မြိတ်မြို့မှ ကျားအက သိမှတ်ဖွယ်ရာ

မြိတ်ဒေသတွင် ကျားက ကခြင်းကို မြန်မာ နှစ်ဆန်း တန်ခူးလ ၌ ကလေ့ရှိကြောင်း မှတ်တမ်းများအရ သိရသည်။ မှတ်တမ်း တစ်ခု ၏ အဆိုအရ ပလောရိုးရာ ဟု ဆိုသလို၊ အချို့ က ပသျှူးတို့ ၏ အကဟု ဆိုကြသည်။ သမန်းကျားအကဟုလည်း ဆိုကြပြန်ရာ အထက်အညာ ထမံသီဘက်မှ သမန်းကျားအကနှင့် မည်သို့ဆက်နွယ် သနည်းဟု စဉ်းစားမိရပြန် ပါသည်။ မည်သည့် အဆက်အနွယ် ဖြစ်စေ ကျားက၏ ထူးခြားမှုများကတော့ မှတ်သားဖွယ်ဖြစ်သည်။ 

 

ယခင်က နှစ်စဉ် တန်ခူးလဆန်း ၇ ရက်နေ့တွင် စတင်၍ ငါးရက်ကြာ ကျင်းပလေ့ရှိသည်ဟု မှတ်တမ်းတစ်ခု၌ တွေ့ရသည်။ မြိတ်ရောက်၍ ကျားက ကမည့် သူများနှင့် ဆုံရသောအခါ ကျားဆေး ထိုးခြင်း ဟူသည့် ကိစ္စကို သိရပြန် သည်။ ကျားဆေးထိုးထားသူ ကသာ ကျားက ကကြသည်ဟု သိရသည်။ ကျားဆေး ထိုးခြင်းမှာလည်း ကျားဆေး ဆရာက ကန်တော့ပွဲ ပူဇော်ပွဲများနှင့် ထိုးပေး သည်ဟု ဆိုကြသည်။

 
ကျားဆေးထိုး ထားသော ကျားက ကသူများသည် ကျားက မကမီ၌ ကျားအရေခွံနှင့် အလားသဏ္ဍာန် တူသည့် အ၀ါ အနက် အနီ အစင်း ကြားများကို ခန္ဓာကိုယ်တွင် သုတ် လိမ်းရသည်။ ကျားဆိုင်း ၊ ဗုံယကွင်း တို့တီးကာ ကျားက ကသည်။ ကျားစိတ်ဝင်ကာ တွေ့ရာ ကိုက် ရာ ကျားက သူ ခံတွင်း၌ သံပရာသီးငုံကာ ကသည်။ မီးခိုး မှိုင်းတိုက်၍ ကျားစိတ်ကို နုတ်ရသည်။ ကျားကဲ့သို့ မာန်တက်ကာ ကသော ကျားကပွဲမှာ ကျားထိန်းများက ချူပ်နှောင် ထိန်းပေးရသည်။ ကျားက ကရင်း ကျားစိတ်ဝင်သူမှာ ဘေးမှ ကိုက်စရာ ကုတ်စရာမရှိလျှင် ကိုယ့်ကိုယ်ကိုယ် ကုတ်ကိုက်သည် အထိ ကျားမာန် တက်သော ကပွဲဖြစ်ပေသည်။ ကျားက ပွဲကြည့် ပရိသတ်ထဲ၌ ကျားဆေးထိုးထား သူရှိလျှင် ထိုသူလည်း ကျားစိတ်ဝင်ကာ က၀ိုင်းထဲ ၀င်လာတတ်သည်ဟုလည်း ဆိုပေရာ ကျားဆေးထိုးထားသူများ ကျားကပွဲတွင် ၀ိုင်းဘေးသို့ မလာဘဲ ရှောင်ပြေး တတ်ကြသည်ဟု ဆိုပေသည်။ မြိတ်တွင် ကျားကပွဲများ အတွေ့ ရနည်းလာပြီ ဟုလည်း ဆိုကြလေသည်။

စိန်မျိုးမြင့်၏ မြိတ်ကျွန်းစု အလှများဆီသို့ စာအုပ်မှ ကောက်နုတ်ဖော်ပြသည်။

Ye Thurein Min FB မှ ရေးသားဖော်ပြချက်အား ထပ်မံ ကူးယူ ဖော်ပြပါသည်။ 

ဓာတ်ပုံမှာ ပုလောမြို့နယ်မှ ကျားအက ဖြစ်ပါသည်။

Video link http://www.facebook.com/video/video.php?v=210369965669621