သက်ဆိုင်ရာမှ ကူညီဆောင်ရွက်ပေးပါရန် မြိတ်မြို့ ကန်ဖျားရပ် မြေနီလမ်း နံဘေးတွင် ရှိသော ယခင်က ဓနိတောမြေ ယခု မြက်ခြံကြီးအား ပိုင်ဆိုင်သော ပိုင်ရှင်များမှ G1 G2 မြေအမျိုးအစားများအား အိမ်ယာ အကွက် ရိုက် ရောင်းချနေ ပါသည်။ ယခုလို မြေဖို့ အကွက်ဖော် ရောင်းချခြင်းသည် မြေပိုင်ရှင်များ အတွက်သာ အကျိုးစီးပွား ဖြစ်ထွန်းစေ ပါသည်။ မြေနီလမ်းနေ ပြည်သူများ အတွက်တော့ ပျက်စီးဆုံးရှုံးမှု များစေပါသည်။
 |
| ကန်ဖျားရပ် မြေနီလမ်း မိုးတွင်းကာလ ရေကြီးနေစဉ် |
|
အဘယ်ကြောင့်ဆိုသော် အကွက်များ မြေဖို့ခြင်းကြောင့် ယခင်ကတည်းက ရေဆင်းမြောင်း နည်းပါးပြီး မိုးရွာသွန်းသည့် အချိန်တိုင်း ရေကြီးရေလျှံခြင်းများ နှစ်စဉ် ဖြစ်ပေါ်နေရပါသည်။ ယခုလို မြေကွက်များ မြေဖို့ခြင်း၊ လမ်းများ မြေဖို့ခြင်းများကို စည်းကမ်း စနစ်ကျနစွာ ဆောင်ရွက်ခြင်း မရှိသောကြောင့် ရေစီးရေလာ ကောင်းမွန်ရေး အတွက် ရေစီးမြောင်းပင် မရှိသည့် အခြေအနေ ရောက်ရှိနေပါသည်။
ထိုသို့ ပြုလုပ်နေသည်ကိုလည်း သက်ဆိုင်ရာ အုပ်ချုပ်ရေးအဖွဲ့၊ စည်ပင်၊ မြေစာရင်း စသည့် ဌာနများမှ တားမြစ်ခြင်း မရှိပါ။ ထိုသို့ သက်ဆိုင်ရာမှ တားမြစ်ခြင်း၊ ကြပ်မတ်ခြင်း မရှိသည့် အတွက် ကန်ဖျားရပ် မြေနီလမ်းသည် မိုးရာသီ ရောက်ရှိတိုင်း ရေကြီးရေလျှံမှု အမြဲတမ်း ဖြစ်ပေါ်နေမည်ဖြစ်ပါသည်။ သို့ဖြစ်ပါ၍ သက်ဆိုင်ရာ တာဝန်ရှိသူများမှ တားမြစ် ကြီးကြပ် ဆောင်ရွက်ပေးနိုင်ပါရန် တင်ပြအပ်ပါသည်။
မြေနီလမ်းသူလမ်းသားများ
ဓာတ်ပုံအား ko ye fb မှ ရယူပါသည်။
