သောက်ရေ/သုံးရေ
စနစ်တကျရရှိရေး တနင်္သာရီမြို့၌ ရေပိုက်လိုင်းများ
သွယ်တန်းပေးလျက်ရှိ
တနင်္သာရီ
- ဇူလိုင်လ (၁၄) ရက်
တနင်္သာရီတိုင်းဒေသကြီး၊ မြိတ်ခရိုင်-တနင်္သာရီမြို့၏မြေအောက်ရေကျောသည် သတ္တုကျောများရှိနေ၍
လက်တူး တွင်းနှင့် စက်ရေတွင်းများ၏(၈၀%)သည် သတ္တုဓါတ်များ ပါဝင်သောရေများ ပါဝင်နေပြီး၊
ဒေသခံ ပြည်သူများ ကလည်း ချောင်းကြီး၊ ချောင်းငယ်မြစ်နှစ်သွယ်မှ သဘာဝမြစ်ရေ ကိုသောက်ရေ/သုံးရေ/
ချိုးရေအဖြစ် ယခုအချိန်အထိ သုံးစွဲ လျှက် ရှိနေဆဲဖြစ်သည်။ သို့ပါ၍ သန့်ရှင်းသည့်သောက်ရေ/
သုံးရေ စံနစ်တကျရရှိစေရေး အတွက် ဓါးသွေးချောင်း ရေတံခွန်မှ တစ်ဆင့် မြို့တွင်းရပ်ကွက်နှစ်ရပ်ကွက် အတွင်းရှိ ဒေသခံပြည်သူအိမ်ထောင်စု
(၁၀၀၀)ကျော်တို့ အတွက် သောက်ရေ/ သုံးရေ စံနစ်တကျပေးဝေရေးဆောင်ရွက် လိုကြောင်း တင်ပြတောင်းခံမှုအရ
တနင်္သာရီတိုင်း ဒေသကြီး အစိုးရ အဖွဲ့၏ (၂၀၁၅-၂၀၁၆)ဒေသ ဖွံ့ဖြိုးရေး ရန်ပုံငွေကျပ်သိန်း(၂၂၉.၄၅)ဖြင့်
မြို့နယ် စည်ပင်သာယာရေး ကော်မတီ ဥက္ကဌဦးအင်ကိုနှင့် ကော်မတီဝင်များမှ ကြီးကြပ်၍ ရပ်ကွက်နှစ်ခု
အတွင်းလမ်းများ အတိုင်းရေမြောင်းများ အတွင်းရေပိုက်လိုင်းများ သွယ်တန်းပေးလျက်ရှိရာ
(၈၀%)ပြီးစီးနေပြီ ဖြစ်ကြောင်း သိရသည်။
အဆိုပါ
ဓါးသွေးချောင်းရေတံခွန် ဆိုသည်ကားအလောင်းမင်းတရားကြီးကိုယ်တိုင် မြန်မာသက္ကရာဇ် ၁၁၂၁-ခုနှစ်၊တပို့တွဲလဆန်း(၁၃)ရက်နေ့အရုဒ္ဓယမြို့သို့စစ်ချီစဉ်ကအောင်မြင်နင်းခဲ့၍တနင်္သာရီမင်းတို့၏မြို့စောင့်
စစ်သည်တော်များကင်းစောင့်ရင်းဓါး/လှံများသွေးခဲ့သည့်ဓါးသွေးအရာများယနေ့အထိထင်ထင်ရှားရှားရှိနေသေး
သဖြင့်
ဓါးသွေးချောင်းဟုအမည်တွင်ခဲ့ခြင်း ဖြစ်သည်။
၎င်းဓါးသွေးချောင်းမှတစ်ဆင့် ဂါလံ(၅၀၀၀၀)ဆံ့နှင့် ဂါလံ(၁၀၀၀၀)ဆံ့ရေသိုလှောင် ကန်နှစ်ခု အတွင်းရေများ သိုလောင်ထားရှိပြီး ၄င်းမှတစ်ဆင့်
မြို့တွင်းသို့ရေပိုက်လိုင်း များဖြင့်တောက်လျှောက် သွယ်တန်းပေးလျှက်ရှိပါသည်။
ယင်းသို့သွယ်တန်းပေးလျကိရှိသော ပိုက်လိုင်း အရွယ်အစားများမှာ သုံးလက်မအရွယ်ပေ(၅၀၀၀) ၊နှစ်လက်မအရွယ်
ပေ(၉၀၀၀) နှင့်(၁.၅)လက်မအရွယ် (၂၂၄၀၀)ပေ စုစုပေါင်းပေ(၃၆၄၀၀)ပေ ရှိပြီးရေပိုက်လိုင်းများ သွယ်တန်းပြီးစီး ပါက တနင်္သာရီမြို့
ချောင်းကြီးရပ်ကွက် ၊ချောင်းငယ်ရပ်ကွက်တို့မှဒေသခံပြည်သူများ အိမ်ထောင်စုဝင်များ အနေဖြင့် သန့်ရှင်းသောသောက်ရေ/သုံးရေကို မိမိတို့စိတ်ကြိုက်လုံလောက်စွာရရှိနိုင်တော့မည်ဖြစ်ကြောင်း သိရှိခဲ့ရသည်။
0 comments:
Post a Comment