အရှေ့မော်တုန်းကျေးရွာတွင် ပေါက်ကွဲမှုတစ်ခုဖြစ်ပွားခဲ့

တနင်္သာရီမြို့နယ် အရှေ့မော်တုန်းကျေးရွာအုပ်စု အရှေ့မော်တုန်းရွာ၌ ဇူလိုင်(၃၁)ရက်နေ့ နံနက် (၁၁)နာရီခန့်တွင် မစိုးဌေး(ခ)မပျော့ (အဘ)ဦးစောတင် ၏နေအိမ်၌ ပေါက်ကွဲမှုတစ်ခုဖြစ်ပွားခဲ့သည်။

မစိုးဌေး(ခ) မပျော့သည် လွန်ခဲ့သော (၃)နှစ်ခန့်က မြစ်ချောင်း အတွင်း ခရုငုတ်စဉ် အရှည် (၁) ပေ လုံးပတ် (၈)လက်မ ခန့်ရှိသည့် သံပိုက်လုံး (တစ်)လုံး ကောက်ရခဲ့သဖြင့် မိမိနေအိမ်၏ အောက်တွင် ထားရှိခဲ့ ကြောင်း၊ ဇူလိုင်(၃၁)ရက်နေ့ နံနက်(၁၁း၀၀) နာရီချိန်ခန့် ၀က်စာပြုတ်စဉ်မီးဖိုနံဘေးတွင် ထိုပိုက်လုံးကို ချထားခဲ့ရာမှ ပေါက်ကွဲထွက်ပြီး မစိုးဌေး(ခ)မပျော့၏ ၀ဲဘက်ပေါင်၌ (၂) လက်မခန့် ပြတ်ရှဒဏ်ရာ ရရှိခဲ့သည်။

အဆိုပါ ပိုက်လုံးပေါက်ကွဲရာမှ ကျန်ရှိသော သံကြွပ် အပိုင်းအစများကို တာဝန်ရှိသူများသို့ သွားရောက် ပြသရာ တာဝန်ရှိသူများ စစ်ဆေးချက်အရ ဂျပန်ခေတ်စစ်တပ်၌ အသုံးပြုသည့် တင့်ကား ဖျက်မိုင်းဟု သိရှိရ သည်။ ဒဏ်ရာ ရရှိသော မစိုးဌေး(ခ)မပျော့ အား တနင်္သာရီ မြို့နယ်ပြည်သူ့ဆေးရုံတွင် အတွင်း လူနာအဖြစ် ကုသလျက်ရှိပြီး အသက် အန္တရာယ် မစိုးရိမ်ရကြောင်း သတင်းရရှိသည်။

IPRD MYEIK