ကျွန်းစုမြို့နယ် အတွင်း သားဖွားဆရာမ သင်တန်းကျောင်း တစ်ကျောင်း ဖွင့်လှစ် သင်ကြားပေး ရန် အစီအစဉ် မရှိ
ကျွန်းစုမြို့နယ် အတွင်း ယခင်က ဖွင့်လှစ် သင်ကြားပေးခဲ့သည့် အရန်သားဖွား သင်တန်းများကို ပြန်လည် ဖွင့်လှစ်၍ သင်ကြားပေးရန် အစီအစဉ် ရှိ/မရှိနှင့် ကျွန်းစုမြို့ပေါ်တွင် သားဖွားဆရာမ သင်တန်းကျောင်းဆောင် ဖွင့်လှစ်၍ သင်ကြားပေးရန် အစီအစဉ်ရှိ/မရှိကို လည်းကောင်း၊ မရှိဟုဆိုပါက အဘယ်ကြောင့်နည်း ဆိုသည်ကို သိရှိလိုပါကြောင်း ပထမအကြိမ် ပြည်သူ့လွှတ်တော် (၁၂) ကြိမ်မြောက် ပုံမှန်အစည်းအဝေး (၅၅)ရက် မြောက်နေ့ (၁.၆.၂၀၁၅) ရက်နေ့တွင်
ဒေါ်တင်တင်ရီ (ကျွန်းစုမဲဆန္ဒနယ်) မှ မေးမြန်းချက်အား ကျွန်းစုမြို့နယ်တွင် သားဖွားသင်တန်းကျောင်း ဖွင့်လှစ်ရန် လောလောဆယ်တွင် အစီအစဉ် မရှိသေးပါကြောင်း ကျန်းမာရေးဝန်ကြီးဌာန၊ ဒုတိယဝန်ကြီး ဒေါက်တာသိန်းသိန်းဌေးက ပြန်လည် ဖြေကြားခဲ့သည်။
 |
| ကျွန်းစုမြို့နယ်အတွင်းရှိ တိုက်နယ် ဆေးရုံ တစ်ရုံအား တွေ့ရစဉ် |
အဆိုပါ ဒေါ်တင်တင်ရီ၏ မေးမြန်းချက်အပေါ် ကျန်းမာရေးဝန်ကြီးဌာန၊ ဒုတိယဝန်ကြီး ဒေါက်တာ သိန်းသိန်းဌေးက ကျန်းမာရေးဝန်ကြီး ဌာနအနေဖြင့် ကျွန်းစုမြို့နယ်တွင် ၂၀၁၄ ခုနှစ်အတွင်း GAVI နှင့်တိုင်းဒေသကြီး အစိုးရ အထောက်အပံ့ဖြင့် အရန်သားဖွား သင်တန်း ပို့ချ ပေးခဲ့ရာ သင်တန်းစုစုပေါင်း ၃၀ ဦးကို ၁-၁၀-၂၀၁၄ ရက်နေ့မှ စ၍ ၆ လကြာ သင်တန်းပို့ချပေးခဲ့ ပါကြောင်း၊ ထို့အပြင် မြို့နယ် လိုအပ်ချက်အပေါ် မူတည်၍ အရန်သားဖွား ဆရာမအသစ်များ ထပ်မံ လေ့ကျင့်မွေးထုတ်မည့် အစီအစဉ်ကို နှစ်စဉ်ဆောင်ရွက်လျက်ရှိ ပါကြောင်း၊ ကျန်းမာရေးဝန်ကြီးဌာန အနေဖြင့် တနင်္သာရီတိုင်းဒေသကြီး၊ မြိတ်မြို့တွင် သားဖွားသင်တန်းကျောင်း ၁ ကျောင်းနှင့် ထားဝယ်မြို့တွင်သူနာပြုသင်တန်းကျောင်း ၁ ကျောင်းကို ဖွင့်လှစ်လျက်ရှိ ပါကြောင်း၊ သို့ဖြစ်ပါ၍ တနင်္သာရီတိုင်းဒေသကြီး၊ ကျွန်းစုမြို့နယ်တွင် သားဖွားသင်တန်းကျောင်း ဖွင့်လှစ်ရန် လောလောဆယ်တွင် အစီအစဉ် မရှိသေးပါကြောင်း ရှင်းလင်းဖြေကြားခဲ့သည်။
0 comments:
Post a Comment