--------------------------------
မြိတ်မြို့နှင့် ကျွန်းစုမြို့တို့တွင် ဖွင့်လှစ်ထားသည့် ရေကြောင်းလူငယ် သင်တန်း အခြေခံနှင့် တန်းမြင့် သင်တန်းမှ သင်တန်းသား သင်တန်းသူများသည် လေ့လာရေး ခရီးနှင့် စခန်းပေါင်းစုံ ပြိုင်ပွဲ ယှဉ်ပြိုင်ရန် အတွက် တပ်မတော် လေယာဉ်ဖြင့် ၀၉၃၀ အချိန်တွင် ရန်ကုန်မြို့သို့ ထွက်ခွာခဲ့ကြောင်း သိရသည်။
အဆိုပါ သင်တန်းသားများသည် ရန်ကုန်မြို့ရှိ အမှတ်(၁) စစ်ကြောရေးနှင့် တည်းခိုရေး စခန်း၌ နေထိုင်ပြီး စခန်းပေါင်းစုံ ရေကြောင်းလူငယ် သင်တန်းသူ သင်တန်းသားများမှ မိမိတို့ လေ့လာသင်ကြားထားသည့် စွမ်းရည်များ ယှဉ်ပြိုင်မည် ဖြစ်ကြောင်း သိရသည်။
၎င်းအပြင် ရန်ကုန်မြို့ရှိ တန်ခိုးကြီး ဘုရားများနှင့် အပန်းဖြေ အနားယူမည့် နေရာများ ၊ စခန်းများနှင့် ရေတပ် လေ့ကျင့်ရေးကျောင်း ၊ ရေတပ် သင်္ဘောကျင်း ဌာနချုပ်များသို့ သွားရောက်လေ့လာမည် ဖြစ်ကြောင်း သတင်းရရှိသည်။
No comments:
Post a Comment