မြိတ် သြဂုတ် ၁၆ ရက်
ပြည်သူများအတွက် ၀န်ဆောင်မှုများ မြန်ဆန်စွာ ဆောင်ရွက်ပေးနိုင်စေရေးအတွက် ပြည်သူ့ဝန်ဆောင်မှု ရုံးကို မြိတ်မြို့ ရုံးတောင်လမ်း အထွေထွေအုပ်ချုပ်ရေး ဦးစီးဌာနပိုင် အဆောက်အဦတွင် သြဂုတ်လ(၁၂)ရက် နေ့မှ စတင်၍ ဖွင့်လှစ်ခဲ့ရာ စက်တင်ဘာလ(၁၆)ရက် နံနက်(၁၁း၃၀)နာရီက ပြည်ထဲရေးဝန်ကြီး ဌာန ဒုတိယ၀န်ကြီး ဗိုလ်မှူးချုပ် ကျော်ဇံမြင့်သည် အထွေထွေအုပ်ချုပ်ရေး ဦးစီးဌာန(ရုံးချုပ်)မှ ဒုတိယ ညွှန်ကြားရေးမှူးချုပ် ဦးတင်မြင့်၊ ဌာနဆိုင်ရာ တာဝန်ရှိသူများ နှင့်အတူ လာရောက်ကြည့်ရှုစစ်ဆေးခဲ့သည်။
ပြည်ထဲရေးဝန်ကြီးဌာန ဒုတိယ၀န်ကြီးမှ ပြည်သူ့ဝန်ဆောင်မှုရုံးတွင် ပြည်သူ့များအတွက် ၀န်ဆောင် မှုများ ဆောင်ရွက်ပေးလျက် ရှိသည့် ဌာနများမှ တာဝန်ရှိသူများအား ပြည်သူများ၏ အခြေခံလိုအပ်ချက် များအား ဖြည့်ဆည်း ဆောင်ရွက်ပေးရာတွင် အဆင်ပြေ ချောမွေစွာ ဖြည့်ဆည်းဆောင်ရွက်ရေး၊ လာဘ်ပေးလာဘ်ယူမှု အဂတိလိုက်စားမှုများ တားမြစ်၍ ထိရောက်သောဝန်ဆောင်မှု အလေ့အကျင့်များ ပြုစုပျိုးထောင်နိုင်ရေး၊ ပြည်သူများက အစိုးရဌာနဆိုင်ရာများအပေါ် အားကိုးယုံကြည်မှုတိုးပွားလာစေရေး၊ တာဝန်ထမ်းဆောင်နေ သောဝန်ထမ်းများ ဦးစီးဌာနအလိုက် အပြန်အလှန် ထိန်းကျောင်းမှုပြုနိုင်ရေးစတဲ့ ပြည်သူ့ဝန်ဆောင်မှုရုံး၏ ရည်ရွယ်ချက်(၄)ရပ်အတိုင်း အချိန်တိုအတွင်း ပြည်သူများ၏ လိုအပ်ချက်ကို ဆောင်ရွက်ပေးကြရန်နှင့် လုပ်ငန်းလိုအပ်ချက်များကို လမ်းညွှန်မှာကြားခဲ့ကြောင်း သိရှိရသည်။
ပြည်သူ့ ၀န်ဆောင်မှုများကို ဆောင်ရွက်ပေးရန် အထွေထွေ အုပ်ချုပ်ရေး ဦးစီးဌာန၊ မြန်မာနိုင်ငံရဲတပ်ဖွဲ့၊ ပြည်တွင်း အခွန်များ ဦးစီးဌာန၊ ငါးလုပ်ငန်း ဦးစီးဌာန၊ လျှပ်စစ်ဓာတ်အား ဖြန့်ဖြူးရေး လုပ်ငန်း၊ လူဝင်မှုကြီးကြပ်ရေးနှင့် အမျိုးသား မှတ်ပုံတင်ရေး ဦးစီးဌာန၊ကျန်းမာရေး ဦးစီးဌာန၊မြေစာရင်းဦးစီးဌာန၊ စည်ပင်သာယာရေး အဖွဲ့၊ မီးသတ် ဦးစီးဌာနတို့ စုပေါင်း၍ ပြည်သူများအား ၀န်ဆောင်မှုများ ရုံးလုပ်ငန်းများ မြန်ဆန်စွာဖြင့် သက်ဆိုင်ရာ ဌာနများအလိုက် သက်တိုင်ရာကဏ္ဍများတွင် လုပ်ထုံးလုပ်နည်းများနှင့်အညီ ၀န်ဆောင်မှု လုပ်ငန်းများ မြန်ဆန်စွာဆောင်ရွက် ပေးဆောင်ရွက်ပေးလျက် ရှိသည်။
No comments:
Post a Comment