မြန်မာ့မြေ လန်ပိကျွန်း ကျူးကျော်ခံနေ ရပြီလော

မြန်မာ့မြေ လန်ပိကျွန်း ကျူးကျော်ခံနေ ရပြီလော . . . 
မြန်မာတိုင်းရင်းမောင်နှမ မော်ကင်း တို့ မျိုးပျောက်တော့မည်လော . . .
ကယ်ရာမဲ့၊ တွယ်ယာမဲ့ ဖြစ်နေရှာသော မြန်မာ့ တောင်စွန်းဒေသ
သတင်းသစ်ဂျာနယ် မှ သတင်းထောက် အေးချမ်းမိုး ရေးသည်။

သတင်းသစ်ဂျာနယ် အတွဲ1၊ အမှတ် 38၊ 14-12-2012 သောကြာနေ့ထုတ် ဂျာနယ်တွင်ပါ၇ှိသော လန်ပိကျွန်း အကြောင်းက စိတ်ဝင်စားစရာဖြင့် ပြည့်နှက်နေသည်။ သဘာဝပတ်ဝန်းကျင် ထိန်းသိမ်းရန်၊ ကိုယ့်ရေမြေ တောတောင်တို့အား ကာကွယ်ထိန်းသိမ်းရန်၊ ၀ိသမ လောဘသားများ၏ အနိုင်ကျင့် စိုးမိုးမှု ပပျောက်စေရန်၊ အကျင့်ပျက်သူတို့ ပပျောက်စေရန်၊ မြန်မာတို့၏ သယံဇာတ များအား နည်းအမျိုးမျိုးနှင့် ဂုတ်သွေးစုပ် နေမှုများအား ၀ိုင်းဝန်း ထိမ်းသိမ်းကြစေလိုရန် ရည်ရွယ်၍ မူရင်း စာသားများအား အနှစ်ချုပ်ပြီး ဖော်ပြပေးပါမည်။

- မြန်မာနိုင်ငံ၏ လူမျိုးများထဲတွင် မြန်မာသာမက ကမ္ဘာကပါသိသော ပင်လယ်ပျော် မော်ကင်းလူမျိုးတို့မှာ  ကျန်မာရေး၊ ပညာရေး ချို့တဲ့သည့် အပြင် မှတ်ပုံတင်ပင် မရှိသည့် အတွက် လူမျိုးပါ ပျောက်မည့် အရေးနှင့် ရင်ဆိုင်နေရခြင်း။

- ဆလုံ ခေါ် မော်ကင်းတို့၏ မြေသည် 1966 မှစပြီး မြန်မာနိုင်ငံ၏ တစ်ခုတည်းသော အဏ္ဏ၀ါ အမျိုးသား ဥယျာဉ်အဖြစ် သတ်မှတ်ခြင်း ခံရသော လန်ပိကျွန်း ဖြစ်သည်။ လန်ပိကျွန်းဟာ တနင်္သာရီတိုင်း ဒေသကြီး ဘုတ်ပြင်း ဒေသမှ မိုင် 40၊ မြိတ်မြို့မှ မိုင် 90၊ ကောသောင်းမှ မိုင် 60 ရေလမ်းဖြင့် သွားရောက်ရသော အဖိုးမဖြတ်နိုင်သည့် မြန်မာတို့၏ ဒေသဖြစ်ခြင်း။

- လန်ပိကျွန်းသည် အမြဲစိမ်းသစ်တော 22 ရာခိုင်နှုန်း၊ ဒီရေတော 2 ရာခိုင်နှုန်း၊ သဲသောင်သစ်တော 1ရာခိုင်နှုန်း၊ ရေသယံဇာတ 75 ရာခိုင်နှုန်း ဖြစ်ပြီး အကျယ်အ၀န်းအားဖြင့် 79 ဒသမ 9 မိုင်၊ ပေ 1500 အထက် တောင်များဖြင့် စုဖွဲထားပြီး ဆလုံလူမျိုးတို့ နေထိုင် ကျက်စားရာ ဒေသဖြစ်ခြင်း။

- လန်ပိကွန်းတွင် သန္တာကျောက်တန်း၊ ပင်လယ်မြက်ခင်း၊ ဒီရေတော၊ ရေချိုရေငန်၊  ရွှံ့နွံ့တောများ သာမက အပင်အမျိုးအစား 195 မျိုး (ကညင်နီ၊ ကညင်ဖြူ၊ ကညင်ရွက်သေး၊ သေခံ၊ ဦးပယ်၊ သင်္ကန်း၊ တောင်ဖြူ၊ ဟင်းချိုကြီးစသောအပင်ကြီးမျိုးများ)၊  ဒီရေတော အမျိုးအစား 69 မျိုး၊ နို့တိုက် သတ္တ၀ါ 19 မျိုး၊ ဖွတ် 228 မျိုး၊ တွားသွားသတ္တ၀ါ 19 မျိုး၊ ကုန်ရေနေသတ္တ၀ါ 10 မျိုး၊  ခရု၊ ဂုံး၊ ကမာ၊ ယောက်သွားအမျိုး 50၊ ပင်လယ်ရေညှိ 73 မျိုး၊ ပင်လယ်ငှက် 11 မျိုး၇ှသည်။ ပသျှူးသင်းခွေချပ်၊ ရေ၀က်၊ ကဏန်းစားမျောက်၊ ခြေသည်ငယ်ဖျံ  စသည့် ရှားပါးသတ္တ၀ါများမှာ လန်ပိကျွန်း တွင်ရှိပြီး မျိုးတုန်းပျောက်ကွယ်မည့် ရန်နှင့်ရင်ဆိုင်နေရခြင်း။

- လန်ပိကျွန်းရှိ ပင်လယ်ပျော် ဆလုံ(ခ)မော်ကင်း လူမျိုးတို့သည် အင်အားကြီး လူမျိုးစုများ  တစ်တစ်စ ၀င်ရောက်လာမှု၊ အခြား လူမျိုးများနှင့် အိမ်ထောင်ကျမှု၊ ရေကြည်ရာ မြက်နုရာေ၇ွှ့ပြောင်နေထိုင်မှု တို့ကြောင့်  လွန်ခဲ့သော 7 နှစ်ခန့်က နေထိုင်သော ဆလုံ လူမျိုးတို့ဟာ နည်းပါးလာပြီး မြန်မာ ကရင်အိမ်ထောင်စုများ 2 ဆကျော်များပြားလာခြင်း။

- အသိပညာ ရှာဖွေမှု အခွင့်အရေး အားနည်းသော စိတ်ရင်းဖြူသော  ဆလုံတိုင်း ရင်းသားများ ၇ှိရာသို့ စီးပွားေ၇းသမားများ ရောက်ရှိလာပြီး  ကဘန်းခေါ်ေ၇ှးဆလုံ အိမ်လှေကြီးများကို ၀ယ်ပြီး ဆလုံ လူမျိုးများကို  ကင်းမွန်မျှားရန် အငှားပြန်ချကြပြီး ကင်းမွန်မျှားရာတွင် မျှားမည့်နေရာ ရောက်မှသာ  အစားအစာ ထုတ်ပေးခြင်းခံနေရပြီး မူးယစ်ဆေးဝါး ၀ါးမျိုခြင်း ခံရသော ဆလုံအမျိုးသား ရှားပါးလာခြင်းကြောင့်  အမျိုးသမီးနှင့် ကလေးငယ်များသာ ထိုအလုပ်ကို လုပ်ကိုင်နေ၇ပြီး လုပ်ငန်းရှင်များ ထံသို့ ထက်ဝက်ဈေးဖြင့် မဖြစ်မနေေ၇ာင်းချနေရခြင်း အပြင်  အမိမြေ လန်ပိကျွန်းသို့  အိမ်နီးချင်း ထိုင်နိုင်ငံမှ တရားမ၀င် စီးပွားရှာမှုကြောင့် ဂေဟစနစ်မှာ တစ်နှစ်ထက် တစ်နှစ် သိသာစွာ ယိုယွင်းလာခြင်း။

- တစ်ခြားနိုင်ငံမှ တ၇ားမ၀င် သစ်ခိုထုတ်ခြင်း၊ ရေသယံဇာတများ ဖမ်းဆီးခြင်း၊ မိုင်းခွဲ ငါးဖမ်းခြင်း များကြောင့် သန္တာကျောက်တန်း များပင် ပျက်စီးနေခြင်း။

- အမိမြေ လန်ပိကျွန်း ဂေဟစနစ် ပျက်ယွင်းလာမှုကို ထိုကျွန်းသို့ ကိုယ်တိုင် သွားလာ လေ့လာသူ သဘာဝ ပတ်ဝန်းကျင် ပညာရှင် ဒေါက်တာစောမွန်သိမ့်က ပြောကြားရာတွင် - - -
- မြန်မာနိုင်ငံရဲ့ အဏ္ဏ၀ါ အမျိုးသားဥယျာဉ်ဟာ marine Resources ပေါကြွယ်ဝလို့ ကျွန်မတို့ အမြဲဂုဏ်ယူခဲ့ရတဲ့ နေရာပါ။  ဒါပေမယ့် အခုတော့ marine resources တွေဟာ တကယ့်ကို မျိုးတုန်း ပျက်စီးတော့မယ့်  အခြေအနေ အဖြစ် ခြိမ်းခြောက်ခံနေရပါပြီ၊ ကမ္ဘာမှာ ဒိုင်နိုဆောတွေ ပျောက်ကွယ်သလို ပျောက်ကွယ်တော့မယ့်  အပင် မျိုးစိတ်တွေ နေစဉ် ခုတ်လှဲခံနေရပါတယ်။ ကျွန်မတို့ သတိမပြုမိဘဲ မထိမ်းသိမ်းရင်မဖြစ်တော့တဲ့ အခြေအနေကိုရောက်နေပါပြီ တဲ့၊ - အဏ္ဏ၀ါါဥယျာဉ်ကို ကာကွယ်စောင့်ရှောက်ဖို့ 22 ဦးရှိတယ်လို့  ဌာနမှ ထုတ်ပြန်ချက်တွေမှာ တွေ့ရပေမယ့် တကယ့်လက်တွေ့ ရောက်သွားတော့ မ၇ှိဘူး။  အခုလိုဘာကြောင့် တစ်ဖက်နိုင်ငံက လူတွေလာပြီးလုပ်နေကြသလဲ၊ တရားဥပဒေ စိုးမိုးမှု ထုတ်ပြန်ထားတဲ့ ဥပဒေ တွေမစိုးမိုးလို့ပါ။ တရားမ၀င်  လုပ်ကိုင်နေသူတွေ ကိုယ်တိုင်က အဲ့ဒီနေရာရဲ့ အုပ်ချုပ်ရေးမှူးတွေဖြစ်နေတာ တွေ့ရတယ် လို့ ဒေါက်တာစောမွန်သိမ့်က ပြောပြပါတယ်။

- ထိုပြင် စာရေးသူ အေးချမ်းမိုး ကလည်း -- မော်ကင်းတို့၏ အမိမြေသည်လည်း  တရားမ၀င် သစ်ခိုးထုတ်မှုများ၊ တရားမ၀င်ငါးဖမ်းမှုများ၊  တရားမ၀င် ရေသယံဇာတများ ကုန်ကူးမှုတို့ကြောင့် မျိုးစိတ်များကွယ်ပျောက် ရာမှ ကျွန်းတစ်ခုလုံးပါ ကွယ်ပျောက်မည့် အန္တရာယ်ကို ရင်ဆိုင်နေရပြီဖြစ်သည်။  ထို့ကြောင့် သဘာဝဓလေ့၊ လူမျိုး၊ သဘာဝဥယျာဉ် စသည်တို့ မပျောက်ကွယ်စေရန် တာဝန်ရှိသူများမှသည်  စာဖတ်သူများပါ ထိန်းသိမ်းကာကွယ်စေရန် ရည်ရွယ်ပြီးေ၇းသားလိုက်ရပါသည် လို့တွေ့ရပါသည်။

-ထို့ကြောင့် ကျွန်တော်တို့ နိုင်ငံသည် မြေပေါ်မြေအောက်၊ ရေ သယံဇာတများ လွန်စွာပေါကြွယ်ဝသောကြောင့် ထိုကဲ့သိုသော အထင်ကရ၊ ၇ှားပါးနေရာများတွင် ၀်ိသမာ လောဘ၊ ကိုယ်ကျိုးကြည့်သူ  တွေကြောင့်မည်မျှပင် ပျောက်ကွယ်နေမည်လဲဆိုသည်မှာ တွေးပင်မတွေးတက်အောင် ၇ှိခြင်းကြောင့် တိုင်းပြည်နှင့် လူမျိုးအတွက် တစ်စိတ် တစ်ဒေသက  ကူညီနိုင်မည့်သူများ သိရှိပြီး ကာကွယ်ပေနိုင်ရန် စေတနာဖြင့် တင်ပြလိုက်ပါတယ်။