မြိတ်မြို့တွင် အုပ်စုဖွဲ့ပြီး ကားမှန် ရိုက်ခွဲဖျက်ဆီးမှု ဒုတိယအကြိမ် ဖြစ်ပွားပြန်

၂၀၁၂ ရက်နေ့ အောက်တိုဘာလ ၃၁ ရက်နေ့ အလွန် နိုဝင်ဘာလ (၁)ရက်နေ့ နံနက် (၀၁း၃၀) အချိန်ခန့်၌ မြိတ်မြို့ ကန်ကြီးရပ်ကွက်နှင့် ရေပုန်းရပ်ကွက်ရှိ နေအိမ်များ အရှေ့တွင် ရပ်နားထားသော မော်တော်ကားများ၏ ရှေ့လေကာမှန်နှင့် နဘေးမှန်များအား အမည်မသိ လူငယ်တစ်စုမှ ရိုက်ခွဲဖျက်ဆီးမှု ဖြစ်ပွားခဲ့သည်။ 

ထို့သို့ လူငယ်တစ်စုမှ ရမ်းကားစွာ ကားမှန်များ ရိုက်ခွဲဖျက်ရှိမှုကြောင့် ရေပုန်းရပ်ကွက် ငြိမ်းချမ်းရေး (၂) လမ်းနေ ဦးချစ်ပွေ၏ ကင်တာအမျိုးအစား ကားအမှတ် ၈စ / ၆၈၀၀ မော်တော်ကား ဘေးမှန် ကွဲကြေခြင်း၊ ရေပုန်းရပ်ကွက် စည်ပင်သာယာလမ်းနေ ဒေါ်မိသီ၏ တောင်းအေ့စ် အမျိုးအစား ယာဉ်အမှတ် ၈/ဆ- ၄၁၄၉ မော်တော်ယာဉ် ရှေ့လေကာမှန် ကွဲကြေခြင်း၊ ကန်ကြီးရပ်ကွက် သာကေတ (၁)လမ်းနေ ဦးအာကာစိုး၏ မတ်တူးအမျိုးအစား ယာဉ်အမှတ် ၄ဂ/ ၉၁၈၃ မော်တော်ယာဉ် ရှေ့လေကာမှန် ကွဲကြေခြင်း စသည့် မော်တော်ယာဉ် (၃)စီးတွင် ဖြစ်ပွားခဲ့သည်။ 

မနက်ပိုင်း ရရှိသော သတင်းအရ ဖြစ်ပွားမှုမှာ မော်တော်ယာဉ် (၆)စီးထက် မနည်း ဖျက်ဆီးခြင်း ခံရနိုင်ကြောင်း နှင့် မော်တော်ယာဉ် ပိုင်ရှင်များအနေဖြင့် အမှုအခင်း မလုပ်လိုသဖြင့် အမှုဖွင့်ခြင်း မပြုလုပ် ခဲ့ကြောင်း သတင်း ရရှိသည်။ 

ယခင် (၁၀-၁၀-၂၀၁၂) ရက်နေ့တွင်လည်း အလားတူ ဖျက်ဆီးမှုမျိုး ဖြစ်ပွားခဲ့ပြီး မော်တော်ယဉ် (၁၅)စင်း ခန့် ဖျက်ဆီးခံခဲ့ရသည်။ ယခင် သတင်း ဖတ်ရှုရန် http://myeiknews.blogspot.com/2012/10/blog-post.html