မြိတ်ခရိုင်အတွင်းရှိ မြိတ်၊ ကျွန်းစု၊ ပုလော၊ တနင်္သာရီ မြို့နယ်များရှိ ရိတ်သိမ်းရန်နှင့် ရိတ်သိမ်းစ စပါးစိုက်ခင်းများတွင် နိုဝင်ဘာလ နောက်ဆုံးပတ်နှင့် ဒီဇင်ဘာလ ပထမပတ်များအတွင်း အခါမဲ့မိုး များ ရွာသွန်းမှုကြောင့် စပါးများ ရိတ်သိမ်းရန် အခက်အခဲ ရှိခြင်း၊ ရိတ်သိမ်းပြီး စပါးများမှာလည်း ရေစို ပျက်စီး ဆုံးရှုံး မှုများ ရှိနေကြောင်း သိရှိရပါသည်။
မြိတ်ခရိုင်အတွင်း မိုးစပါး စိုက်ဧက အနေဖြင့် မြိတ်မြို့နယ်တွင် ဧက(၆)သောင်းခန့်၊ ကျွန်းစုမြို့နယ်တွင် ဧက(၂)သောင်းခန့်၊ ပုလောမြို့နယ်တွင် ဧက (၄)သောင်းခန့်၊ တနင်္သာရီမြို့နယ်တွင် ဧက (၃) သောင်းခန့် စုစုပေါင်း ဧက (၁.၅)သိန်းခန့် စိုက်ပျိုးရန် လျာထားခဲ့သည်။ ယခု စပါး ရိတ်သိမ်းချိန်တွင် အခါမဲ့ မိုးများ ရွာသွန်းမှုကြောင့် မှည့်ဝင်းနေသည့် စပါးခင်းများအတွင်း ရေ၀င်ခြင်း၊ ရိတ်သိမ်းပြီးစ စပါးများမှာလည်း မိုးရေစို ပျက်စီးခြင်း၊ အမိုးအကာ အောက်သို့ ရောက်ရန်မှာလည်း လယ်ယာလုပ်သားများ ရှားပါးခြင်း ၊ ရိတ်သိမ်းခြွေလှေ့စက် အသုံးပြုရန် လက်လှမ်းမမှီခြင်းများ ဖြစ်ပေါ်နေကြောင်း သိရှိရသည်။
ကျွန်းစုမြို့နယ်ရှိ လယ်သမား တစ်ဦးကလည်း မိမိတွင် ဧက (၅၀)ခန့် စိုက်ပျိုးထားကြောင်း ၊ အခု မိုးရွာသွန်းမှုကြောင့် စပါးများ ရိတ်သိမ်းရန် အခက်အခဲ ရှိကြောင်း ၊ လယ်ယာ လုပ်သား များမှာလည်း ရှားပါးလာကြောင်း၊ တစ်နေ့ ရိတ်သိမ်းခ စပါး တစ်တင်းနှုန်း (၃၅၀၀ိ)ကျပ် ခန့် ပေးသော်လည်း ရိတ်သိမ်းမည် သူ မရှိကြောင်း၊ အရွယ်ရောက်လာသည့် သူများမှာ လယ်ယာ လုပ်ကိုင်ခြင်း မရှိဘဲ တစ်ဘက်နိုင်ငံသို့ သွားရောက်အလုပ်လုပ် ကိုင်ကြ သဖြင့် လယ်ယာ လုပ်သားများ ရှားပါးလာကြောင်း၊ စက်ဖြင့် ရိတ်သိမ်း ခြွေလှေ့ရန်မှာလည်း အခက်အခဲ ရှိကြောင်း ၊ မိမိမှာ အခု စိုက်ပျိုးပြီးသည့် ဧက အားလုံး အနက် တစ်ဝက်သာ ရိတ်သိမ်းရပြီး ကျန်သည့် စပါးခင်းများအား လက်လွတ် ဆုံးရှုံး ခဲ့ပြီ ဖြစ်ကြောင်း၊ ဒီနှစ် မိမိ အတွက် အရှုံး ပေါ်ကြောင်း အစိုးရ အနေဖြင့် အတတ်နိုင်ဆုံး အကူ အညီ ပေးသင့်ကြောင်း ပြောကြားပါသည်။
0 comments:
Post a Comment