ရေလုပ်ငန်းဆိုင်ရာ ကုန်သွယ်ရေးဆွေးနွေးပွဲကို ဒီဇင်ဘာလ(၁၈)ရက် ညနေ(၅)နာရီက
မြိတ်မြို့ မြစည်းစိမ်ခန်းမတွင် ကျင်းပရာ ဌာနဆိုင်ရာ တာဝန်ရှိသူများ၊
တနင်္သာရီတိုင်းဒေသကြီး ငါးလုပ်ငန်း အဖွဲ့ချုပ်၊ မြိတ်ခရိုင်
ရေလုပ်ငန်းရှင်များ၊ စီးပွားရေးလုပ်ငန်းရှင်များ၊ ထိုင်းနိုင်ငံ
မဟာချိုင်ရေလုပ်ငန်း ဆိုင်ရာ ကုန်သွယ်ရေး အဖွဲ့နှင့် ဖိတ်ကြား ထားသူများ
တက်ရောက်ခဲ့ကြသည်။
ရှေးဦးစွာ မြိတ်ခရိုင် အုပ်ချုပ်ရေးမှူး ဦးလွင်ကိုဦးက အမှာစကားပြောကြား သည်။ ယင်းနောက် ကူးသန်း ရောင်းဝယ်ရေးနှင့် စားသုံးသူရေးရာဦးစီးဌာန လက်ထောက် ညွှန်ကြားရေးမှူး ဦးမျိုးမင်းက ကုန်သွယ်မှု ဆိုင်ရာ ကိစ္စရပ်များ ကို လည်းကောင်း၊ မြိတ်ခရိုင် ငါးလုပ်ငန်းဦးစီးဌာနမှူး ဦးမြင့်ဆွေက ငါးလုပ်ငန်းဆိုင်ရာ ကိစ္စရပ် များကိုလည်းကောင်း ရှင်းလင်းဆွေးနွေးကြပြီး မြိတ်ခရိုင် ကုန်သည်များနှင့် စက်မှုလက်မှုလုပ်ငန်းရှင်များ အသင်း ဥက္ကဌ ဦးလှသန်းက ကြိုဆိုနုတ်ခွန်းဆက် စကား ပြောကြားသည်။
ဆက်လက်၍ မဟာချိုင်ရေလုပ်ငန်းဆိုင်ရာ ကုန်သွယ်ရေးအဖွဲ့မှ တာဝန်ရှိသူ များကကြိုဆိုနုတ်ခွန်းဆက် စကားပြောကြားကြပြီး နှစ်နိုင်ငံရေလုပ်ငန်းရှင် များမှ တစ်ဦးချင်း မိတ်ဆက်ကြ၍ အမှတ်တရ လက်ဆောင် ပစ္စည်းများ ပေးအပ်ကြသည်။ ထိုနောက် မြိတ်ခရိုင် ရေလုပ်ငန်းရှင်များ၊ စီးပွားရေးလုပ်ငန်းရှင်များနှင့် ထိုင်းနိုင်ငံ မဟာချိုင်ရေလုပ်ငန်း ဆိုင်ရာ ကုန်သွယ်ရေး အဖွဲ့တို့ ရေလုပ်ငန်းဆိုင်ရာ ကုန်သွယ်ရေး ကိစ္စရပ်များ ရင်းနှီး ပွင့်လင်းစွာ ဆွေးနွေးခဲ့ကြသည်။ မဟာချိုင်ရေလုပ်ငန်း ဆိုင်ရာ ကုန်သွယ်ရေးအဖွဲ့မှ စက်မှုဇုံနှင့် ပြည့်ဖြိုးထွန်း ကုပ္မဏီ အအေးခန်းစက်ရုံ၊ သင်္ဘောလွန်းကျင်း၊ အထပ်သားစက်ရုံ၊ ဂဏန်းပျော့မွေးမြူရေးနှင့် ငါးမုန့်စက်ရုံ များအား ဒီဇင်ဘာလ(၁၉)ရက် နံနက်ပိုင်းတွင် သွားရောက်လေ့လာ ခဲ့ကြကြောင်း သတင်းရရိ်ှသည်။
ပြန်ဆက်
0 comments:
Post a Comment