၂၀၀၈ခုနှစ်၊ စက်တင်ဘာလ ၂၂ ရက်နေ့ ညနေ ၅နာရီခွဲအချိန်တွင် အိန္ဒိယ နိုင်ငံသား ရေမျော ဒုက္ခသည်(၆)ဦးသည် မြိတ်ခရိုင် ကျွန်းစုမြို့နယ် ကံမော်ကျေးရွာ မှတဆင့် တပ်မတော် ရေယာဉ် ဖြင့် မြိတ်မြို့ ဆိပ်ငယ်ရပ် ဘောတံတားသို့ ရောက်ရှိလာရာ မြိတ်ခရိုင်နှင့် မြိတ်မြို့နယ် အေးချမ်း သာယာရေးနှင့် ဖွံ့ဖြိုးရေး ကောင်စီမှ တာဝန်ရှိသူများက လက်ခံ၍ မြိတ်မြို့ အန္ဒရာဟိန္ဒူ ဘုရား ကျောင်းတွင် ပြုစု စောင့်ရှောက် ထားသည်။
အိန္ဒိယ နိုင်ငံသား(၆)ဦးမှာ အန္ဒိယနိုင်ငံ နယူးဒေလီမြို့ အက်ဒမန်မြို့နယ်ခွဲ ပို့ဘလဲယား ကျေးရွာသားများ ဖြစ်ကြပြီး ၂၀၀၈ခုနှစ်၊ စက်တင်ဘာ ၄ ရက်နေ့တွင် ၄င်းတို့ရွာမှ အနောက်ဘက်သို့ စက်လှေခရီး (၁၄)နာရီကြာ သွားရသည့် အတွဲတမန်းကျွန်း ပင်လယ်ပြင်တွင် စက်လှေအစီး(၂၀) ခန့်ဖြင့် ငါးဖမ်းနေစဉ် စက်တင်ဘာ ၅ ရက်နေည ၁၁ နာရီခန့်၌ မုန်တိုင်းကျရောက်ကာ ပင်လယ်ပြင်သို့ မျှောပါသွားသည်။
ထိုသို့ ပင်လယ်ပြင်တွင် ၁၁ ရက်ခန့်ကြာ မျောပါနေပြီး စက်တင်ဘာ ၁၆ ရက်နေ့ နေ့လည် ၁၁ နာရီခန့်တွင် အဆိုပါ ရေမျော ဒုက္ဓသည်(၆)ဦးအား မြိတ်ခရိုင် ကျွန်းစုမြို့နယ် ကံမော် ကျေးရွာနေ ဦးစိုးဝင်း ငါးဖမ်းစက်လှေမှ ကျွန်းစုမြို့နယ် ပြင်စဘုကျွန်းအနီး ရေပြင်တွင် ငါးဖမ်းရန်အတွက် ပိုက်တန်းချနေစဉ် တွေ့ရှိ ကယ်ဆယ်ခဲ့ကာ ကံမော်ကျေးရွာ အေးချမ်း သာယာရေးနှင့် ဖွံ့ဖြိုးရေး ကောင်စီသို့ ခေါ်ဆောင် အပ်နှံပေးခဲ့သည်။
၎င်းအန္ဒိယ နိုင်ငံသား(၆)ဦး၏ ငါးဖမ်းစက်လှေမှာ ဖိုင်ဘာလှေ အမျိုးအစား( အ၀ါရောင် ဆေးသုတ်ထား) ဖြစ်ကာ အလျား(၂၄)ပေ၊ အနံ (၄.၅)ပေ၊ ဇောက် (၄.၅)ပေဖြစ်ပြီး စက်လှေတွင် (World Vision) စာတန်းပါရှိကာ အိန္ဒိယ အင်ဂျင်စက် အမျိုးအစား ၀မ်းထိုင်(၁)လုံး တပ်ဆင်ထားပြီး စက်မှာ ကောင်းမွန်လျက် ရှိသည် သိရသည်။
အိန္ဒိယ နိုင်ငံသား(၆)ဦးမှာ (၁) ဘီနပ်သာချီ (၄၅)နှစ် (ဘ)ဘီယာထရာ၊ (၂) အာဒနာ (၃၉)နှစ် (ဘ) အာဂျန်ဂျာမဒါ၊ (၃) အာဗလာရာဂျိုး (၁၈)နှစ် (ဘ) ဘာရောဒရာ၊ (၄) ဘီရာဂျာရအို (၃၅)နှစ် (ဘ) ဘီမုနီ ၊(၅) ဘီကမာဂျူး (၁၇)နှစ် (ဘ) ဘာရာဂျာရအို၊ (၆)ပီပတ်လေးရိ (၄၆)နှစ် (ဘ)ပီပိုင်ရေးကြီး ဖြစ်သည်။
0 comments:
Post a Comment