မွန်နဲ့ တနင်္သာရီမှ အရာရှိကြီးများ ရခိုင်ကလေး တစ်ဦး အရေး သနား ဂရုဏာ ထား၍ ဖြေရှင်း ပေးစေလို

ရခိုင်ပြည်နယ် စစ်တွေမြို့နယ်မှ ရွှေ့ပြောင်းလာပြီး တနင်္သာရီ တိုင်းဒေသကြီး လောင်းလုံးမြို့နယ် ပြင်ကြီးကျေးရွာ ရော်ဘာခြံ (ဦးရွှေရိုးခြံအနီး)တွင် ခြံစောင့် အလုပ်သမားများဖြစ်ကြသော ဦးနီထွန်းဦးနှင့်  ဒေါ်အေးသန်းနုတို့၏ တစ်ဦးတည်းသော သားဖြစ်သူ မွေးသက္ကရာဇ် ၁၃၅၈-ခုနှစ်ဖွား အသက် ၁၆နှစ်ရှိ မောင်နိုင်ဇော်သန်း(ခ) မောင်မောင်ဦးကို ခြံပိုင်ရှင်ဖြစ်သော မွန်ပြည် နယ် ချောင်းဆုံမြို့နယ် ဘီလူးကျွန်း ဘိုနက်ကျေးရွာနေ ဦးကျော်မင်းထွန်း(အဖ-ဦးထွန်းရွှေ)သည် ၁၃၇၃-ခု၊ တန်ခူးလဆန်း(၁၀)ရက်၊ ကြာသပတေးနေ့တွင် လိမ်လည်လှည့်ဖြား ခေါ်ဆောင်သွားကာ ထိုင်းနိုင်ငံတစ်နေရာတွင် ရောင်းစား ထားသည်ဟု သိရပါသည်။

မိဘနှစ်ပါးသည် သားဖြစ်သူနှင့် (၁၁)လကြာ အဆက်အသွယ် ပြတ်နေပါသဖြင့် သက်ဆိုင်ရာ
တာဝန်ရှိသူများ အနေဖြင့် အမြန်ဆုံးဆောင်ရွက်ပေးနိုင်ပါရန် အသနားခံ တင်ပြအပ်ပါသည်။

မိဖနှစ်ပါး


နိရဉ္စရာ http://www.narinjara.com/burmese/?p=4541 မှ ကူးယူဖော်ပြပါသည်။