ပြည်ပပို့ကုန် အမယ်သစ်ဖြစ်သော ပင်လယ်ရေမှော် မွေးမြူရေး လုပ်ငန်းအား ပိုမိုလုပ်ကိုင်လျက်ရှိ
ရန်ကုန် ဇူလိုင် ၆
မြန်မာနိုင်ငံ အပါအဝင် ပင်လယ်သမုဒ္ဒရာနှင့်နီးသော ကမ္ဘာတစ်ဝန်းရှိ နေရာဒေသ များတွင် ပင်လယ်ရေမှော် မွေးမြူခြင်းကို ပိုမိုလုပ်ကိုင်လျက် ရှိကြသည်။ ၎င်းပင်လယ်ရေမှော်သည် စားသောက်ကုန်လုပ်ငန်းများ အပြင် ဆေးဖက်ဝင်ပြီး ကျန်းမာရေးနှင့် ကိုက်ညီသောကြောင့် ယခုချိန်တွင် ၎င်းရေမှော်များ ဖြစ်ထွန်းရာ တနင်္သာရီ ကမ်းရိုးတန်းဒေသရှိ ကျွန်းစုများတွင် မွေးမြူနေကြသည်။
ပင်လယ်ရေမှော် မွေးမြူရေးလုပ်ငန်းသည် နှစ်တိုစီးပွားရေး လုပ်ငန်းဖြစ်သည့် အပြင် သဘာဝ ပတ်ဝန်းကျင်ကိုလည်း အထောက်အကူပေးသော လုပ်ငန်းတစ်ခု ဖြစ်သည်။ ၎င်းပင်လယ် ရေမှော်ခြောက် တစ်တန်လျှင် အမေရိကန်ဒေါ်လာ ၅ဝဝ ကျော်ရရှိပြီး ပင်လယ်ရေမှော် အမှုန့်တစ်တန်လျှင် အမေရိကန်ဒေါ်လာ ၃ဝဝဝ ကျော် ရရှိသောကြောင့် တွက်ခြေကိုက်ကာ ယခုချိန်တွင် တနင်္သာရီတိုင်း ဒေသကြီးရှိ စီးပွားရေး လုပ်ငန်းရှင်များက ပိုမိုမွေးမြူလာကြကြောင်း သိရသည်။
မြ၀တီသတင်းစာ
0 comments:
Post a Comment