ဂျာမဒါ၊ (၃) အာဗလာရာဂျိုး (၁၈)နှစ် (ဘ) ဘာရောဒရာ၊ (၄) ဘီရာဂျာရအို (၃၅)နှစ် (ဘ) ဘီမုနီ ၊(၅) ဘီကမာဂျူး (၁၇)နှစ် (ဘ) ဘာရာဂျာရအို၊ (၆)ပီပတ်လေးရိ (၄၆)နှစ် (ဘ)ပီပိုင်ရေးကြီး ဖြစ်သည်။

ကျွန်းစုမြို့နယ် သဲချောင်းကျေးရွာ မီးလောင်မှုဖြစ်ပွား၊ အိမ်ခြေ ၁၅၀ ခန့် ဆုံးရှုံး

2008-08-11T10:32:00.005+06:30

ကျွန်းစုမြို့နယ် သဲချောင်းကျေးရွာ မီးလောင်မှုဖြစ်ပွား၊ အိမ်ခြေ ၁၅၀ ခန့် ဆုံးရှုံး

မြိတ်ခရိုင် ကျွန်းစုမြို့နယ် ရေကန်တောင်ကျေးရွာအုပ်စု သဲချောင်းကျေးရွာတွင် ၂၀၀၈ခုနှစ်၊ သြဂုတ်လ ၉ ရက် ည၁၂ နာရီခန့်တွင် ဦးသိန်းကျော်စိုး နေအိမ်မှ တဆင့် မီးလောင်မှု ဖြစ်ပွားရာ သဲချောင်းကျေးရွာ ရွာလမ် လမ်းမကြီး နံဘေးရှိ နေအိမ် ၁၅၀ ခန့် မီးလောင် ကျွမ်းခဲ့ပြီး နံနက် (၀၇၀၀)နာရီတွင် မီးငြိမ်းသွား ခဲ့သည်။

မီးလောင် ကျွမ်းမှုကြောင့် အိမ်ထောင်စု (၁၆၅)စု ၊ လူဦးရေ (၁၀၅၀)ဦး အိုးမဲ့အိမ်မဲ့ ဖြစ်ခဲ့ရပြီး မီးဘေး ဒုက္ခသည် များအား သဲချောင်းကျေးရွာ အောင်မြေဘုန်းတော်ကြီး ကျောင်းတွင် ကယ်ဆယ်ရေး စခန်းများ ဖွင့်လှစ်ထား ရှိသည်။

အဆိုပါ မီးဘေးဒုက္ခသည်များ အတွက် ကမ်းရိုးတန်းဒေသ တိုင်းစစ်ဌာနချုပ်၊ တနင်္သာရီရေတပ်စခန်းဌာနချုပ်၊ တိုင်း/ ခရိုင်/ မြို့နယ် အေးချမ်းသာယာရေးနှင့် ဖွံ့ဖြိုးရေးကောင်စီနှင့် လူမှုရေးအသင်းအဖွဲ့များ၊ အနီး ပတ်ဝန်ကျင် ကျေးရွာများဖြစ်သည့် ရေကန်တောင်၊ ကံမော်၊ မြေနီတောင်၊ ၀ဲကျွန်း၊ စခန်းသစ်၊ ကြပ်ချောင်း ကျေးရွာများမှ ကယ်ဆယ်ရေး ပစ္စည်းများ လှူဒါန်းပေးပို့လျက် ရှိကြောင်းနှင့် ကျွန်းစုမြို့နယ် ဆေးရုံမှ ဆရာဝန်များနှင့် ကံမော်တိုက်နယ်နှင့် စခန်းသစ်တိုက်နယ် ဆေးရုံမှ ဆရာဝန်များ၊ ကျန်းမာရေး ၀န်ထမ်း များမှ ကျန်းမာရေး စောင့်ရှောက်မှု ပေးလျက် ရှိကြောင်း သိရှိရသည်။

မီးဘေး ဒုက္ခသည်များ အတွက် ကယ်ဆယ်ရေး ပစ္စည်းများ လှူဒါန်းလိုပါက တနင်္သာရီတိုင်း အေးချမ်း သာယာရေးနှင့် ဖွံ့ဖြိုးရေး ကောင်စီ ဖုန်း(၀၉၅-၄၁၄၈၈)၊ မြိတ်ခရိုင် အေးချမ်း သာယာရေးနှင့် ဖွံ့ဖြိုးရေး ကောင်စီ ဖုန်း (၀၉၅-၄၁၀၁၃)၊ ကျွန်းစုမြို့နယ် အေးချမ်း သာယာရေးနှင့် ဖွံ့ဖြိုးရေး ကောင်စီ ဖုန်း (၀၉၅ ၄၂၁၅၀- လိုင်းခွဲ ၂၀၀၄၊ ၂၀၀၆) သို့ ဆက်သွယ် လှူဒါန်းနိုင်ကြောင်း သတင်း ရရှိသည်။

အလက(၁)မြိတ် ရွှေရတုသဘင်နှင့် မြတ်ဆရာပူဇော်ပွဲ

2008-06-22T21:17:00.005+06:30

နှစ် (၅၀)ပြည့် (၁၉၅၈-၂၀၀၈)

ရွှေရတုသဘင်နှင့် မြတ်ဆရာပူဇော်ပွဲ

မြိတ်မြို့ အမှတ်(၁) အခြေခံပညာ အလယ်တန်းကျောင်း၏ နှစ်(၅၀)ပြည့် (၁၉၅၈- ၂၀၀၈) “ ရွှေရတုသဘင်နှင့် မြတ်ဆရာ ပူဇော်ပွဲ“ အခမ်းအနား ကို ၂၀၀၈ခုနှစ်၊ အောက်တိုဘာလ (၁၈)ရက်နှင့် (၁၉)ရက်နေ့များတွင် ကျင်းပပြုလုပ်သွားမည် ဖြစ်ပါသည်။

အဆိုပါအခမ်းအနား အောင်မြင်စွာ ကျင်းပနိုင်ရေးအတွက် ကျောင်းသားဟောင်း များထံမှ လူအား၊ ငွေအား၊ အကြံဥာဏ်အားများ လိုအပ်လျက် ရှိပါသောကြောင့် အလက(၁) ကျောင်းသား/ကျောင်းသူဟောင်းများ အနေဖြင့် အောက်ပါလိပ်စာအတိုင်း ဆက်သွယ် လှူဒါန်း ကူညီ နိုင်ပါကြောင်း နိုးဆော်အပ်ပါသည် ။

မြိတ်မြို့တွင် ဆက်သွယ်ရန်လိပ်စာများ

(၁) ဒေါ်စန်းကြူ အလက(၁)မြိတ်

(၂) ဒေါ်စန်းစန်းယဉ် အမှတ်(၅၇) ၊ ဖိုးသာအောင်လမ်း မြစ်ငယ်ရပ် (ဖုန်း - ၄၁၇၃၅)

(၃) ဒေါ်မီမီလွင် အမှတ် (၁၁၀) အမိုးရေတွင်းလမ်း၊ ဈေးတန်းရပ် (ဖုန်း - ၄၁၁၈၈)

(၄) ဦးအင်စွီး အမှတ် (၄၄၇)၊ ယုဝတီလမ်း ၊ မြစ်မရပ်၊ ဖုန်း - ၄၂၅၄၄

(၅) ဦးကိုကိုချို တယကရုံး ၊ (ဖုန်း - ၄၁၄၈၈)

(၆) ဦးလွင်အောင် စစ်ကိုင်းလမ်း၊ မြိတ်တက္ကသိုလ်အနီး(အောင်သရဖူဘော်ဒါဆောင်)

(ဖုန်း - ၄၂၀၄၈)

(၇) ဒေါ်အုန်းထွေး ရွှေနဂါးလျှပ်စစ်ပစ္စည်းဆိုင် ၊ မင်္ဂလာလမ်း ၊ အလယ်ကျွန်းရပ် ၊ (ဖုန်း - ၄၁၅၃၆)

ရန်ကုန်မြို့တွင် ဆက်သွယ်ရန် လိပ်စာများ

(၁) ဦးမျိုးကြည် ရုံးအဖွဲ့မှူး ၊ ရန်ကုန်မြို့ မြိတ်အသင်း (ဖုန်း - ၀၁ - ၂၂၄၃၄၀)

(၂) ဦးရဲကျော်အောင် စမ်းချောင်းမြို့နယ် ၊ ရန်ကုန်မြို့(ဖုန်း - ၀၁-၅၁၈၄၃၀/ ၀၉၉၉၂၇၆၅၄)

(၃) ဦးဝင်းနိုင် အမှတ်(၉)၊ (၅၃)လမ်း၊ ပုစွန်တောင်မြို့နယ် ရန်ကုန်မြို့

ု (ဖုန်း - ၀၁- ၂၉၃၅၉၃)

ကော့သောင်းမြို့တွင် ဆက်သွယ်ရန် လိပ်စာများ

(၁) မလွင်စီ ဖုန်း - ၀၅၉ -၅၁၈၈၉

စီဒီအမ်အေ မိုဘိုင်လ်းဖုန်း ခြောက်သောင်းကျော် ချပေးတော့မည်

2008-03-17T18:12:00.000+06:30

ကမ်းရိုးတန်းဒေသ ပြည်နယ်နှင့် တိုင်းများသို့
စီဒီအမ်အေ မိုဘိုင်လ်းဖုန်း ခြောက်သောင်းကျော် ချပေးတော့မည်

မြန်မာ့ပင်လယ်ပြင် ကမ်းရိုးတန်းတစ်လျှောက်တွင် တည်ရှိသော ပြည်နယ်နှင့် တိုင်းများတွင် စီဒီအမ်အေမိုဘိုင်းလ်းဖုန်းများ ပထမဆုံး အသုံးပြုခွင့်ရနိုင်ရန်အတွက် ဖုန်းအလုံးရေ ခြောက်သောင်းကျော် မကြာမီ စတင်ချပေးတော့မယ်ဟု သိရသည်။

အဆိုပါ ကမ်းရိုးတန်း ဒေသတစ်လျှောက်တွင် စီဒီအမ်အေဖုန်းများ ဆက်သွယ် ပြောဆိုနိုင်ရေး အတွက် ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနမှ တာဝန်ရှိသူများက လိုအပ်သော တာဝန်တိုင်များကို ၂၀၀၇ခုနှစ်၊ နှစ်လယ်ပိုင်းမှ စတင်ကာ ကြိုးစား တည်ဆောက်ပေးခဲ့ရပြီး ယင်းတာဝန်တိုင်များကိုလည်း ရခိုင်ပြည်နယ်၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းတို့မှ မြို့နယ်များတွင် တည်ဆောက်ပေးခဲ့ရကြောင်း၊ ယခုအခါ အဆိုပါ တည်ဆောက်မှုများမှာ အောင်မြင်စွာ ပြီးစီးခဲ့ပြီ ဖြစ်သည့်အတွက် ယင်းဒေသမှ ဒေသခံ ပြည်သူများ အနေဖြင့် မကြာမီ စီဒီအမ်အေ မိုဘိုင်းလ်ဖုန်းများ သုံးစွဲခွင့်ရတော့မယ်ဟု သိရသည်။

စီဒီအမ်အေ ၄၅၀ မီဂါဟက်စနစ်ဖြင့် အဆင်မြှင့် တည်ဆောက်ထားသဖြင့် တစ်နေရာမှ တစ်နေရာ အကွာအဝေးသို့ ဖုန်းခေါ်ဆိုရာတွင်လည်း အသံလှိုင်းပိုမိုပြီး အဝေးသို့ ရောက်ရှိနိုင်သည့် အတွက် လိုအပ်သော တာဝါတိုင်များကို ဂျီအက်စ်အမ် တာဝါတိုင် ကဲ့သို့ အရေအတွက် အများအပြား မတည်ဆောက်ခဲ့ရကြောင်း သိရသည်။ ၀၉၈၀၅ ကုတ်နံပတ်ဖြင့် မကြာမီ မြန်မာနိုင်ငံ ကမ်းရိုးတန်းတွင် ပထမဆုံး စတင်ချပေးမယ့် ယင်းစီဒီအမ်အေမိုဘိုင်းလ် ဖုန်းကို လျှောက်လိုသည့် အဆိုပါ ဒေသတွင်းမှ ပြည်သူများကိုလည်း သက်ဆိုင်ရာ ပြည်နယ်၊ တိုင်းများ၏ အစီအစဉ်ဖြင့် ချပေးသွားမည် ဟု သိရသည်။

`` ဒီ စီဒီအမ်အေက ဂျီအက်စ်အမ်လို ကတ်ထည့်သုံးလို့ ရပါတယ်။ ဖုန်းကျလာတဲ့ ပြည်သူတွေ အနေနဲ့ ကျပ် (၁၅)သိန်း (၅)သောင်း သွင်းရမှာ ဖြစ်ပါတယ်။ ရန်ကုန်မှာလည်း ဒီလို ကတ်စနစ်နဲ့ အသုံးပြုလို့ရတဲ့ စီဒီအမ်အေ စနစ်တစ်ခုကို အသုံးပြုလျက် ရှိပါတယ်။ ဒီဖုန်းနဲ့ စီဒီအမ်အေ တာဝါတိုင်တွေရှိတဲ့ ပြည်နယ်နှင့် တိုင်းတွေကို ခေါ်ဆိုလို့ ရပါတယ်။ စီဒီအမ်အေ ၄၅၀ မီဂါဟတ်စနစ်နဲ့ အဆင့်မြင့် တည်ဆောက်ထားတဲ့ အတွက် ဖုန်းခေါ်ဆိုရာမှာ အသံလှိုင်းဟာ ဂျီအက်စ်အမ်ထက် အများကြီး အဝေးသို့ ပြောလို့ ရသလို အသံလှိုင်းလဲ ပိုပြီး ကြည်လင်ပါတယ်။ စီဒီအမ်အေ မိုဘိုင်းလ်ဖုန်းကို လျှောက်ရာမှာလည်း သက်ဆိုင်ရာ ပြည်နယ်/တိုင်းတွေမှာ လျှောက်ရမှာ ဖြစ်ပြီး မကြာခင်မှာလည်း အဲဒီပြည်နယ်နှင့် တိုင်းက မြို့တွေကို စတင် ချပေးတော့မှာ ဖြစ်ပါတယ်`` ဟု တာဝန်ရှိသူ တစ်ဦးက ပြောသည်။

ရည်ညွှန်း - ပန်းသတင်းဂျာနယ် ( Vol.4,No.12, March 18-24, 2008)

ပုလောမြို့တွင် ပေါ့ဆမီးလောင်ကျွမ်း

2008-02-25T16:29:00.003+06:30

မြိတ်ခရိုင် ပုလောမြို့နယ်တွင် ပေါ့ဆမီးလောင်ကျွမ်း

၂၀၀၇ခုနှစ်၊ ဖေဖော်ဝါရီလ (၂၄) ရက်နေ့ နေ့လည် (၁)နာရီအချိန်တွင် တနင်္သာရီတိုင်း မြိတ်ခရိုင် ပုလောမြို့နယ် အမှတ်(၁)ရပ်ကွက် ရှုမ၀လမ်းနေ ဦးဝင်းကြွယ် - ဒေါ်ကြွေ တို့ နေအိမ်တွင် မီးဖိုချောင်တွင် ထမင်းဟင်းချက်ပြုတ်ရာမှ မီးကြွင်းမီးကျန်များကြောင့် မီးလောင်ကျွမ်းရာ ၀ိုင်းဝန်း ငြိမ်းသတ်မှုကြောင့် နေ့လည် (၂း၃၀)နာရီအချိန်တွင် မီးငြိမ်းသွားသည်။

မီးလောင်မှုကြောင့် ဓနိမိုးအိမ် (၈၇)လုံး၊ ပျဉ်ထောင်အိမ် (၆၈)လုံး၊ တိုက်အိမ် (၄၁)လုံး၊ စုစုပေါင်း (၁၈၆)လုံး နှင့် ၀ပ်ရှော့ တစ်ခု၊ ဘုရားကျောင်းဆောင်မဏ္ဍပ် ၂ ခု ဆုံးရှုံးသွားပြီး အိမ်ထောင်စု (၁၉၆)စုရှိ လူဦးရေ ကျား (၆၅၉)ဦး၊ မ (၇၄၁)ဦး စုစုပေါင်း (၁၄၀၀)ဦး အိုးမဲ့အိမ်မဲ့ ဖြစ်ခဲ့သည်။

မီးဘေးသင့်ခံရသူများအား ပုလောမြို့ရှိ အနောက်ဘုန်းတော်ကြီးကျောင်းနှင့် အရှေ့ဘုန်းတော်ကြီး ကျောင်းတို့တွင် ကယ်ဆယ်ရေးစခန်းများ ဖွင့်လှစ်ထားပြီး အလှူရှင်များစုပေါင်း၍ (၂၅)ရက်နေ့တွင် အိမ်ထောင်စုတစ်စုလျှင် ငွေကျပ် (၁)သိန်း၊ ဆန်(၁)အိတ်၊ ဆီ(၂)ပိဿာနှင့် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ အိမ်ထောင်စု တစ်စုလျှင် ကယ်ဆယ်ရေး ပစ္စည်း (၆)မျိုးအား ပေးပို့ လှူဒါန်းပြီး ဖြစ်ကြောင်း သိရသည်။

ယနေ့အထိ စေတနာရှင်များမှ လှူဒါန်းပံ့ပိုးပေးသော အလှူငွေနှင့် ပစ္စည်းများမှာ ကမ်းရိုးတန်းဒေသ တိုင်းစစ်ဌာနချုပ်မှ ငွေကျပ် ၁၅၈ သိန်းနှင့် ဆန် (၁၉၆)အိတ်၊ စားသုံးဆီး (၄၀)ပုံး ၊ တနင်္သာရီတိုင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းမှ ငွေကျပ် (၁၀)သိန်း ၊ ပုလောမြို့ရှိ မြို့မိမြို့ဖများမှ ငွေကျပ် (၁၀)သိန်း၊ စီးပွားရေး လုပ်ငန်းရှင်များမှ ငွေကျပ် (၁၀)သိန်း၊ ပညာရေးဝန်ထမ်းများမှ ငွေကျပ် (၁၀)သိန်း၊ ဌာနဆိုင်ရာများမှ ငွေကျပ် (၃)သိန်း လှူဒါန်းခဲ့ကြောင်း သိရှိရသည်။

ပင်လယ်ဂျပ်မြွေ

2008-01-27T14:35:00.000+06:30

ပင်လယ်ဂျပ်မြွေ

ပုံသဏ္ဍာန်

ဒေသအခေါ် “ ဂျပ် “ ဟု အမည်တွင်သည့် သတ္တ၀ါမှာ စိမ်းပုပ်ရောင် ကိုယ်လုံးတွင် အမည်းစင်းများ ပါရှိသော ပင်လယ်မြွေ တစ်မျိုးဖြစ်သည်။ ထိုဂျပ်မြွေတွင် “ ဂျပ်လုံး “ နှင့် “ ဂျပ်ပြား ” ဟူ၍ နှစ်မျိုး နှစ်စား ရှိပြီး နှစ်မျိုးစလုံး၌ပင် လူကို အသက်အန္တရာယ် ဖြစ်စေတတ်သည့် အဆိပ်ရှိပေသည်။ “ ဂျပ်လုံး” မှာ အကောင်သေး၍ အကြီးဆုံး အရွယ်အစား လုံးပတ် လက်မခန့်၊ အရှည် တစ်တောင်ခန့် ရှိသည်။ “ ဂျပ်ပြား ” မှာ ဦးခေါင်းပိုင်း လက်ညှိုး လက်မ တစ်ကွင်းစာခန့် ရှိ၍ ၀မ်းဗိုက်မှာ လက်ဖ၀ါးခန့် ရှိပြီး သုံးတောင်ခန့် အရှည်ရှိသည်။ ဦးခေါင်းနှင့် ရင်ဘတ်ပိုင်းမှာ အလုံးသဏ္ဍာန် ရှိသော်လည်း ၀မ်းဗိုက်မှ အပြီးပိုင်းအထိ အပြားသဏ္ဍာန် ရှိသည်။

သဘာဝ

၎င်း ဂျပ်မြွေ များသည် ပင်လယ်မြွေများ ဖြစ်သော်လည်း ရေအောက်တွင် တစ်နာရီခန့်သာ နေနိုင်ပြီး ရေပေါ်တက်၍ အသက်ရှုကြသည်။ ဂျပ်လုံး များသည် ရေပေါ်တက်၍ အသက်ရှုရာတွင် ခန္ဓာကိုယ်အား တုတ်တစ်ချောင်း ထောင်ထားသကဲ့သို့ တည့်မတ်စွာ ထောင်လျက် ငြိမ်သက် နေတတ်ပြီး လှေ သို့မဟုတ် အရာဝတ္တု တစ်ခုခု အနီးအနား ရောက်ရှိလာပါက ရေအောက်သို့ ပြန်လည် ငုပ်လျှိုး သွားတတ်သည်။ “ ဂျပ်ပြား“ မှာမူ သူတို့၏ ကြီးမားသော ၀မ်းပိုက်များကြောင့် ဦးခေါင်းပေါ်ယုံသာ ဖော်၍ အသက်ရှု တတ်ကြသည်။ ““ ဂျပ် ”” တစ်ကောင်၏ ရေပေါ် ဖော်၍ အသက်ရှု ချိန်မှာ တစ်မိနစ်မှ သုံးမိနစ်ခန့် အထိသာ ကြာပေသည်။

အကိုက်ခံရလျှင်

““ ဂျပ်မြွေ ” အကိုက်ခံရလျှင် အကိုက်ခံရမှန်း သိသိချင်း ရှေးဦးသူနာ ပြုစုနည်းဖြင့် ပြုစုပြီး ကော်ဖီ၊ လဘက်ရည်၊ အရက် တစ်ခုခု အနည်းငယ် တိုက်ထားရုံဖြင့် သက်သာစေပါသည်။ ဂျပ်မြွေ အကိုက်ခံ ရခြင်းကြောင့် နာကျင်ခြင်း၊ ပူလောင်ခြင်းနှင့် အခြား အဆိပ်တက်သည့် လက္ခဏာများ မပြပါက ထိုသည်ပင်လျှင် ဂျပ်မြွေ၏ ကြီးမားသော အန္တရာယ် ဖြစ်ပေသည်။ ပြင်းထန်သည့် အဆိပ်တက်ပုံ မရှိသောကြောင့် ဂျပ်မြွေအကိုက်ခံရသည်ကို မသိဘဲ ပုစွန်၊ ငါး၊ ဆူးစူး သလိုလို နှင့် ပေါ့ပေါ့တန်တန် သဘောထားမိ၍ အသက်ဆုံးရှုံးရသော ရေလုပ်သားပေါင်း မနည်းလှတော့ပါ။

အဆိပ်တက်ပုံ

ဂျပ်မြွေ အဆိပ်တက်ပုံ လက္ခဏာမှာ သွေးများ ထိုင်းလာခြင်း၊ ငိုက်မြည်း သမ်းဝေလာခြင်းနှင့် အိပ်ပျော် သွားတတ်ခြင်းပင် ဖြစ်သည်။ ထိုသို့ အိပ်ပျော်သွားလျှင် အသက်ရှင်လျက် ပြန်လည် နိုးထလာတော့မည် မဟုတ်ချေ။

ဖြေဆေး

မြွေဆိပ်ဖြေဆေးများတွင် ဂျပ်မြွေ အဆိပ်ဖြေဆေး ဟူ၍ မရှိသေးဖြင့် ဂျပ်မြွေကိုက်လျှင် အချိန်မီ ပြုစု ကုသရန် လိုအပ်ပေသည်။ ကုသစရာ ရိုးရာ ဆေးနည်း တစ်မျိုးမှာ ရေခရာပင် အမြစ်အား လူနာကို ကျွေး၍ ထိုအမြစ်ကိုပင် ထောင်းခြေပြီး ဒဏ်ရာတွင် အုံပေးပါက မြွေဆိပ်ဒဏ်မှ သက်သာ ပျောက်ကင်း စေပါသည်။

သတိထားရမည့် ဂျပ်မြွေ အန္တရာယ်

ပင်လယ်ဂျပ်မြွေသည် ကမ်းနီးရေလုပ်သား များဟု ခေါ်ဆိုနိုင်သော ဖောင်၊ ကျားပါးစပ်၊ စန္ဒား၊ ဂွေး (မျှင်ကောင်) ထိုးလှေ၊ ပုစွန်ထိုးလှေ စသည့် လုပ်ငန်းများမှ ရေလုပ်သားများ အတွက် အန္တရာယ် အကြီးမားဆုံး သတ္တ၀ါ တစ်မျိုး ဖြစ်ပေသည်။

(စာရေးသူ - မောင်မင်းဆွေ)

ကင်းမွန်မှ ဒေါ်လာ

2008-01-26T22:58:00.000+06:30

ကမ်းရိုးတန်းဒေသထွက် ကင်းမွန်မှဒေါ်လာမွေးဖွားပေးခြင်း

တနင်္သာရီတိုင်းသည် ဒေသခံ ပြည်သူများမှ ပင်လယ်ပြင်မှ ရေသယံဇာတ ဖြစ်သော ငါး၊ ပုစွန်နှင့် အခြား ရေသတ္တ၀ါများကို အမှီပြု၍ စီးပွားရေး လုပ်ကိုင် ဆောင်ရွက်လျက် ရှိပါသည်။ ထို့ပြင် နိုင်ငံတော်၏ ပြည်ပ ၀င်ငွေရရှိရေး အတွက် တစ်ဖက် တစ်လမ်းမှ အထောက်အကူပြု နေသော ဒေသတစ်ခု ဖြစ်သည်။ အထူးသဖြင့် ယခုကဲ့သို့ နွေဦးပေါက် ရာသီအတွင်း ကင်းမွန်များ ပေါပေါများများ ဖမ်းဆီးရရှိသော ကာလတွင် ရေတံငါသည်များ အနေဖြင့် ကင်းမွန်များကို အဓိက ဖမ်းယူလေ့ရှိသည်။ ဖမ်းဆီးရရှိသော ကင်းမွန်များကို သဘာဝ နေရောင်ဖြင့် အခြောက် ပြုလုပ်၍ လည်းကောင်း၊ ရေခဲရိုက်နည်းဖြင့် လည်းကောင်း၊ ဈေးကွက်အလိုက် ပြည်တွင်း ပြည်ပသို့ တင်ပို့ရောင်းချလျက် ရှိပါသည်။ ဈေးနှုန်းများ အနေဖြင့် မြိတ်ဒေသထွက် ကင်းမွန် ၁လက်မမှ ၆လက်မ အရွယ်ထိ တစ်ပိဿာလျှင် ၁၅၀၀ကျပ်မှ ၃၀၀၀ကျပ် အထိ ရောင်းချလျက် ရှိပါသည်။ ပြည်ပ ဈေးကွက်သို့ တင်ပို့ ရောင်းချရာတွင် ကင်းမွန် အရွယ်အစားနှင့် အရည်အသွေး ပေါ်မူတည်၍ တစ်တန်လျှင် အမေရိကန် ဒေါ်လာ ၉၅၀မှ ၁၀၀၀အထိ ရရှိကြောင်း သိရှိရပါသည်ဟု ၂၃.၁.၀၈ ရက်နေ့ထုတ် Commerce Journal တွင် ဖော်ပြထား ပါသည်။

ရည်ညွှန်း - ခေတ်လူငယ်

ပုလဲမွေးမြူရေးနှင့် ထုတ်လုပ်ရေး

2008-01-26T22:39:00.000+06:30

တနင်္သာရီတိုင်းအတွင်းရှိ မြန်မာ့ပုလဲ မွေးမြူရေးနှင့် ထုတ်လုပ်ရေး လုပ်ငန်းများ

တနင်္သာရီတိုင်းတွင် နိုင်ငံတကာဈေးကွက်သို့ မြန်မာ့ပုလဲများ ထိုးဖောက်နိုင်ရေး အတွက် အရည်အသွေး ပိုိုမိုကောင်းမွန်သော ပုလဲများ ထုတ်လုပ်လျက် ရှိပြီး လျာထားချက်ထက် ပိုမို မွေးမြူနိုင်ရေး ဆောင်ရွက်လျက် ရှိသည်။ မြန်မာ့ပုလဲကို တနင်္သာရီတိုင်း မြိတ်မြို့တွင် မွေးမြူ ထုတ်လုပ်လျှက် ရှိရာ မလိကျွန်း ပုလဲမွေးမြူရေးနှင့် ထုတ်လုပ်ရေး စခန်းတွင် လည်းကောင်း၊ ဒုံးပုလဲအော်ရှိ မြန်မာ အတ္တလန်တစ် ကုမ္ပဏီတွင် သော်လည်းကောင်း၊ ဒိုမယ်ကျွန်းရှိ မြန်မာ တာဆာကီ ကုမ္ပဏီတွင် သော်လည်းကောင်း၊ ဇင်ယော်ကျွန်းရှိ အရှေ့တိုင်း ပုလဲကုမ္ပဏီတွင် လည်းကောင်း မြန်မာ့ပုလဲများ ထုတ်လုပ်လျက် ရှိသည်။ ထိုသို့ မြန်မာ့ပုလဲများ ထုတ်လုပ်ရေး လုပ်ငန်းများ လုပ်ဆောင်လျှက် ရှိရာတွင် အရည်အသွေး ပိုမိုကောင်းမွန်သော မြန်မာ့ပုလဲများ ပိုမိုထုတ်လုပ်နိုင်ရေး အတွက် တနင်္သာရီတိုင်း အေးချမ်း သာယာရေးနှင့် ဖွံ့ဖြိုးရေး ကောင်စီ ဥက္ကဌ ကမ်းရိုးတန်းဒေသ တိုင်းစစ်ဌာနချုပ် တိုင်းမှူး ဗိုလ်ချုပ်ခင်ဇော်ဦးနှင့် သတ္တုတွင်း ၀န်ကြီးဋ္ဌာန ၀န်ကြီး ဗိုလ်မှူးချုပ် အုန်းမြင့်တို့က လိုအပ်သည်များကို ညှိနှိုင်းဆောင်ရွက် ပေးလျှက်ရှိကြသည်ဟု ၂၃.၁.၀၈ရက်နေ့ ထုတ် ကြေးမုံ သတင်းစာတွင် ဖော်ပြထားပါသည်။

ရည်ညွှန်း - ခေတ်လူငယ်

မြန်နှုန်းမြင့် ADSL လိုင်းများ တပ်ဆင်နိုင်ပြီ

2008-01-24T21:37:00.000+06:30

ထားဝယ်နှင့် မြိတ်မြို့တွင် မြန်နှုန်းမြင့် ADSL လိုင်းများ တပ်ဆင်နိုင်ပြီ

မြန်မာနိုင်ငံ အောက်ပိုင်း အကျဆုံးဒေသများ ဖြစ်သည့် ထားဝယ်နှင့် မြိတ်မြို့တို့တွင် ယခုလ အကုန်မှ စတင်၍ အင်တာနက် မြန်နှုန်းမြင့် ( MPT ) ADSL များ အသုံးပြုနိုင်တော့မည် ဖြစ်သည်။ မြန်မာ့ ဆက်သွယ်ရေး ( MPT ) မှ ချပေးသော အဆိုပါ ( MPT ) ADSL အား ယခုအခါ မြန်မာနိုင်ငံ မြို့ကြီး ၂၇ မြို့တွင် အသုံးပြုနေနိုင်ပြီ ဖြစ်သည်။

မြန်နှုန်းမြင့် ADSL များသုံးစွဲရန်အတွက် ADSL ငှားရမ်းခ အသုံးပြုရန် ဈေးနှုန်းမှာ ကျပ် ၂၃ သိန်း ၀န်းကျင်ရှိပြီး ယခု လက်ရှိ ရန်ကုန်တွင် ADSL အလုံးရေ ၈၀ ကျော်နှင့် မန္တလေးမြို့တို့တွင် ၂၁ လုံး အငှားချထားပြီး ဖြစ်သည်။ အင်တာနက် မြန်နှုန်းမြင့် ADSL အသုံးပြုမည့် သူများအနေဖြင့် မြန်မာ့ဆက်သွယ်ရေး(MPT) နှင့် Globel Net . Co.Ltd သို့ တိုက်ရိုက်ဆက်သွယ်ရမည် ဖြစ်သည်။

Ref: 7 Day News - Vol:6, No.44 (24.1.2008)

ဆလုံတိုင်းရင်းသားများ

2008-01-24T00:08:00.000+06:30

ကျွန်တော် တွေ့ကြုံခဲ့ရသော ဆလုံတိုင်းရင်းသားများ

ကိုလင်းဦး (အာဆင်နယ်) ရေးသားပါသည်။

ကျွန်တော် မြိတ်မြို့သို့ ရောက်ရှိစဉ် အဘဦးသိန်းတင်နှင့် တွေ့ဆုံခဲ့ရပါသည်။ အဘဦးသိန်းတင်သည် (၁၉၆၄)ခုနှစ်၊ ရန်ကုန်မြို့တွင် ကျင်းပသော ပြည်ထောင်စုနေ့အခမ်းအနားသို့ ဆလုံတိုင်းရင်းသား ကိုယ်စားလှယ်အဖြစ် တက်ရောက်ခွင့်ရရှိခဲ့သူ ဖြစ်ပါသည်။ (၁၉၆၄) ခုနှစ်က မြိတ်နှင့် ကော့သောင်းဝန်းကျင် ကျွန်းစုများတွင် နေထိုင်လျက်ရှိသော ဆလုံလူဦးရေမှာ(၂၄၀၀)ဦးခန့် ရှိပါသည်။

“ပျူ၊ မွန်၊ မြန်မာ၊ သက်”ဟူသော မြန်မာတိုင်းရင်းသားအစ လူမျိုးကြီး(၄)စုမှာ ဆလုံတိုင်းရင်းတို့မှာ “သက်”လူမျိုးတို့မှတစ်ဆင့် ဆင်းသက် လာခဲ့သည်ဟု မှတ်သားခဲ့ဖူး ပါသည်။ ဆလုံ တိုင်းရင်းသားတို့ကို “မော်ကင်း”ဟုလည်း ခေါ်ကြပါသည်။ ပင်လယ်ထဲမှာ ပေါ့ပေါ့ပါးပါး သစ်၊ ၀ါး၊ ရင်ကမ်းသားတို့နှင့် ဖွဲ့စည်း တည်ဆောက် ထားသည့် ရိုးရာလှေကို အိမ်လိုသဘောထားပြီး မိသားစုကြီး တစ်ခုလုံး နေကြ၊ ထိုင်ကြ၊ ချက်ပြုတ်စားသောက်ကြရုံ သာမက သူတို့ဘ၀၏ အဖော်မွန်ဟု ခေါ်သော ခွေးများကိုလည်း တစ်ပါတည်း သယ်ဆောင်သွားကြပါသည်။ ဟိန်းဇဲ၊ ဘုတ်ကျွန်း၊ မောင်းမကန်၊ ရှင်မွန်၊ မလိ၊ ပြင်ကြီး၊ မီးစိမ်း၊ ကတန်၊ ဒုံးကျွန်း၊ ၀ါးကျွန်း၊ ပင်လယ်အော်၊ လန်ပိတစ်ဝိုက် မှာလည်း ပင်လယ်ထဲ ရာသီဥတုဆိုးချိန်မှာ ယာယီ ခြေတံရှည် တဲအိမ်လေးများ တည်ဆောက်ပြီး နေထိုင်ကြ ပါသည်။

ရေမှာ ကျွမ်းကျင်သဖြင့် ပုလဲ၊ မျှော့(ပင်မယ်မျှော့)၊ ရေခူ၊ ငါး၊ ပုဇွန် ၊ ကမာတွေငုပ်ပြီး ကင်းမွန်၊ ရှပ်၊ ငါးကြီး အန်ဖတ်တွေကို ရှာဖွေရင်းနှင့်လည်း အသက်မွေးတတ်ကြ ပါသည်။ သူတို့ ရိုးရာဓလေ့များ ထဲတွင် ဗုံတီးခြင်း၊ ဘင်(ဘင်ခရာ)တီးခြင်း။ သူတို့ဘာသာ စကားနှင့် သီချင်းဆိုပြီး ကခုန်ခြင်း၊ ရိုးရာနတ် ကိုးကွယ်ခြင်း တို့လည်း ပါဝင်ပါသည်။ ဆလုံရိုးရာပွဲတော်ကို ကော့သောင်းမြို့နယ်၊ စူငယ် ဘာလိုင်း ကျေးရွာအုပ်စု၊ လန်ပိကျွန်း၏ တစ်ဖက်ကမ်း “မကြုံဂလက်”ကျေးရွာတွင် (၂၀၀၄)ခုနှစ်၊ ဖေဖော်ဝါရီလ အတွင်းက စည်ကား သိုက်မြိုက်စွာ ကျင်းပခဲ့ပါသည်။

(၁) ဆလုံ တိုင်းရင်းသားတို့၏ မွေးဖွားခြင်းအစ

(၁၉၆၄)ခုနှစ်က မှတ်သား တွေ့ရှိချက်များအရ ဆလုံတိုင်းရင်းသား တို့သည် စတင်မွေးဖွားသည့် ကလေးငယ်များကို ချက်ကြိုး ဖြတ်ပြီးသည်နှင့် ရေထဲသို့ နှစ်စက္ကန့်ခန့် ရေထဲမြှပ်လိုက်၊ နှစ်လိုက်။ ပေါ်လိုက် သုံးကြိမ်ခန့် ပြုလုပ်ပါသည်။ သူတို့ အယူအဆမှာ မွေးစကလေးငယ် ရေကို ကျွမ်းကျင်စေရန်၊ မကြောက်စေရန် ဖြစ်သည်ဟု ဆို၏။ ထိုသို့ လွဲမှားသောအယူအဆကြောင့် တစ်ချို့ ကလေးငယ်များမှာ မွေးစကပင် သေဆုံးသွားကြပါသည်။ ဤကား ယခင်ကအဖြစ်အပျက်။ ယခုအချိန်တွင်မူ ဆလုံတိုင်းရင်းသားတို့ ခေတ်မီလာသည်ဟု ဆိုရပါမည်။ မွေးစကလေးငယ်ကို ရေထဲတွင် မနှစ်ကြတော့။ ကိုယ်ဝန်ဆောင်ကို မွေးဖွားပေးသည့် လက်သည်မှာ သူတို့ဆလုံအမျိးသမီး အချင်းချင်းပင် ဖြစ်ပါသည်။ သို့သော်လည်း ယခုအခါ ခက်ခဲသည့် မွေးဖွားမှုများကို သူနာပြုဆရာမနှင့် မွေးလေ့ မွေးထ ရှိလာကြပါပြီ။

(၂) ဆလုံတို့၏ ကျန်းမာရေး

ဆလုံ တိုင်းရင်သားတို့သည် အစစ အရာရာတွင် နတ်ဆရာကိုသာ အားကိုးကြသည်။ တစ်စုံတစ်ယောက် နေမကောင်းလျှင် သူတို့၏ အယူအဆမှာ နတ်ဖမ်းစားသည်ဟု အများအားဖြင့် ယူဆကြသည်။ နတ်ဆရာနှင့် တိုင်ပင်၍ ပူဇော်ပသ၊ ကိုးကွယ်တင်မြှောက်ခြင်းများ ပြုလုပ်လေ့ ရှိကြပါသည်။ သို့သော်လည်း ယခုချိန်ခါတွင် အချို့ တိုင်းရင်းသားဆလုံတို့မှာ ခေတ်မီလာသည်ဟု ဆိုရပါမည်။ နေထိုင်မကောင်း ဖြစ်သော သူများကို ဆရာဝန်နှင့် ဆေးခန်းသို့ ပြသ ကုသလာကြပါသည်။ တစ်ဖက်ကလည်း သူတို့အစွဲဖြစ်နေသည့် နတ်ဆရာနှင့် ပူဇော်ပသခြင်း ကိုလည်း လုပ်မြဲလုပ်ကြ ပါသည်။ ဆလုံအများစုတွင် ဖြစ်ပွားတတ်သည့် ရောဂါမှာ ငှက်ဖျား စွဲခြင်းနှင့် အာဟာရ ချို့တဲ့ခြင်းများပင် ဖြစ်ပါသည်။

(၃) ၀တ်စားဆင်ယင်ခြင်း

ဆလုံ တိုင်းရင်းသားတို့သည် မွေးကင်းစ ကလေးအရွယ်မှ ငါးနှစ် ခြောက်နှစ်အရွယ်အထိ ယခင်က အ၀တ်အစား ၀တ်လေ့ဝတ်ထ မရှိသော်လည်း ယခုအခါ အ၀တ်အစား ဆင်ယင်လာကြ ပါသည်။ အမျိုးသမီးများမှာ သူတို့ဓလေ့အရ အပေါ်ပိုင်း၊ အောက်ပိုင်း လုံလုံခြုံခြုံ ၀တ်ဆင်သည် ဆိုသော်လည်း ၊ အချို့မှာ အိမ်ထောင်ကျသည်နှင့် အပေါ်ပိုင်း ဗလာကျင်း နေတတ်ကြပါသည်။ သို့သော်လည်း ယခုအခါတွင်မူ အိုမင်းသောအဘွားအရွယ်များမှလွဲ၍ အမျိုးသမီးအများစုမှာ အပေါ်ပိုင်း၊ အောက်ပိုင်း လုံလုံခြုံခြုံ ၀တ်ဆင်လာကြ ပေပြီ။ ဆလုံအမျိုးသားတို့မှာ များသောအားဖြင့် ယခင်ကအောက်ပိုင်းတွင် လုံချည်(သို့မဟုတ်) ဘောင်းဘီတိုနှင့်နေပြီး အပေါ်ပိုင်းဗလာကျင်း နေတတ်သည့် သဘာဝရှိပါသည်။ သူတို့ဓလေ့အရ တော်ရုံတန်ရုံလည်း ဖျားနာခြင်း မရှိကြပါ။ ခံနိုင်ရည်ရှိသော လူမျိုးပင် ဖြစ်ပါသည်။ သို့သော်လည်း ယခုအခါ သူတို့လည်း အပေါ်ပိုင်းအင်္ကျီများ၊ များသောအားဖြင့် ၀တ်ဆင်လာကြပေပြီ။ ဆလုံတိုင်းရင်းသားတို့သည် ပင်လယ်နှင့်အနီးအနားတွင် နေ၍လားမသိ၊ သူတို့၏အသားအရောင်မှာ ညိုရောင်သန်းပါသည်။ ယခုအခါ ဆလုံတိုင်းရင်းသားတို့မှာ ခေတ်မီလာသည့်အလျောက် ယိုးဒယားနိုင်ငံမှရောက်လာသော အ၀တ်အစား၊ ပါတိတ်။ တီရှပ်တို့ဖြင့် သစ်သစ်လွင်လွင် တောက်တောက် ပပဖြစ်လာလေပြီ။ ယခင်က ဖြစ်သလိုနေခဲ့သော်လည်း ယခုအခါ သားသားနားနား ၀တ်ဆင်လာကြပေပြီ။

(၄) အစားအသောက်

ဆလုံတို့သည် ပင်လယ်ထဲတွင် အတည်တကျ မနေဘဲ ရေကြည်ရာ မြက်နုရာသို့ သွားလာ လုပ်ကိုင် နေထိုင်ကြသည့် အလျောက် ပင်လယ်ပျော်များ ဖြစ်သည့်အားလျော်စွာ သူတို့စားသောက်ကြသည်မှာ များသောအားဖြင့် ပင်လယ်အစားအစာများ ဖြစ်ပါသည်။ ပင်လယ်ကျွန်းစု၊ ကျောက်ဆောင် များတွင် တွယ်ကပ်လျက် ရှိသော ဂုံး(ခရုတစ်မျိုး အထဲတွင်ရှိသည်)ဟု ခေါ်သည့် တငို ကိုခွာ၍ အထဲမှ ခရုသဖွယ် အရာကို ချက်ပြုတ် စားသောက်ကြ ပါသည်။ ပင်လယ် ကျောက်ဆောင် ဂူထဲတွင်ရှိသော လင်းနို့၊ လင်းဆွဲများကို တုတ်ရှည်ဖြင့် ရိုက်ချကာ ခုတ်ထစ် ဖြတ်တောက် ၍လည်း ချက်ပြုတ် သုံးဆောင်ကြ ပါသည်။ သူတို့သည် စားသုံးဆီသုံးစွဲမှု နည်းသူများဖြစ်သည့် အလျှောက် တစ်လလုံးတွင် မိသားစု(၆) ယောက်အတွက် ဆီ(၂၀)ကျပ်သားခန့်သာ ကုန်ပါသည်။ ထို့ကြောင့် ဆလုံအများစုတွင် သွေးတိုးရောဂါ မရှိကြပါ။ ဆလုံ တိုင်းရင်းသားတို့သည် ပျားအုံဖွတ်ရာ တွင်လည်း အလွန် ကျွမ်းကျင်သူများပင် ဖြစ်သည်။ သစ်ပင် အမြင့်ပေါ်တွင် စွဲကပ်နေသောပျားအုံကို အုန်းလက် မီးတုတ်ဖြင့် ရိုက်ချကာ ပျားအုံမှ ပျားရည်ကို ခံယူကြပါသည်။ ပျားသလက်နှင့် ပျားပေါက်စတို့ကိုလည်း ချက်ချင်းပင် လတ်လတ် ဆတ်ဆတ် စားသုံးကြ ပါသည်။ ဆလုံတို့၏ သဘာဝမှာ စားသောက်ရာတွင်လည်း သူတို့ ရိုးရာလှေပေါ်တွင် မိသားစု အားလုံး သိုက်သိုက်ဝန်းဝန်း ပျော်ပျော် ရွှင်ရွှင် ချက်ပြုတ် စားသောက်ကြ ပါသည်။ ဆလုံ တိုင်းရင်းသားတို့ စားသုံးသည့် အရွက်များ ဖြစ်သော ဆလုံမုန်လာ၊ ဆလုံမုန်ညင်း၊ ဆလုံကန်စွန်းတို့မှာ အရွက်အသားထူသည်မှ လွဲ၍ မြေပြန့်က မုန်လာ ၊ မုန်ညင်း၊ ကန်စွန်းတို့နှင့် အတော် ဆင်တူပါသည်။ ထိုအရွက်တို့မှာလည်း ဆလုံဒေသ တောတောင်ထဲတွင် အလေ့ကျ ပေါက်နေကြခြင်းပင်။ ကျွန်တော် တွေ့ဖူးသည့် ဆလုံကွမ်း( ကွမ်းယာ အတွက် လိုအပ်သော ကွမ်း) မှာလည်း အရွက်အသား ပိုထူကာ အလေ့ကျ ပေါက်နေခြင်းပင် ဖြစ်ပါသည်။ ဆလုံတစ်ချို့လည်း ကွမ်းစားတတ်ကြသည်ကို ကျွန်တော် တွေ့ဖူးပါသည်။

(၅) အလုပ်အကိုင်

ဆလုံ တိုင်းရင်းသားတို့သည် အလုပ်လုပ်ကိုင်ရာတွင် အားလုံးစုပေါင်း ၀ိုင်းဝန်း၍ လုပ်ဆောင်လေ့ ရှိကြသည်။ တောထဲတွင်ရှိသော သစ်ပင်ကြီးများကို သူတို့၏ စုပေါင်းစွမ်းအားဖြင့် ခုတ်လှဲပါသည်။ လှေထွင်း ပါသည်။ ထိုကြီးမားသော သစ်ထွင်းလှေကို ပင်လယ်ကမ်းခြေဆီသို့ သယ်ဆောင် ထုတ်ယူသည်မှာလည်း အလွန်စနစ်ကျကာ အားကျဖွယ်ရာ ကောင်းပါသည်။ ပင်လယ်ကမ်းစပ် နေရာများတွင် ပေါက်ရောက်လေ့ရှိသော ရင်ကမ်းပင်မှ ရင်ကမ်း အလက်များကို တစ်စုနှင့်တစ်စု စီစီညီညီ ထပ်ကာ ပြုလုပ်ထားသော ရင်ကမ်းလှေမှာ အလွန်ပင်လက်ရာမြောက်လှပါသည်။ ထိုရင် ကမ်းလှေတွင် သံချက်ဆို၍ တစ်ချက်မျှမပါ၊ ကြိမ်ဖြင့်သာ ရစ်ပတ်ခြင်း ၊ ကွပ်ခြင်း ပြုလုပ်ထားသည်မှာ ခ်ိုင်ခန့်လှပါသည်။ စိစပ်လှပါသည်။ ရေတစ်စက်မျှ လှေဝန်းထဲသို့ မ၀င်ပါ။ သူတို့၏ ကျွမ်းကျင်မှုကြောင့် လှိုင်းလေလာလည်း ကြောက်လန့်မှု မရှိကြပါ။ သို့သော်လည်း လှိုင်းလေများ အလွန်ပြင်းထန်စွာ တိုက်ခတ် လာသောအခါ သူတို့သည် ကမ်းခြေများ၊ လေကွယ်ရာကျွန်းစုများတွင် စုပေါင်း၍ နေထိုင်လေ့ရှိကြ ပါသည်။

ဆလုံ တိုင်းရင်းသားတို့၏ အလုပ်အကိုင်ကို ဖော်ပြရလျှင် ငါးဖမ်းခြင်း၊ ပုလဲငုပ်ခြင်း၊ ပင်လယ် မျှော့ငုပ်ခြင်း၊ ကနုကမာ ရှာဖွေခြင်း၊ ပျားဖွတ်ခြင်း၊ ငှက်သိုက်ရှာခြင်း၊ ရေနှင့်ပါတ်သက်သော လုပ်ငန်း အ၀၀ကို ကျွမ်းကျင်စွာ လုပ်ကိုင်နိုင်သော တိုင်းရင်းသားများပင် ဖြစ်ပါသည်။ ကျောက်ကြို ကျောက်ကြားထဲသို့ နှစ်ခွစူး၊ မှိန်းတံရှည်နှင့် ငါးထိုးနေသော ကလေးငယ်များကိုလည်း ကျွန်တော်မြင်ဖူး ပါသည်။ ယခုအခါ ခေတ်မီလာသော ဆလုံတို့မှာ ရေငုပ်မျက်မှန် အကောင်းစားနှင့် အောက်စီဂျင် အသက်ရှူဘူးတို့ဖြင့် ရေငုပ်ကာ ပုလဲရှာနေကြပြီ၊ ပင်လယ်မျှော့ ရှာနေကြပြီ ဖြစ်ပါသည်။

ကျွန်တော် တွေ့ခဲ့သော ဆလုံ တိုင်းရင်းသားတို့မှာ ယောက်ျားလေးရော၊ မိန်းကလေးပါ အသက်(၁၀) နှစ်ခန့်တွင် ရေနှင့် ပါတ်သက်၍ အစစ အရာရာ အလွန်ကျွမ်းကျင်နေကြလေပြီ။ ထိုစဉ်က ကျွန်တော့် မျက်စိရှေ့တွင်ပင် (၁၀)နှစ်သားခန့် ရှိသော ဆလုံ ယောက်ျားလေးမှာ ခက်ရင်း စူးခွ မှိန်းတံရှည်ကို ကိုင်ဆောင်လျက် (၁၅)ပေခန့် နက်သော ပင်လယ်ရေထဲသို့ လှေပေါ်မှ ပလုံကနဲ ခုံဆင်း လိုက်သည်မှာ (၁၀) မိနစ်ခန့်ပင် မကြာလိုက်ပါ။ သူပြန်တက်လာသော အခါ လက်ထဲတွင် (၂)ပေခန့်ရှိသော ငါးမန်းဖြူတစ်ကောင် ပါလာသည်ကို တွေ့ရသဖြင့် ကျွန်တော်မှာ လွန်စွာပင် အံ့သြသွားပါသည်။ မနက်ပိုင်းကလည်း ထိုနည်းတူစွာ ငါးလိပ်ကျောက် (လိပ်ပုံသဏ္ဍန်ငါးပြားကြီး) တစ်ကောင်းကို ရခဲ့ကြောင်း၊ ထိုသူငယ်က လက်ဟန်ခြေဟန်ဖြင့် ကျွန်တော့်ကို ပြောပြပါ သေးသည်။ ဆလုံတို့သည် လူကြီး လူငယ်မရွေး အအားမနေဘဲ အမြဲတစေ အလုပ်လုပ်နေသော လူမျိုးပင် ဖြစ်ပါသည်။ လွတ်လပ်မှုကို မြတ်နိုးကာ တစ်ခုမဟုတ် တစ်ခု အလုပ် လုပ်နေသော တိုင်းရင်းသားများပင်။ များသောအားဖြင့် သူတို့သည် လက်ထဲတွင် ခက်ရင်း စူးခွ မှိန်းတံရှည်ကို ကိုင်ဆောင်ကာ ကမ်းခြေ၊ ကျောက်ဆောင်၊ ကျောက်ကြို ကျောက်ကြားအောက်ရှိ ငါးမျိုးစုံတို့ကို ထိူးယူ ဖမ်းဆီးကြ ပါသည်။ ဟိုစဉ်က ဆလုံ တိုင်းရင်းသားတို့ ငါးဖမ်းသည် ဆိုသည်မှာ ငါးဖမ်း ပိုက်များဖြင့် ဖမ်းလေ့ ဖမ်းထ နည်းပါး ပါသည်။ သို့သော် ယခုအခါတွင်မူ ငါးဖမ်းပိုက် အမျိုးမျိုးဖြင့် အတော်များများ ဖမ်းဆီးလာကြ ပါသည်။ သူတို့ဘ၀မှာ ယခင်က ဖမ်းယူရရှိ ငါးများနှင့် ရေငုပ်၍ ရရှိသော ပုလဲ၊ ပင်လယ်မျှော့ တို့ကို ရောင်းချရာတွင် ဈေးနှိမ်ခြင်း ခံရသော်လည်း ယခုအခါ ထိုက်ထိုက်တန်တန် ဈေးမှန်၊ အလေးမှန် ရရှိခဲ့ပါပြီ။ ဖဲရိုက်ကာ ကက်ဆက်နားထောင် နေကြသော ဆလုံများ၊ ရွှေဆွဲကြိုး တ၀င်းဝင်းနှင့် ဆလုံများ၊ ခြင်းလုံးခတ်ကာ အပန်းဖြေ နေကြသော ဆလုံ ကလေးငယ်များ၊ ဘာပဲပြောပြော ဆလုံ တိုင်းရင်းသားတို့ လူနေမှုဘ၀ တိုးတက် ဖွံ့ဖြိုးလာခဲ့သည်မှာ အမှန်ပင် ဖြစ်ပါသည်။

(၆) ထိမ်းမြားလက်ထပ်ခြင်း

ဆလုံ တိုင်းရင်းသား တို့သည် ကလေး မီးဖွားလျှင် မွေးဖွားလာလျှင် မွေးဖွားစကလေး အတွက် နတ်ဆရာနှင့် နတ်ကိုးကွယ် ကြသည်။ သေဆုံးသွား လျှင်လည်း သေဆုံးသူ ကောင်းရာ မွန်ရာ ရောက်အောင် နတ်ဆရာနှင့် ပူဇော်ပသလေ့ ရှိသည်။ ထိုနည်းတူစွာ သတိုးသားနှင့် သတိုးသမီး ထိမ်းမြား လက်ထပ်ပွဲတွင်လည်း နတ်ဆရာနှင့် ရိုးရာနတ်ကို ပူဇော်ပသမှု ပြုမှသာလျှင် လင်မယား အရာမြောက် သည်ဟု ဆလုံတို့က ယူဆပါသည်။ ဆလုံတိုင်းရင်းသား တို့သည် ငယ်ရွယ်စဉ်ကပင် အိမ်ထောင်ပြုသူများ ဖြစ်သည့် အားလျော်စွာ အသက်(၁၇)၊ (၁၈)နှစ်ခန့်တွင် အိမ်ထောင်ပြုလေ့ ရှိပါသည်။ အမျိုးသား တစ်ယောက်သည် အမျိုးသမီးတစ်ယောက်ကို သဘောကျ နှစ်သက်သောအခါ အမျိုးသမီး မိဘများထံသွား၍ တောင်းရမ်းရပါသည်။ ထိုသို့ တောင်းရမ်းစဉ် အမျိုးသားနှင့်အတူ မိဘ(၂)ပါး ပါရသည်။ ဆလုံတို့၏ အကြီးအကဲ ပါရသည်။ အမျိုးသမီးဘက်က လက်ခံသောအခါ မင်္ဂလာပွဲရက်ကို နေ့သတ်မှတ်၍ နတ်ဆရာနှင့် တိုင်ပင်ကာ စားသောက် ဖွယ်ရာများကို စီမံပြင်ဆင်ကြ ပါသည်။

သူတို့၏ အစားအသောက်များကား အထူးအဆန်းမဟုတ်ပါ။ ငါးကင်များ၊ ဆီနည်းနည်းဖြင့် ကြော်ထားသော လင်းနို့ကြော်၊ လင်းဆွဲကြော်၊ အူ အသည်းများ ထုတ်ထားသော ကြက်ကောင်လုံးပြုတ်၊ ကြက်ကောင်လုံးကင်၊ တစ်ခါတစ်ရံရတတ်သော သင်းခွေချပ်ကြော်၊ မျောက်သားကြော်နှင့် ပျားရည်၊ အရက်တို့ပင် ဖြစ်ပါသည်။ မျောက်ချေးခါးကိုလည်း ဆလုံတို့ စားလေ့ စားထ ရှိပါသည်။ မင်္ဂလာ အခမ်းအနား ကျင်းပသည့် နေ့ရက်တွင် တစ်စုတစ်ဝေးတည်း နေကြသည့် ဆလုံတို့မှာ မည်သည့်ကိုယ်ရေး ကိုယ်တာ အလုပ်ကိုမျှ မလုပ်ဘဲ မင်္ဂလာပွဲအတွက်သာ အားလုံး ၀ိုင်းဝန်း လုပ်ဆောင် ချက်ပြုတ်ကြ ပါသည်။ နံနက်(၉)နာရီခန့်တွင် ဆလုံနတ်ဆရာ ရောက်လာ ပါသည်။ သူ့လက်ထဲတွင် ပလွေကဲ့သို့သော တူရိယာလေးတစ်ခု ပါလာပါသည်။ ဆလုံမင်္ဂလာပွဲကို များသော အားဖြင့် ပင်လယ်ကမ်းစပ် သဲသောင်ပြင်တွင် ကျင်းပလေ့ ရှိပါသည်။ ဆလုံ နတ်ဆရာတစ်ယောက် မင်္ဂလာပွဲသို့ ရောက်ရှိလာချိန်တွင် နတ်ပူဇော်ပွဲအတွက် အစားအသောက်များ ပြင်ဆင်ပြီး အဆင်သင့် ဖြစ်နေပါပြီ။ နတ်ဆရာသည် ရှေးဦးစွာ သူတို့၏ ဆလုံရိုးရာနတ်ကို လက်နှစ်ဖက် ခေါင်းပေါ်မြှောက်ကာ အပေါ်အောက် လှုပ်ရှားလျက် ပလွေမှုတ်ကာ ပင့်ဖိတ်ပါသည်။ ပြီးနောက် လက်ထပ်မည့် အမျိုးသား၊ အမျိုးသမီး လက်လေးဖက်ကို ပူးယှက်စေကာ သူတို့ လက်ပေါ်သို့ နတ်ဆရာ၏ လက်ဝါးနှစ်ဖက်ကို အုပ်မိုးလိုက် ပါသည်။ ထို့နောက် သူတို့ ရိုးရာဖြင့် ဤမင်္ဂလာ မောင်မယ်ကို ရာသက်ပန် စောင့်ရှောက်စေလိုကြောင်း သူတို့၏ ကျန်းမာရေးအတွက် သူတို့ အလုပ်အကိုင် အတွက် အကူအညီများ ပေးစေလိုကြောင်း တိုင်တည်ပြောဆို ပါသည်။ သတိုးသားနှင့် သတိုးသမီးကိုလည်း ရာသက်ပန်ရိုးရာ ရိုးမြေကျ ပေါင်းဖေါ်မည့်အကြောင်း ရိုးရာနတ်ထံ လက်လေးဖက်မြှောက်ကာ တိုင်တည်စေ ပါသည်။

ဆလုံ တိုင်းရင်းသားတို့သည် တစ်လင်တစ်မယား စနစ်ကိုသာ ကျင့်သုံးသောသူများ ဖြစ်ပါသည်။ သူတို့ လောကတွင် အိမ်ထောင်ရေး ဖောက်ပြန်မှုကို လုံးဝလက်မခံချေ။ အိမ်ထောင်ရေး ဖောက်ပြန်သူများကို သူတို့အစုအဝေးမှ ရာသက်ပန်နှင်ထုတ်ကာ သူတို့နှင့် လုံးဝ အဆက်အသွယ် မလုပ်တော့ပါ။ သူတို့သည် အစုအဝေးနှင့် နေတတ်သည့်အားလျော်စွာ ထိုကဲ့သို့ အပြစ်ဒဏ်မျိုးကို အလွန်ပင် ကြောက်ရွံ့ကြ ပါသည်။ သူတို့သည် အိမ်ထောင်ကျသော အခါ သူတို့အတွက် (မင်္ဂလာမောင်မယ်အတွက်) ရိုးရာလှေတစ်စီး၊ ငါးဖမ်းပိုက်တစ်စုံနှင့် ငါးဖမ်းကိရိယာအချို့ကို လက်ဖွဲ့ လိုက်ပါသည်။ ဇနီးမောင်နှံ နှစ်ယောက် ဒိုးတူပေါင်ဖက် လုပ်ကိုင် စားသောက်ကြတော့ဟု ဆိုလိုသည့် သဘောပင်။ သို့သော် ဇနီးမောင်နှံနှစ်ယောက်မှာ အဝေးသို့သွားစရာမလို၊ သည်အစုအဝေးမှာပင် နေထိုင်စေပါသည်။

ဆလုံရိုးရာ နတ်ပွဲများတွင် နတ်ဆရာသည် နတ်ကိုတိုင်တည် ပူဇော်ပြီးနောက် နတ်ပူးလာပြီး နတ်ဝင် လာသည်ဟု ဆိုကာ တုန်တက်လာပါသည်။ ပြီးနောက် အရက်သောက်ပါသည်။ ငါးကင်၊ ကြက်ကောင်လုံးကင်၊ အစားအသောက်များ စားပါသည်။ ပြီးနောက် နတ်ဆရာ တုန်တုန်ယင်ယင်ဖြင့် ကပါသည်။ ပရိသတ်ကလည်း လိုက်ကပါသည်။ နတ်ဆရာ နတ်ဝင်သည်မှာ နာရီဝက်ခန့်သာ ကြာပါသည်။ နတ်ဆရာထံမှ နတ်ထွက်သွားသောအခါ တုန်တုန်ယင်ယင် အမူအရာများ ပျောက်ကွယ်သွား ပါသည်။ ဆလုံတို့၏ မင်္ဂလာပွဲ ကပွဲကား တစ်နာရီင်္ခန့် ကြာမြင့်ပါသည်။

(၇) တစ္ဆေကြီးပွဲ

တစ္ဆေကြီးပွဲ ဆိုသည်မှာ အခြားမဟုတ်ပါ။ သေဆုံးသူများကို ကျွေးမွေးသည့်ပွဲပင် ဖြစ်ပါသည်။ ဆလုံ တိုင်းရင်းသားတို့၏ အယူအဆမှာ သေဆုံးသွားသူတို့သည် ကောင်းရာ မွန်ရာရောက်သူ ရှိသကဲ့သို့ တစ်ချို့မှာ တစ္ဆေ၊ သရဲဖြစ်နေသည်ဟု ယုံကြည်ကြသည်။ ထိုတစ္ဆေ၊ သရဲများ၊ စားရမဲ့၊ သောက်ရမဲ့ ဖြစ်နေသည်ကို မလိုလားသဖြင့် တစ်နှစ်တစ်ခါ သူတို့ရှိရာ သင်္ချိုင်းသို့သွား၍ သူတို့ကိုပင့်ဖိတ်ကာ ကျွေးမွေးခြင်းပင် ဖြစ်သည်။ ဆလုံတို့သည် သေဆုံးသူများကို ကျွန်းတစ်ကျွန်းတွင် မြှပ်နှံ သင်္ဂြိုဟ်လေ့ ရှိပါသည်။ ထိုသင်္ချိုင်းတွင် တစ်နှစ်တစ်ခါ( နှစ်စဉ် ဇန်န၀ါရီလ ) ကျင်းပသော တစ္ဆေပွဲကြီးတွင် ထုံးစံအတိုင်း မပါမဖြစ်သည်မှာ ရိုးရာ နတ်ဆရာနှင့် နတ်ပွဲပင်ဖြစ်ပါသည်။ နတ်ဆရာက ရိုးရာနတ်ကို ပင့်ဖိတ်ပြီးလျှင် အစားအသောက်များနှင့် ပူဇော်ပသလေသည်။ သေဆုံးသူများ ကိုလည်း ပင့်ဖိတ် ကျွေးမွေးလေသည်။ ပြီးနောက် နတ်ဆရာက တုန်တုန် ယင်ယင်နှင့် ကွေးနေအောင် ကပါတော့သည်။ ပရိသတ်များ ကလည်း ဗုံတီးပြီး ကကြပါသည်။ သူတို့အကမှာ အာဖရိက လူရိုင်းအကများနှင့် အတော်ပင် ဆင်တူပါသည်။ အရက်သောက်ထားပြီး သွေးကြွ နေတာလည်း ပါပါလိမ့်မည်။ ကျွန်း ကမ်းခြေ၊ ပင်လယ်သောင်စပ်မှပင် ကနေကြသူ အများသား။ မည်သို့ပင်ဆိုစေ ဆလုံ တိုင်းရင်းသားတို့၏ ဤဓလေ့မှာလည်း ချစ်စရာပင် မဟုတ်ပါလော။

(၈) ဆလုံရိုးရာလှေကို လွန်းတင်ခြင်း

ဆလုံ တိုင်းရင်းသားတို့သည် သူတို့၏ သစ်ထွင်းလှေနှင့် စက်တပ်လှေများကို တစ်နှစ်တစ်ခါ မှန်မှန် လွန်းတင်လေ့ ရှိပါသည်။ ပင်လယ်သဲသောင်ပြင်ဝယ် လွန်းတင်ရန်ပြင်ဆင်ထားသည့် ရိုးရာလှေမှ ပေါက်ပြဲနေသည့် နေရာများကို မီးတုတ်ဖြင့် ရှို့လိုက်သောအခါ မကောင်းသည့် ပုန်းညက်များ ကွာကျလာ ပါသည်။ မီးတုတ်မှာ အုန်းလက်ဖြင့် မီးရှို့ထားခြင်းဖြစ်ပါသည်။ ပေါက်ပြဲ ယိုစိမ့်ကျနေသည့် ပုန်းညက် အဟောင်း နေရာတွင် ပုန်းညက်အသစ်ဖြင့် ဖာထေးပါသည်။ သူတို့သည် လှေကို လွန်းတင်ရာတွင် စုပေါင်း လုပ်ဆောင်ကြသဖြင့် မည်မျှပင် ကြီးသည့်လှေ ဖြစ်စေကာမူ အများဆုံး လုပ်ရပါလျှင် ငါးရက်ခန့်သာ ကြာမြင့်ပါသည်။ ရင်ကမ်းလှေကို လွန်းတင်ရာတွင် အခြားလှေနှင့်စာလျှင် သက်သာပါသည်။ လိုအပ်သော နေရတွင် ပုန်းညက်အသစ်ဖြင့် ဖာထေးခြင်းပင် ဖြစ်ပါသည်။

(၉) ကျွန်တော့်ကိုယ်တွေ့ ရွှေအောင်ပွဲ

ကျွန်တော့်ကိုယ်တွေ့ ကြုံခဲ့ရသည့် ဆလုံတို့၏ ရွှေရှာဖွေခြင်းပြီးဆုံးခြင်း အောင်ပွဲ အတွေ့အကြုံလေးကို ပြောပြချင် ပါသေးသည်။ နေရာကား ရွှေကျွန်းလေး သဲသောင်ပြင်၊ သဲသောင်ကုန်း ကမူနေရာတွင် ဆလုံ နတ်ကွန်းတစ်ခု နတ်ကွန်းအထဲတွင် ထမင်းကြော်၊ ငါးကြော်၊ ကြက်ကင်၊ အရက်များ။ နတ်ကွန်းနံလေးတွင် ရောင်စုံခြယ်သထားသော သစ်သားပြားများ (အကျယ်တစ်ပေ၊ အရှည်ခြောက်ပေ၊ ထု နှစ်လက်မခန့်) စိုက်ထူ ထားသည်။ မြေကြီးထဲတွင် တစ်ပေခန့်သာတူးထည့်ထားခြင်းဖြစ်သည်။

“ဒုံ...ဒုံ...ဒုံတလုံတုန်...ဒုံ.....ဒုံ”

“ဒုံ.......တလုံတုန်......ဒုံ.....ဟေး.......ဟေး........ဟေး ”
ဆလုံတို့၏ အောင်ပွဲ၊ ဆလုံတို့ ရွှေရှာသည်မှာ တစ်လပြည့်ခဲ့ပြီ။ သူတို့ ရွှေရှာသည်မှာလည်း ရိုးရိုးလေးပင်။ ပေါက်တူး၊ ပေါက်ပြားတို့ဖြင့် အကျယ် ၃ပေ၊ အနက် ၄ပေခန့် ကျင်းများတူးကာ၊ အချို့ကလည်း အကျယ် ၄ပေ၊ အနက် ၅ပေခန့် ကျင်းများတူးကြသည်။ ကျင်းထဲမှရသော မြေစာများကို “ယင်း”ဟုခေါ်သော သစ်သားဒယ်များထဲသို့ ထည့်၊ ရေထည့်ပြီးနောက် လက်နှစ်ဖက်ဖြင့် “ယင်း”ကို ဆန်ကောဝိုင်း လှည့်လည်ခြင်းပင်။ ထိုသို့ လှည့်ရာတွင် ဖြည်းဖြည်းမှန်မှန် လှည့်ရပါသည်။ ရေကို မကြာခဏ ထည့်ပေး ရပါသည်။

ဟော.. အခု ဆလုံတို့၏ ရွှေအောင်ပွဲလာပြီ။ ဆလုံခေါင်းဆောင် ဦးဘထွန်း၏ ဦးဆောင်မှုဖြင့် ဆလုံတို့ တစ်လတိတိရွှေရှာပေးခဲ့ပြီ။ သူတို့ရှာသည့်ရွှေကို သက်ဆိုင်ရာက ညနေ(၅)နာရီဆိုလျှင် ချက်ချင်း ငွေအပြည့် ချေ၍ ပေါက်ဈေးအတိုင်းယူသည်။ မည်သို့ဆိုစေ ဆလုံတို့ တာဝန်ကျေပါသည်။ သူတို့ အောင်ပွဲတစ်ခု ရခဲ့ပြီ မဟုတ်ပါလော။ ထို့ကြောင့် အောင်ပွဲကို ခြိမ့်ခြိမ့်သဲ ကျင်းပနေသည်။ အောင်ပွဲနှင့်အတူ ပတ်ဝန်းကျင် တစ်ခုလုံးတွင် ဗုံသံ ၊ ဘင်သံ၊ ဗုံတစ်လုံးနှင့် ဘင်တစ်ခု ( ဘင်ခရာ အဖွဲ့တွင် သုံးသည့်ဘင်) များက မိုးဟိန်းသလို ဟိန်းထွက်နေသည်။ ဆလုံအမျိုးသားနှင့် အမျိုးသမီးတို့ စည်းချက်ညီညီ ခြေလက်အရွှေ့အပြောင်း အချိုးတို့ဖြင့် ကခုန်နေကြသည်။ ပါစပ်မှလည်း ဟေး.....ဟေး......ဟု အားမာန်ပါပါ အော်ဟစ်နေကြသည် ။ အင်မတန် ပျော်စရာ ကောင်းလှသည်။ ဦးဘထွန်းနှင့် နတ်ဆရာတို့ ထမင်း၊ ဟင်း၊ ငါးကင်၊ ကြက်ကြော်၊ အရက်တို့ဖြင့် သူတို့ ရိုးရာနတ်ကို ပသပူဇော်နေကြသည်။ သူတို့ရှေ့တွင် နတ်ကွန်း၊ သဲကုန်းမြင့်ပေါ်က နတ်ကွန်း၊ သူတို့ ပူဇော်ပသပုံမှာ လက်နှစ်ဘက်ကို ကားထား၍ ခေါင်းပေါ် မြှောက်လိုက်၊ နည်းနည်း အောက်ချလိုက် လုပ်ခြင်းပင်၊ ပါးစပ်မှလည်း ဆလုံလို တတွတ်တွတ်ဖြင့် ရေရွတ်မြည်တမ်း ဆုတောင်း နေကြသည်။ ရွှေရှာသည့် သူတို့အောင်ပွဲပေးသော ရိုးရာနတ်အား ကျေးဇူးတင်ပါကြောင်း နတ်ဆရာက ထပ်တလဲလဲ ပြောနေခြင်းပင် ဖြစ်သည်။

အောင်ပွဲ....၊ မဟာအောင်ပွဲ၊ အောင်ပွဲသံက မိုးယံသို့ အောင်မြင်စွာ ထိုးတက် သွားလေပြီ။ ဆလုံ အမျိုးသား အမျိုးသမီးတို့၏ အချက်ကျကျ ကကြိုး၊ ကကွက်နှင့် ဗုံသံ၊ ဘင်သံများ... စည်ညံလို့... ..ပျော်စရာ...ပျော်စရာ .. ပျော်စရာအတိ... .ပျော်စရာအပြည့်.....။ ။

မြိတ်မြို့ တက္ကသိုလ်ဝင်တန်း စေတနာညကျောင်းအတွက် NGOများမှ ငွေနှင့် စာရေးကိရိယာများ လှူဒါန်းခြင်း

2008-01-23T19:03:00.000+06:30

မြိတ်မြို့နယ်အတွင်းရှိ တက္ကသိုလ် ၀င်တန်း အထောက်အကူပြု စေတနာညကျောင်းများတွင် တက်ရောက် ပညာသင်ကြား နေသည့် ပြင်ပဖြေ ကျောင်းသား / ကျောင်းသူများအတွက် အစိုးရမဟုတ်သော လူမှုရေး အဖွဲ့အစည်းများမှ အလှူငွေနှင့် စာရေးကိရိယာများ ပေးအပ်လှူဒါန်းခြင်းကို ၂၀၀၇ ခုနှစ်၊ ဇန်န၀ါရီလ ၂၂ ရက်နေ့ ည (၇း၀၀)နာရီ၌ မြိတ်မြို့ အမှတ်(၁)နှင့် အမှတ်(၂) အခြေခံပညာ အထက်တန်းကျောင်း တို့တွင် ပြုလုပ်သည်။

အဆိုပါ လှူဒါန်းခြင်းတွင် ပြည်ခိုင်ဖြိုးအသင်းမှ လျှပ်စစ်ဓာတ်အားခ အတွက် အသုံးပြုရန် တစ်ကျောင်းလျှင် ငွေကျပ် တစ်သိန်းစီနှင့် တန်ဖိုး ကျပ် ခြောက်သောင်းငါးထောင် တန်ဖိုးရှိ ဗလာစာအုပ်များ၊ တိုင်းအမျိုးသမီးရေးရာ အဖွဲ့နှင့် တိုင်းမိခင်နှင့် ကလေးစောင့်ရှောက်ရေး အသင်းတို့မှ ဆရာ/ဆရာမများ အတွက် လက်ဆောင်ပစ္စည်းများနှင့် သင်ကြားမှု အထောက်အကူပြု စာအုပ်များ၊ ဗလာစာအုပ်နှင့် စာရေးကိရိယာများ လှူဒါန်းခဲ့ကြောင်း သိရှိရသည်။

ပုလဲရတနာ (၃)

2008-01-22T22:52:00.000+06:30

မြန်မာ့ရေပြင်မှ ပုလဲများ

(စာရေးသူ - ခင်အောင်သန်း၊ မြန်မာ့ပုလဲ၊ မြိတ်မြို့)

ပုလဲရတနာ (၁)
ပုလဲရတနာ (၂)

မြန်မာ့ရေပြင်မှ ပုလဲများကို ၁၉၅၇ ခုနှစ်တွင် စတင်ဖော်ယူ နိုင်ခဲ့ပါသည်။ ၁၉၅၉ ခုနှစ် ဖေဖော်ဝါရီလတွင် (၇) ကြိမ်မြောက်အထိ ပုလဲ ဖော်ယူခဲ့ပြီး ထိုအကြိမ် အပါအ၀င် စုစုပေါင်း ပုလဲ ရောင်းရငွေမှာ ဂျပန်ယန်း သန်း (၁၉၀) ဖြစ်ပါသည်။ ထိုငွေ၏ တစ်ဝက်ကို မြန်မာတို့ ဘက်မှ ရရှိခဲ့ပါသည်။

ဂျပန်တို့သည် မြန်မာ့ရေပြင်မှ ပုလဲများကို (၃၅)ကြိမ် အထိ ဖော်ယူခဲ့ပါသည်။ ယင်း (၃၅)ကြိမ်မြောက် ပုလဲ ဖော်ခြင်းကို ၁၉၆၃ နိုဝင်ဘာလတွင် ပြုလုပ်ခဲ့ပြီး ပုလဲ အလုံး ၂၈၅၉ လုံး ၊ အလေးချိန် ၂၂၀၃.၃ မီမို ဖြစ်၍ ပျမ်းမျှခြင်း ပုလဲ တစ်လုံးလျှင် အလေးချိန် (၀.၇၇) မီမိုရှိသဖြင့် ပျမ်းမျှ အရွယ်အစား အချင်း (၁၃) မီလီ မီတာခန့် ရှိပါသည်။ နိုင်ငံတော်မှ တာဝန်ယူပြီးနောက် ဂျပန်တို့ မွေးမြူခဲ့သော ပုလဲများကို ၁၉၆၆ ခုနှစ်၊ ဒီဇင်ဘာလအထိ (၁၁)ကြိမ် ဖော်ယူခဲ့ပြီး ပုလဲလုံးရေ (၆၃၀၉၀) လုံး ၊ အလေးချိန် (၄၈၀၄၃) မိုမီ ရရှိခဲ့ပါသည်။ မြန်မာနိုင်ငံမှ ပညာရှင်တို့သည် ပူးပေါင်းကြံဆ ကြိုးပမ်းခဲ့ရာ ၁၉၆၆ ခုနှစ်၊ ဇွန်လတွင် မြန်မာ့ပညာရှင်များ အနေဖြင့် မြန်မာ့ပုလဲများကို အောင်မြင်စွာ ၀တ်ဆံသွင်း မွေးမြူနိုင်ခဲ့ပါသည်။ ယင်းဝတ်ဆံသွင်း ပုလဲများကို ၁၉၆၈ ခုနှစ်၊ ဒီဇင်ဘာလတွင် စမ်းသပ် ပုလဲဖော်ခဲ့ရာ ပုလဲများ အရည်အသေး ပြည့်မီ ကောင်းမွန်သဖြင့် ပထမဆုံး အကြိမ် ပုလဲဖော်ခြင်းကို ၁၉၆၉ ခုနှစ်တွင် ဖော်ယူ နိုင်ခဲ့ပါသည်။

မြန်မာ့ရေပြင်မှ ထွက်ရှိသည့် ပုလဲများကို ကမ္ဘာပုလဲ ဈေးကွက်တွင် လူကြိုက်များ ထင်ရှားလာသည်နှင့် အမျှ မြန်မာ့ ပုလဲ လုပ်ငန်း အနေဖြင့် တီထွင် ကြံဆမှုများ စမ်းသပ် လုပ်ဆောင်ခဲ့ပါသည်။ ယင်းသို့ တီထွင် စမ်းသပ် လုပ်ကိုင်မှုများအနက် အောင်မြင်ခဲ့သည့် တီထွင်မှုမှာ ပုလဲအိမ်အတွင်းသို့ ဒုတိယအကြိမ် ၀တ်ဆံလုံး ပြန်လည် ထည့်သွင်း မွေးမြူသည့် နည်း ဖြစ်ပါသည်။ ယင်းနည်းမှာ မြန်မာ ပညာရှင် ဦးခင်ညွန့်အနေဖြင့် မိမိဖာသာ စဉ်းစားတွေးခေါ် ကြံဆကာ အောင်မြင်မှု ရရှိခဲ့သည့် နည်း ဖြစ်ပါသည်။

မြန်မာ့ ပုလဲလုပ်ငန်းသည် ၂၀၀၀ ခုနှစ်မှ စတင်၍ သားဖောက် မုတ်ကောင်များ မွေးမြူပြီး ၂၀၀၂ ခုနှစ်မှ စတင်၍ သားဖောက် မုတ်ကောင်များကို ၀တ်ဆံ သွင်းနိုင်ခဲ့ပါသည်။ ၂၀၀၃ ခုနှစ်တွင် မြန်မာ့ ပုလဲလုပ်ငန်း သည် သားဖောက် မုတ်ကောင် (၈၀၀၀၀)ကျော်ကို ၀တ်ဆံသွင်း မွေးမြူနိုင်ခဲ့ပါသည်။ ၂၀၀၆-၀၇ ခုနှစ်၊ ဘဏ္ဍာရေးနှစ်တွင် မြန်မာ့ရေပြင်မှ ရရှိခဲ့သော ပုလဲ အလေးချိန်မှာ ၂၄၀၅၉၅.၉၇ မီမို ထွက်ရှိခဲ့ပါသည်။ ပုလဲ အလုံး ၄၁၀၀၀၀ ခန့် ထွက်ရှိခဲ့ပါသည်။

မြန်မာ့ပုလဲ လုပ်ငန်းသည် ပင်လယ် ရေမျက်နှာပြင် ပေါ်တွင် Surface Long Ling ဖြင့် မွေးမြူသည့် စနစ်ကို ပြောင်းလဲ ကျင့်သုံး မွေးမြူနိုင်ခဲ့သဖြင့် မည်သည့် ပင်လယ်ကြမ်းပြင် (ကျောက်၊ သဲ၊ ရွှံ့နွံ)မဆို ပုလဲ မွေးမြူနိုင်သည့် အဆင့် ရောက်ရှိနေပြီ ဖြစ်ပါသည်။ ပုလဲမွေးမြူရာတွင်လည်း စက်ယန္တရားများ သုံးနေနိုင်ပြီ ဖြစ်သဖြင့် ပုလဲ အမြောက်အများ မွေးမြူထုတ်လုပ် လာနိုင်ပြီ ဖြစ်ပါသည်။

မြန်မာ့ပုလဲ လုပ်ငန်း၏ အဓိက ပုလဲမွေးမြူနေသော ကျွန်းစခန်း များမှာ -

(၁) ဒိုမယ်လ်ကျွန်း - ပုလဲကျွန်း ၊ ဘုတ်ပြင်းမြို့နယ်
(၂) မလိကျွန်း - ပုလောမြို့နယ်
(၃) ရွှေကျွန်းကြီး - ကော့သောင်းမြို့နယ်

တို့ ဖြစ်ပါသည်။ ဖော်ပြပါ မြန်မာ့ပုလဲလုပ်ငန်း၏ ပုလဲမွေးမြူသော စခန်းများတွင် မြန်မာ့ ပညာရှင်များက ထုတ်လုပ် မွေးမြူလျက် ရှိသော တောင်ပင်လယ် ပုလဲများသည် ကမ္ဘာ့ပုလဲ ဈေးကွက်တွင် လူကြိုက်များသော ပုလဲများ ဖြစ်ပါသည်။ အရည်အသေး ကောင်းမွန်ရုံ သာမက ရေရှည်ခိုင်မာသည့်အတွက် လူကြိုက်များပြီး တန်ဖိုး အမြင့်မားဆုံး ပုလဲများ ဖြစ်ပါသည်။

မြန်မာ့ပုလဲ လုပ်ငန်းသည် မြန်မာ့ တောင်ပင်လယ် ပုလဲများကို နှစ်စဉ် ရန်ကုန်မြို့တွင် ပြပွဲများ ပြုလုပ်၍ နိုင်ငံခြားသား ကုန်သည် များသို့ လည်းကောင်း၊ ပြည်တွင်း အရောင်းပွဲများ ပြုလုပ်၍ နိုင်ငံသား ကုန်သည်များသို့ လည်းကောင်း ရောင်းချပေးလျက် ရှိပါကြောင်း အသိပေး ဖော်ပြအပ်ပါသည်။

Sea foods

2008-01-18T22:47:00.000+06:30

ဒီဓာတ်ပုံတွေကတော့ မြိတ်ဒေသရဲ့ ပင်လယ်ရေထွက် အစားအစာလေးတွေပါ ။ နှစ်သက်လိမ့်မယ် ထင်ပါတယ်။

ဝေလငါး

2008-01-16T20:57:00.000+06:30

ဒီဓာတ်ပုံမှာ ပြထားတာကတော့ (၁၅-၈-၂၀၀၇) တနင်္သာရီတိုင်း ထားဝယ်ခရိုင် လောင်းလုံးမြို့နယ် ကြပ်လွှတ် ကျေးရွာ မြင်းခွာအော်မှာ ကမ်းတင် သေဆုံးနေတဲ့ ဝေလငါး တစ်ကောင်ရဲ့ ဓာတ်ပုံ ဖြစ်ပါတယ်။

ကာတွန်း

2008-01-13T18:24:00.000+06:30

ဘုန်းတော်ကြီးသင် ပညာရေးကျောင်း အတွက် ဂျပန်အစိုးရက ထောက်ပံ့လှူဒါန်း

2008-01-12T13:58:00.000+06:30

ကျောင်းသား ၈၀၀ကျော် တက်ရောက် ပညာသင်ကြား နေသည့် သံသရာအေး ဘုန်းတော်ကြီးသင် ပညာရေး ကျောင်းအတွက် ကျောင်းဆောင်သစ် တစ်ခု ဆောက်လုပ်ရန် ဂျပန်အစိုးရက ထောက်ပံ့ လှူဒါန်းမှု ပြုလုပ် လိုက်ကြောင်း မြန်မာနိုင်ငံ ဆိုင်ရာ ဂျပန်သံရုံးမှ သတင်း ထုတ်ပြန် ပါသည်။ အဆိုပါ ကျောင်းဆောင်သစ် ဆောက်လုပ် လှူဒါန်းခြင်းကို ဂျပန် အစိုးရ၏ လူမှု ကူညီ ထောက်ပံ့ရေး အစီအစဉ် (Grassroots Grant Assistance) အရ လုပ်ဆောင်ခြင်း ဖြစ်ပြီး ကျောင်းဆောင်သစ် အတွက် အမေရိကန် ဒေါ်လာ ၈၁၅၀၀ ကျော် ထောက်ပံ့မည် ဖြစ်သည်။

မြိတ်မြို့ ကလွင်ကျေးရွာရှိ
သံသရာအေး ဘုန်းတော်ကြီးသင် ပညာရေးကျောင်း

တနင်္သာရီတိုင်း၊ မြိတ်မြို့နယ်၌ တည်ရှိသည့် သံသရာအေး ဘုန်းတော်ကြီးကျောင်းကို ၁၉၆၇ ခုနှစ်တွင် စတင် တည်ထောင်ခဲ့ပြီး ၂၀၀၃ခုနှစ်တွင် ကျောင်းသား ၁၄၉ဦးဖြင့် ဘုန်းတော်ကြီးသင် ပညာရေးကို စတင်ခဲ့သည်။ ကျောင်စတင် ဖွင့်လှစ်ချိန်မှ စ၍ ဘုန်းတော်ကြီးကျောင်း အဆောက်အအုံနှင့် ၀ါးဖြင့် ဆောက်လုပ် ထားသည့် အဆောက် အအုံ များတွင် ပညာ သင်ကြားပေး ခဲ့သည်။ နှစ်စဉ်ပင် ပြင်ဆင်မှုများ ပြုလုပ် နေခဲ့ရသည်ဟု သိရသည်။ GGA အစီအစဉ်ဖြင့် စာသင်ခန်း ရှစ်ခန်းပါ နှစ်ထပ်ကျောင်းဆောင်၊ ကျောင်းသုံး ပရိဘောဂများနှင့် အခြားသော လိုအပ်ချက်များ ကိုပါ ဖြည့်ဆည်း နိုင်မည် ဖြစ်ပြီး ယင်းကူညီမှုသည် ကျောင်းသားများ၏ ပညာရေးပိုမို အဆင်ပြေရန် သာမက မြန်မာ - ဂျပန် ချစ်ကြည်ရေး ခိုင်မာမှုကိုပါ ရည်ရွယ်ကြောင်း သတင်း ထုတ်ပြန်ချက်တွင် ဖော်ပြထားသည်ဟု ၂၀၀၈ ခုနှစ် ဇန်န၀ါရီ ၉ ရက်နေ့ထုတ် Weekly Eleven ဂျာနယ်တွင် ဖေါ်ပြ ထားပါသည်။
ရည်ညွှန်း - ခေတ်လူငယ်

မြိတ်မြို့ ကမ်းသာ

2008-01-11T23:32:00.000+06:30

မြိတ်မြို့ ကမ်းသာ

မြိတ်ကမ်းသာမှ ၊ ရှုတိုင်းလှသည်

မြို့ပြပင်လယ် ၊ ကြည်နှုးဖွယ်

မြူငွေ့မှုန်ဝေ ၊ တောတောင်တွေစိမ်း

လေပြည်ကမြူး၊ လှိုင်းကလူးသည်

ပျော်မြူးဖွယ်ရာ ပထော်ဦး ။ ။

ပထော်ပထက် ၊ ရင်ချင်းဆက်၍

ညီအစ်ကိုလို ၊ အချစ်ပိုသည်

မြိတ်ပျိုဖြူများ ကဲ့သို့တည်း ။ ။

တော်တော် ထိပ်ဖျား ၊ စေတီများနှင့်

တရားရိပ်ခို ၊ သက်ကြီးအိုတို့

နားခိုရာမှ၊ ပြန်လည် ”တ” လျက်

ငယ်ဘ၀ကို ၊ အောက်မေ့လိုသည်

နုပျိုလှပ ၊ ရှုမ၀တဲ့

မြို့ပြကမ်းသာ အလှကြောင့် ။ ။

ပုလဲရတနာ (၂)

2008-01-07T22:39:00.000+06:30

ပုလဲရတနာ (၂)

(စာရေးသူ - ခင်အောင်သန်း၊ မြန်မာ့ပုလဲ၊ မြိတ်မြို့)

ပုလဲတစ်လုံး၏ တန်ဖိုးကို ဖြစ်စေသော အချက်များ

ပုလဲတစ်လုံးအား တန်ဖိုး သတ်မှတ်ရာတွင် အောက်ဖော်ပြပါ အချက် (၇)ချက် ပေါ်တွင် အခြေခံ၍ ဆုံးဖြတ် ရပါသည်။

၁။ ပွင့်ရည် (အရည်အသွေး ) LUSTRE ။ ပြင်ပမှ အလင်းရောင်သည် ပုလဲသား အလွှာပါးလေးများ အတွင်းသို့ ထိုးဖောက် ၀င်ရောက် ရိုက်ခတ်၍ အလင်းပြန်ခြင်း ဖြင့် ပုလဲ တစ်လုံး၏ တောက်ပမှု အလင်း ဖြစ်ပေါ် စေခြင်းအား ပွင့်ရည်ဟု ခေါ်ပါသည်။ တန်ဖိုး သတ်မှတ်ရာတွင် အခြေခံရသည့် အချက်များ အားလုံးတွင် ပွင့်ရည်သည် အရေးကြီးဆုံး ဖြစ်ပါသည်။ ပွင့်ရည် မရှိသော ပုလဲ များသည် ထွန်းလင်း တောက်ပမှု မရှိဘဲ အရောင်မှိန်နေပါသည်။

၂။ ပုလဲ မျက်နှာပြင် ချောမွေ့ ပြေပြစ်မှု SURFACE QUALITY ။ ပုလဲ တစ်လုံးနှင့် တစ်လုံးမှာ မျက်နှာပြင်၏ အနေအထားပေါ်တွင် မူတည်၍ အရည်အသေးအားဖြင့် မတူညီနိုင်ပါ။ အနာအဆာ ကင်းသော ပုလဲများသည် ရှားပါးမှုကြောင့် အကောင်းဆုံးဟု သတ်မှတ်ခံရပြီး တန်ဖိုးအားဖြင့် ဈေးအလွန်ကြီးပါသည်။ မွေးပုလဲများသည် သက်ရှိ သတ္တ၀ါမှ ထုတ်လုပ်ရခြင်း ဖြစ်၍ အနာအဆာ တစ်မျိုးမျိုး ရှိနေတတ်ပါသည်။ စက်ရုံမှ ထုတ်လုပ် သကဲ့သို့ စင်းလုံးချောမရနိုင်ပါ။ ထိုအချက်သည်ပင်လျှင် သဘာဝ၏ ထိတွေ့မှု ဖြစ်သောကြောင့် ပုလဲ တစ်လုံးနှင့် တစ်လုံး ရာနှုန်းပြည့် မတူညီနိုင်သဖြင့် ပုလဲကို မြတ်နိုးသူများ တန်ဖိုးထားစရာ ဖြစ်ပါသည်။

၃။ ပုလဲသား အလွှာ၏ အထူအပါး NACRE QUALITY ။ ပုလဲသား အလွှာထုသည် ပွင့်ရည် LUSTRE ဖြစ် ပေါ်စေရန် အခြေခံကျသည့် အချက် ဖြစ်ပါသည်။ ပုလဲသား အလွှာ ထူပါးခြင်းသည် ပုလဲ၏ အရည်အသွေးကို ဆုံးဖြတ်နိုင်ရန် အထောက်အကူ ပြုပါသည်။ ပိုမိုတောက်ပသော ပုလဲ အများစုမှာ ပုလဲသားလွှာ ထူထဲမှု ရှိပြီး ပုလဲသားလွှာ ပါးနေပါက အရောင်မှာ မှိန်ပြီး ဖြူသော အရောင်အဆင်း ရှိနေပါသည်။ ပုလဲသားလွှာ ပါးနေပါက ပုလဲ၏ တန်ဖိုး ကျဆင်းနိုင်ပါသည်။ ပုလဲသားလွှာ ထူမှသာ ရာစုနှစ်များစွာ ခိုင်ခံ့နေပြီး ဆွဲဆောင်မှု ရှိသည့် အသွင်အပြင်ကိုလည်း ထိန်းထား နိုင်ပါသည်။ ပုလဲသားလွှာ ထူသည့် ပုလဲတိုင်းသည် တူညီသော ပွင့်ရည် မရှိနိုင်ပါ။ ပုလဲသားလွှာများ အတွင်း အလင်းဖောက်ထွင်း ၀င်ရောက်နိုင်မှုနှင့် ပုလဲသား အလွှာ အထပ်လေးများ အစီအစဉ် ကျနစွာ တည်ရှိနေမှုတို့ပေါ် မူတည်၍ ပွင့်ရည် မတူညီမှုကို ဖြစ်စေပါသည်။

၎။ အရွယ်အစား SIZE ။ တောင်ပင်လယ် ပုလဲများသည် အရွယ်အစား ကြီးသော ပုလဲများ ဖြစ်ပါသည်။ ပုလဲတစ်လုံးသည် သူ့အမျိုးအစားနှင့် သူ ရှိရမည့် အရွယ်ထက် ပိုမို ကြီးမားနေမည် ဆိုပါက ထိုပုလဲ၏ မက်မောဖွယ် ကောင်းသော ရှားပါးသည့် အရည်အသွေး ( Rarity ) ကြောင့် အမျိုးတူ ပုလဲများထက် တန်ဖိုး အားဖြင့် ပိုမို မြင့်မားလာမည် ဖြစ်ပါသည်။

၅။ ပုံသဏ္ဍာန် SHAPE ။ ပုလဲ၏ ပုံသဏ္ဍန် အပေါ် မူတည်၍လည်း တန်ဖိုးကို ဆုံးဖြတ်ပါသည်။ လုံးဝန်းသော ပုလဲများသည် တန်ဖိုး အမြင့်ဆုံး ရရှိနိုင်ပါသည်။

၆။ အရောင် COLOUR ။ တောင်ပင်လယ် ပုလဲ၏ အခြေခံအရောင်အဖြစ် ငွေရောင်နှင့် ရွှေရောင်ဟု နှစ်ရောင်သတ်မှတ်ပါသည်။ အခြေခံအရောင်ပေါ်တွင် ထပ်မံစိုးမိုးပြီး ရောယှက်ဖြစ်ပေါ်နေသော အရောင်ကွဲ များမှာ ပန်းရောင်၊ ရွှေအိုရောင်၊ ရွှေဝါရောင်နှင့် နို့နှစ်ရောင်တို့ ဖြစ်ပါသည်။ သက်တန့် ရောင်စဉ်ကဲ့သို့ မျက်နှာပြင်တွင် ရောင်စုံ ဖြာထွက်နေသော ပုလဲများသည် ဈေးအမြင့်ဆုံး ရစေသည်။

၇။ တူညီ လိုက်ဖက်မှု MATCHING ။ ပုလဲ တစ်လုံးနှင့် တစ်လုံး တိကျစွာ တူညီနိုင်ခြင်း မရှိပါ။ တူညီ လိုက်ဖက်မှုသည် လည်ဆွဲ သွယ်တန်းရာတွင် လည်းကောင်း၊ ပုလဲ တစ်လုံးထက် ပိုမိုသော လက်ဝတ် ရတနာ များ စီခြယ်ရာတွင် လည်းကောင်း၊ အထောက်အကူ ပြုသည်။ တူညီ လိုက်ဖက်မှု ရှိသည့် ပုလဲ တစ်လုံးစီကို ညီမျှသော အကျိုး ကျေးဇူး ဖြစ်ပေါ် လာအောင် ဖန်တီး ယူနိုင်မည် ဆိုလျှင် ထိုကဲ့သို့ တူညီ လိုက်ဖက်မှုကို MATCHING ဟု ခေါ်ပါသည်။

ဆက်လက် ဖော်ပြပါမည်။

ရေငန်ပုစွန်သားပေါက်များ မျိုးစိုက်ထည့်မှု ပြလုပ်ခြင်း

2008-01-07T15:49:00.000+06:30

ရေငန်ပုစွန်သားပေါက်များ မျိုးစိုက်ထည့်ခြင်း အခမ်းအနား
မြိတ်မြို့၌ ပြုလုပ်

တနင်္သာရီတိုင်းအတွင်း သားငါးကဏ္ဍ ထုတ်လုပ်မှုနှင့် သားငါးရိက္ခာဖူလုံပိုလျှံရေး၊ ရေသယံဇာတ တိုးပွားရေး စသည့် ရည်ရွယ်ချက်များဖြင့် မြိတ်ပင်လယ်ပြင်ရှိ ဒီရေရောက် သစ်တောများ အနီးတွင် ရေငန်ပုစွန် သားပေါက်နှင့် ငါးမျိုးများ စိုက်ထည့်ခြင်း အခမ်းအနားကို ၂၀၀၈ခုနှစ်၊ ဒီဇင်ဘာလ (၇) ရက်နေ့ (၀၉၃၀) နာရီအချိန် မြိတ်မြို့ ဆိပ်ငယ်ရပ်ရှိ မြို့မဆိပ်ကမ်း ဗောတံတားတွင် ကျင်းပပြုလုပ်သည်။

အခမ်းအနားတွင် တနင်္သာရီတိုင်း အေးချမ်းသာယာရေးနှင့် ဖွံ့ဖြိုးရေးကောင်စီ ဥက္ကဋ္ဌ ကမ်းရိုးတန်း ဒေသ တိုင်း စစ်ဌာနချုပ် တိုင်းမှူး ဗိုလ်ချုပ်ခင်ဇော်ဦးက အမှာစကား ပြောကြားပြီး တနင်္သာရီတိုင်း ငါးလုပ်ငန်း ဦးစီးဌာန တိုင်းဦးစီးမှူး ဦးမျိုးအောင်က ရေငန်ပုစွန် သားပေါက်များ ဒီရေတော အနီးတွင် မျိုးစိုက် ထည့်ခြင်းနှင့် ပတ်သက်၍ ရှင်းလင်း ပြောကြား ပြီးနောက် တိုင်းမှူးနှင့် ဌာနဆိုင်ရာများ၊ လူမှုရေးအသင်းအဖွဲ့ဝင်များ၊ ပြည်သူ လူထုများမှ မြိတ် ပင်လယ်ပြင်ရှိ ဒီရေရောက် တောများအနီးတွင် ရေငန်ပုစွန်သားပေါက်များ ၊ ငါး သားပေါက်များ မျိုးစိုက် ထည့်ခြင်း ဆောင်ရွက် ကြသည်။

မျိုးစိုက်ထည့်လိုက်သည့် သားပေါက်များ

မျိုးစိုက် ထည့်သည့် ရေငန်ပုစွန် သားပေါက်များနှင့် ငါးသားပေါက်များ၏ တန်ဖိုးမှာ ငွေကျပ် (၄၅)သိန်း တန်ဖိုးရှိပြီး ငါးလုပ်ငန်း ဦးစီးဌာနပိုင် လောင်းလုံးမြို့နယ် ၀မော် ရေငန်ပုစွန် သားပေါက်စခန်းမှ PL သားပေါက် ကောင်ရေ (၁၄.၄၄)သိန်း၊ ဗင်းတေ့ခ်ျ ကုမ္ပဏီ သားပေါက်စခန်းမှ PL သားပေါက် ကောင်ရေ (၁.၂)သိန်း၊ စုစုပေါင်း PL သားပေါက် ကောင်ရေ (၁၅.၆၄)သိန်းနှင့် ပြည့်ဖြိုးထွန်း ကုမ္ပဏီ၊ ကောင်းကောင်း ကုမ္ပဏီ စသည့် တို့မှ ဂဏန်းမဲ (၃၅၀၀) ကောင်၊ ကျောက်ငါး (၇၀၀) ကောင်၊ ကျောက်ပုစွန် (၁၀၀) ကောင်၊ ကင်းပုစွန် (၁၀၀) ကောင်တို့အား ပင်လယ်ပြင် ဒီရေရောက် တောများ အတွင်း မျိုးစိုက် ထည့်ပေးခဲ့ကြောင်း သိရှိ ရသည်။