တရားမ၀င် ငါးဗုံးခွဲလှေ တစ်စီးအား တပ်မတော်(ရေ) ကင်းလှည့်ရေယာဉ်မှ ဖမ်းဆီး
တနင်္သာရီရေတပ်စခန်း ဌာနချုပ် ကွပ်ကဲမှု အောက်ရှိ ကမ်းတက် ရေယာဉ် (၄၂၅)သည် ကော့သောင်း ခရိုင် ဘုတ်ပြင်းမြို့နယ် လန်းပိကျွန်း အနီးရှိ ရေပြင်တွင် ကင်းလှည့် လုံခြုံရေး ဆောင်ရွက်နေစဉ် ၂၀၁၅ ခုနှစ် ဧပြီလ ၅ ရက်နေ့ ည (၈)နာရီ ကျော် အချိန်ခန့်၌ မသင်္ကာဖွယ်ရာ စက်လှေ တစ်စီးအား တွေ့ရှိသဖြင့် အနီးသို့ ချဉ်းကပ်ပြီး မီးအချက်ပြ ခေါ်ယူရာတွင် လာရောက်ခြင်း မရှိပဲ မောင်းနှင် ထွက်ပြေးသဖြင့် ထပ်ချပ် လိုက်လံဖမ်းဆီးခဲ့ရာ ၄င်းငါးဗုံးခွဲ စက်လှေအား ဂျာတိုက်ကျွန်း အနောက်တောင် ၃ မိုင်ခန့်အကွာ ၌ အမည်မရှိ တရားမ၀င် ငါးမိုင်းခွဲလှေ (အလျား ၅၀ ပေ ၄ လက်မ ၊ အနံ ၇ ပေ ၆ လက်မ ၊ ရေစူး ၃ ပေခန့်) သစ်သား ကိုယ်ထည်လှေနှင့် စက်မကြီး HENO EH - 700 ၆ လုံးထိုး ၊ မြင်းကောင်ရေ ၁၈၀ ) တစ်စီးအား မြန်မာလှေသား အမျိုးသား (၈) ဦးနှင့် အတူ ဖမ်းဆီး ရမိခဲ့သည်။
အဆိုပါ ဖမ်းဆီးရမိ ငါးဗုံးခွဲလှေအား မြိတ်မြို့ ငါးလုပ်ငန်း ဦးစီးဌာသို့ လွဲပြောင်းထားပြီး မြိတ်မြို့ မြို့မ ရဲစခန်းတွင် အမှု ဖွင့်လှစ်နိုင်ရေး ဆောင်ရွက်လျက် ရှိသည်။
0 comments:
Post a Comment