ယခင်က ငြိမ်းချမ်းမှု မရှိ၍ ဤဒေသသို့ သွားလာရန် ခက်လှသည်။ ယခု ဒေသ ငြိမ်းချမ်းပြီး ဒေသခံ ပြည်သူတို့ စီးပွားရေး အခွင့် အလမ်း၊ လူနေမှု အဆင့် အတန်း ကို မြှင့်တင် နိုင်အောင် ဆောင်ရွက် နိုင်တော့မည် ဖြစ်ရာ မြိတ်မြို့မှ မောတောင် ဒေသသို့ ဥဒဟို ၀င်ထွက် သွားလာ နိုင်တော့မည် ဖြစ်သည်။ နယ်မြေ အေးချမ်း လာသည်နှင့် အမျှ လမ်းပန်း ဆက်သွယ်ရေးများ တိုးတက် ကောင်းမွန် လာခဲ့ပြီ ဖြစ်သည်။ ပြီးခဲ့သည့် လက တနင်္သာရီ တိုင်းဒေသကြီး ၀န်ကြီးချုပ် ဦးဆောင်သည့် အဖွဲ့ဝင်များနှင့် အတူ မောတောင် နယ်စပ် ကုန်သွယ်ရေး စခန်းကို သွားရောက် ကြည့်ရှု ခဲ့ကြသည်။
မောတောင် အစည်းအဝေး ခန်းမတွင် ၀န်ကြီးချုပ်က မောတောင်တွင် နယ်စပ် ကုန်သွယ်ရေးဂိတ် ဖွင့်လှစ် သွားမည် ဖြစ်ကြောင်း၊ ယခင်က လုံခြုံရေးအရ သွားလာရေး မလွယ်ကူ ခဲ့သည့်အတွက် အုပ်ချုပ်မှုကို ဌာန ဆိုင်ရာများ မလုပ်နိုင်ခဲ့ကြောင်း၊ ယခုအခါ ငြိမ်းချမ်း လာပြီ ဖြစ်၍ နယ်စပ် ကုန်သွယ်ရေး လုပ်ငန်းများ စတင် လိုက်ပါက မမျှော်မှန်း နိုင်လောက်အောင် ဖွံဖြိုး လာမည် ဖြစ်ကြောင်း၊ နိုင်ငံခြားသားများ ၀င်ရောက်လာပြီး ခရီးသွား လုပ်ငန်းများလည်း ဖွံဖြိုး လာမည် ဖြစ်ကြောင်း၊ တဖက် နိုင်ငံတွင် အုပ်ချုပ်မှု ကောင်းမွန် သကဲ့သို့ မိမိ နိုင်ငံဘက် မောတောင် ဒေသတွင်လည်း အုပ်ချုပ်မှု ကောင်းမွန် လာမည် ဖြစ်ကြောင်း၊ ပြည်ထောင်စု အစိုးရကို တင်ပြပြီး ခွင့်ပြုချက် ရသည်နှင့် နယ်စပ် ကုန်သွယ်ရေး စခန်း ဖွင့်လှစ် သွားမည် ဖြစ်ကြောင်း၊ သက်ဆိုင်ရာ ဌာနများ အနေဖြင့် လိုအပ်သော အချက် အလက် များကို မြေပြင်တွင် လိုက်လံ ကြည့်ရှုပြီး ပြန်လည် တင်ပြ ကြရန် ဖြစ်ကြောင်း၊ ဒေသ ဖွံ့ဖြိုးရေး အတွက် ၀ိုင်းဝန်း ဆောင်ရွက် ကြရန် ဖြစ်ကြောင်း၊ ရေထွက် ပစ္စည်း များလည်း တင်ပို့မှု များပြားနိုင် သဖြင့် လိုအပ်ချက် များကို စစ်ဆေး တင်ပြရန် ဖြစ်ကြောင်း မှာကြား ခဲ့သည်။
ထို့နောက် ၀န်ကြီးချုပ်သည် မောတောင် အထွေထွေ အုပ်ချုပ်ရေး ဦးစီး ဌာန ရုံးသို့ သွားရောက်၍ ဒေသခံများ၊ ၀န်ထမ်းများနှင့် တွေ့ဆုံသည်။ ဒေသခံများ၏ လိုအပ်ချက် များ ကို ဖြည့်ဆည်း ဆောင်ရွက် ပေးသည်။ စာကြည့်တိုက်၊ အမျိုးသမီး ရေးရာ အဆောက် အအုံ များ ဆောက်လုပ်ရေး အတွက် အလှူငွေများ ရရှိအောင် ဆက်စပ် ပေးခြင်း၊ စာကြည့်တိုက်တွင် စာအုပ် စာတမ်းများ လှူဒါန်းခြင်း ပြုသည်။ ဒေသခံ များ၏ လိုအပ်ချက် များကို ဖြည့်ဆည်း ပေးရုံသာမက တရား ဥပဒေ စိုးမိုးရေး၊ နယ်မြေ ဒေသ လုံခြုံရေး၊ လူမှုရေး၊ ပညာရေး၊ ကျန်းမာရေး ကဏ္ဍအလိုက် လိုအပ်ချက် များကို ဖြည့်ဆည်း ဆောင်ရွက်ကြရန်၊ လမ်းပန်း ဆက်သွယ်ရေး ကောင်းမွန် စေရေး အတွက် မြိတ်- မောတောင် ဒေသ မော်တော် ကားလမ်း ပြုပြင် နေသည်ကို တွေ့မြင်ရသည်။
တနင်္သာရီ တိုင်းဒေသကြီး အတွင်း သာမက ဧရာဝတီ တိုင်းဒေသကြီး အတွင်း မှာပါ အထွေထွေ ကုန်ပစ္စည်း တင်ပို့ခြင်း၊ တင်သွင်းခြင်း ဆောင်ရွက် နိုင်ရုံ သာမက နယ်မြေ လုံခြုံရေး ကောင်းမွန် လာသည်နှင့် အမျှ ခရီးသွား လုပ်ငန်းပါ အောင်မြင် လာမည်ဖြစ်၍ မဖွံ့ဖြိုး နိုင်ခဲ့သော တောကြို အုံကြား ဒေသ တစ်ခု တစ်ဖွယ် ထင်မြင် ခဲ့ကြသော မောတောင် ဒေသသည် မကြာမီ ဖွံ့ဖြိုး လာပေတော့မည်။ ရေမီး အပြည့် အစုံ ရရှိရေး စီမံ ထားရှိ၍ မကြာမီ ထိန်ထိန်ညီး နေသော လျှပ်စစ် မီးရောင် အောက်တွင် မောတောင် တစ်ခွင်လုံး လင်းလက် တောက်ပ နေတော့မည်။
ညဘက်၌ တပို့တွဲ လဆန်း 10 ရက်၊ 11 ရက် ကာလများ ဖြစ်၍ မောတောင် တစ်ခွင်လုံး လရောင် ဆမ်း နေသည်ကို သတိ ပြုမိ သည်။ တောကြီး တောင်ကြီး ဒေသ ဖြစ်သဖြင့် တောင်အငွေ့၊ နှင်းငွေ့၊ မိုးငွေ့လေးများ မှုန်မှုန် ရစ်သန်း နေပြီး ပတ်ဝန်းကျင် လရောင်တွင် အအေး ဓါတ်ဖြင့် လွှမ်းခြုံ၍ နေသည်။ ပရစ် အော်သံ များကြားတွင် ရံခါ ညဥ့်ငှက် ကလေးများ၏ ပျံသန်း အော်မြည်သံ ကိုလည်း ဂရုပြုမိ သည်။ အေးချမ်း သာယာခြင်း၏ အရသာကို ကြည်ကြည်နူးနူး ခံစား လိုက်ရသည်။ ဒေသ အေးချမ်းခြင်းနှင့် အတူ မကြာမီ အချိန်အတွင်း အရှိန် အဟုန်ဖြင့် ဖွံ့ဖြိုး တိုးတက် လာတော့မည့် မောတောင် ဒေသ၏ မြို့ပြ အခြေ အနေကို မြော်တွေး မှန်းဆ နေမိ ပါတော့သည်။
စာရေးသူ - ညွန့်ဝေမောင် (ငါးလုပ်ငန်း )
(၄-၃-၂၀၁၃) ရက်နေ့ထုတ် ကြေးမုံသတင်းစာမှ ကူးယူ ဖော်ပြပါသည်။
(၄-၃-၂၀၁၃) ရက်နေ့ထုတ် ကြေးမုံသတင်းစာမှ ကူးယူ ဖော်ပြပါသည်။
0 comments:
Post a Comment